PILOTIMUA̒TA 19:6 - KITABI HABARI MOPIOHE

⁶ tolomodu duo̒lo batanga-U̒ lohihilao, wau timongoli mamomaya ola-U̒ odelo mongo iimamu.”

PILOTIMUA̒TA 19:6 Iomraidhean Croise

BOHULO MONGO OLONGIA 3:8

Watotia woluo tohuungo bangusa tamaa tilulaoto Eeya lowali umati lo Eeya lohihilao. Timongolio bangusa tuwau leidaa̒ udiila oyia̒apa jumulaalio.

BOHULO MONGO OLONGIA 8:53

Eeya, yaa Eeya Allahu Taa̒ala, Eeya malo lulaotao̒ olimongolio towolota lo totoonulalo bangusa u lowali umati lo Eeya lohihilao, debo odelo u mapilo tahuda mai lo Eeya odeli mongolio lotimbulude to wato lo Eeya Musa, tou̒ Eeya lodelo loluuhuru lo mongowatotia yilumualao̒ lonto Masiri.”

BOHULO TAWARI 17:22

Bangusa lo Isirai̒lu mapilowali mai lo Eeya umati lo Eeya lohihilao u ohiheo-hiheolo mao̒. Wau Eeya, yaa Eeya, lowali Allahu Taa̒ala limongolio.

JABURU 114:2

Eeya lopowali mao̒ Yehuda tambati mantali lo Eeya, Isirai̒lu pilopowali madala okokawasa lo Eeya.

PILOTIMUA̒TA 15:26

Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

PILOTIMUA̒TA 22:31

Timongoli umati-U̒, sababu uito penu boli binatangi wolo olo u dilangapo lo binatangi mongantau, diila mowali tamelo limongoli tapulio; wohia mao̒ uito ode aa̒a-pulaalo.”

PILOTIMUA̒TA 28:36

Pohutua mao̒ polomu tuwau monto hulawa tutu wau paisakawa mao̒ tataa-heyaalo ‘Poheetu ode Eeya’.

YESAYA 43:4

Yio̒ ohalaga to mato-U̒, Wau̒ momasisi wau momonu olemu; yi yiilohi-U̒ mai manusia olemu tulou̒mu, babaa-ngusawalo odelo tuloo̒ nyawamu.

YESAYA 61:6

Timongoli mau̒nteelo wato lo Allahu Taa̒ala wau ilunte iimamu lo Eeyaanto. Timongoli mamoo̒-lamitao̒ okokaya lo babaa-ngusawalo wau molaasa meengahu sababu halata limongolio.

YESAYA 62:12

Timongolio mau̒nteelo: ‘Umati mantali’; ‘Umati tapiloa̒ahu lo Eeya’. Yerusalemu mau̒nteelo ‘Kota u ilodehu hilao lo Eeya’, ‘Kota u diilalo tolaa lo Eeya’.

YESAYA 66:21

Ngotayadu towolota limongolio mapowaliyo-U̒ iimamu wau taulo Lewi.

YEREMIA 13:11

Debo odelo lipalipa limbu-limbu leitihuto daa̒ to wohuta lo talomake mao̒, odieelo mola Wau̒ opatuju alihu umati lo Isirai̒lu wau Yehuda meitihuto daa̒ to Olau̒. Lou̒ odito timongolio mowali umati-U̒ tamohutu tanggulu-U̒ ilopuji wau hilurumati. Bo, timongolio diila mohuto modudua̒ ola-U̒.”

YEREMIA 2:3

Isirai̒lu, yio̒ milikii-U̒ lohihilao, polantapo hilaa-U̒ tapilonu-U̒. Wau̒ mopodungga mai baala hidala-dalaala ode ngoa̒amila tamohutu olemu modutolo, Wau̒, Eeya, malo tahuda mai.”

YEREMIA 7:23

Wau̒ bo lomalenta olimongolio u modungoheo̒ ola-U̒ alihu Wau̒ mowali Allahu Taa̒ala limongolio, wau timongolio mowali umati-U̒. Wau̒ helopoa̒hu olimongolio tumumula modudua̒ ngoa̒amila palentaa-U̒ alihu timongolio sanangi tutu.

IMAAMATI 19:2

lopo tunggulao̒ ode bangusa lo Isirai̒lu palenta botie, “Mamusi timongoli mantali, sababu Wau̒ Eeya Allahu Taa̒ala limongoli yito mantali.

IMAAMATI 20:24

Huta ukaya wau molomiodu boito mapilo danti-U̒ mai olimongoli, oditolio wohi-U̒ mai olimongoli mowali haku limongoli. Wau̒lo Eeya Allahu Taa̒ala limongoli talo pohalahe olimongoli lonto babaa-ngusawalo wewo.

IMAAMATI 20:26

Timongoli pilopo wiwi-U̒ lonto babaa-ngusawalo wewo alihu mowali hakuu-U̒. Timongoli musi mantali sababu Wau̒lo Eeya, wau Wau̒ mantali.

