PILOTIMUA̒TA 19:5 - KITABI HABARI MOPIOHE

⁵ Botia wonu timongoli modungohe ola-U̒ wau tatapu molotolo hilao todaanti-U̒, timongoli mapo waliyo-U̒ umati-U̒ lohihilao. Ngoilanggubu dunia yito milikii-U̒, bo timongoli mamowali miliki tapilonu-U̒,

PILOTIMUA̒TA 19:5 Iomraidhean Croise

ILOOWALI 17:9

Allahu Taa̒ala luli lotahuda odelei Abraham, “Yio̒ olo musi tatapu wau molotolo hilao to daantia botie, mopio yio̒ meaalo waliimu mai wawaalia mola.

BOHULO MONGO OLONGIA 8:53

Eeya, yaa Eeya Allahu Taa̒ala, Eeya malo lulaotao̒ olimongolio towolota lo totoonulalo bangusa u lowali umati lo Eeya lohihilao, debo odelo u mapilo tahuda mai lo Eeya odeli mongolio lotimbulude to wato lo Eeya Musa, tou̒ Eeya lodelo loluuhuru lo mongowatotia yilumualao̒ lonto Masiri.”

BOHULO TAWARI 17:22

Bangusa lo Isirai̒lu mapilowali mai lo Eeya umati lo Eeya lohihilao u ohiheo-hiheolo mao̒. Wau Eeya, yaa Eeya, lowali Allahu Taa̒ala limongolio.

AYUBA 41:11

Tatoonu tamowali moluhu olio lou̒ diila otohauta lo topotala? To dunia botie diaaluo tamambo mohutu mao̒.

AYUBA 41:3

Pongalo aakali tio momolohone olemu u mei̒ bebasiyalo? meaalo moheeluma wolemu lopatolo?

JABURU 135:4

Eeya lolulaota olei Yako duo̒lo batanga lo Eeya, umati lo Isirai̒lu pilopowali lo milikii-Lio.

JABURU 24:1

Jaburu lei Dauda. Miliki lo Eeyaalo huta ngotuangio, dunia wau ngoa̒amila u todelomio.

JABURU 25:10

Taa u modungohe to daantia wau butoo̒ lo Eeya, hepilohutu lo Eeya wolo ponu wau debo molotolo hilao.

PILOTIMUA̒TA 15:26

Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

PILOTIMUA̒TA 23:22

Wonu timongoli modungohe olio wau mohutu mao̒ totoonulalo upilo malentaa-U̒, Wau̒ mamopaatea moluwali ngoa̒amila musumu.

PILOTIMUA̒TA 24:7

Lapatao̒ hilamalio buku lodaantia utula-tuladee palenta lo Eeya, wau pilobacalio mao̒ wolo suala mooo̒huu̒ ode bangusa boito. Uali mongolio, “Ami mohuto modungohe to Eeya wau mohutu mao̒ totoonulalo palentaa-Lio.”

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

PILOTIMUA̒TA 8:22

Bo Wau̒ mamohutu mai ngopohia mao̒ lipu lo Gosyen, tambati upilo tibiluloa̒ lo umati-U̒. Mola teto diila tao̒lango, alihu otaawa mao̒ limongoli deu̒ Wau̒, Eeya, talohutu mai uito.

PILOTIMUA̒TA 9:29

Ualei Musa odeli olongia, “Molamemeto lapatio mao̒ watia meidungga mota ode bulemengo kota, watia mamo mintaa̒ao̒ uluu̒ u modua̒ mola ode Eeya. Bulonggodu mamohuheli wau didi esi mamoole, alihu otaawa mao̒ li Tuani lowatotia deu̒ dunia botie miliki lo Eeya.

LAHU MOLAMAHU 8:12

wau moo̒tapu dulo hetutuo duo̒lo tolopanilio wolo kalaja tioopatea. Huliilo mao̒ doi boito ode olemu, Salomo, wau ode tahi podahawa ilengimu. Bo ilengi lo angguruu̒, milikiiu̒ lohihilao, woluo totaluu̒.

YESAYA 1:19

Wonu timongoli mohuto modungohe to ola-U̒, timongoli mamoo̒ toduo mai ngoa̒amila u mopiohu u tilapulao̒ lo lipumu.

YESAYA 41:8

Bo yio̒, Isirai̒lu, wato-U̒, umati tatilulaotu-U̒, yio̒ wali mai lei Abraham, sahabati-U̒.

YESAYA 43:1

Isirai̒lu, odie mola tahuda mai lo Eeya, “Wau̒ulo talo powali wau lohutu mai olemu, diila mao̒ oohe, yio̒ tantu poa̒ahuwo-U̒ mai! Wau̒ malo tianga