IMAAMATI 21:23

Sababu tau boito oa̒ibu wawaai̒o, yi tio diila mowali mohimbideo̒ podehu ulopo halahu Huwali Leidaa̒ Mantali wau mesba. Tio diila mowali moponajisi babaa-langiyalo u mapiloheetu ode Olau̒, sababu Wau̒lo Eeya, wau Wau̒lo tamo poheetu mao̒ uu̒u-pangowalo boito.”

AMOS 3:2

“Monto ngoa̒amila bangusa todunia timongolilo tatuwa-tuwaulo bangusa tao̒onuhe-U̒ wau piloo̒tuotu-U̒. Uitolo sababuulio dusamu udaa̒, wau Wau̒ tantu mohukuumani mai olimongoli.”

HAGAI 2:5

Tou̒ timongoli yilumualai lonto Masiri, Wau̒ malo danti malaito moduo̒la olimongoli. Wau botia olo Wau̒ debo donggo moduo̒la olimongoli. Oditolio, diila palalu timongoli molawalo.

YIA̒APO 16:3

Timongolio pee̒-pee̒enta lonao̒ mota lotaalua wolei Musa wau lei Haruna wau loloi̒ya mao̒, “Malo tuuheta uito, Musa! Ngoilanggubu umati lo Isirai̒lu pohetuwolo ode Eeya, wau Eeya woluo to huungonto ngoa̒amilalo. Bo yilongola yio̒ monganggapu batangamu lebe lailaio̒ wolo umati lo Eeya?”

ROMA 12:1

Mongo wutato! Allahu Taa̒ala mopiohe daa̒ olanto, uito sababuulio pohile lowatia lou̒ tio̒otutua alihu timongoli mopodewo batanga limongoli odelo tuwaulio lobake tutumulo utolomodu duo̒lo Allahu Taa̒ala wau moposanangi hilaa-Lio. Tabiyamu ode Allahu Taa̒ala musiilio odito.

1 KORINTUS 3:17

Wonu woluo taa u mongantulu Bele lo Allahu Taa̒ala, Allahu Taa̒ala olo mamo ngantulu tau boito. Sababu Bele lo Allahu Taa̒ala yito tolomodu ode Allahu Taa̒ala wambao̒, wau timongolilo bele boito.

TINGULI 14:21

Binatangi u yilate wolo hilaalio diila mowali tamelo limongoli, bo mowali tamelo lotau deli tabilu-biluloa̒ towolota limongoli, meaalo potaali ode bangusa wewo. Timongoli yito umati tapilohetu ode Eeya Allahu Taa̒ala limongoli. Tapu lowalao̒ himba meaalo walao̒ batade diila mowali tubuolo wolo taluhu susu liilolio.”

TINGULI 26:19

Eeya mamohutu mai olimongoli lebe udaa̒ monto bangusa tamaa pilowali-Lio, wau timongoli mapujio wau hulumatiolio. Timongoli mowali umati lo Eeya Allahu Taa̒ala limongoli debo odelo upilo danti-Lio mai.”

TINGULI 28:9

Wonu timongoli modungohe to Eeya Allahu Taa̒ala limongoli wau mohutu mao̒ totoonulalo palentaa-Lio, timongoli mapowalii-Lio umati-Lio lohihilao, debo odelo u dilanti-Lio mai.

TINGULI 7:6

Pohutuwalo mao̒ ngoa̒amilalo boito sababu timongoli miliki lo Eeya Allahu Taa̒ala limongoli. Monto totoonulalu bangusa totudu lodunia, timongolilo tatilulaoto Eeya Allahu Taa̒ala limongoli.

1 TESALONIKA 5:27

Tokawasa lo Eeya, pohile laatia lou̒ tio̒otutua alihu timongoli mopobaca mao̒ tulade botie ode ngoa̒amila wutato tango-iimani.

1 PETRUS 2:5

Timongoli debo odelo boboo-tuwaalo utumu-tumulo. Sababu uito mamusi timongoli mohuto pomakelio u momongu bele lo Allahu Taa̒ala u rohu. Lou̒ odito timongoli mowali mongo iimamu tatumu-tumulo tolomodu ode Allahu Taa̒ala, wau u motimbulude li Isa Almasi mopodewo ode Allahu Taa̒ala, bake lorohu u motuhatawa tohilaa lo Allahu Taa̒ala.

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

WAHI 1:6

wau lopowali olanto tala tuwau bangusa tolomodu lowali mongo iimamu, tamomaya Allahu Taa̒ala, ti Paapa-Lio. Ti Isa Almasi boitolo tau̒daa̒ wau okawasa u ohiheo-hiheolo mao̒. Amin!

WAHI 20:6

Potisanangilo tutu tau-tauwalo tamodudua̒ muli bongulo-Lio mai tobohulo tahapu boito. Timongolio paatuti mowali miliki lo Allahu Taa̒ala. Opopate u oluolio diila okawasa toli mongolio. Timongolio mamowali mongo iimamu lo Allahu Taa̒ala mongo iimamu li Almasi; wau timongolio mamo malenta pee̒-pee̒enta wo-Lio ngolihu lotaunu mola hiheolio.

WAHI 5:10

Yio̒ malo powali olimongolio bangusa tuwau tolomodu lowali mongo iimamu, alihu timongolio momaya Allahu Taa̒alanto, wau momalenta toitaato dunia!”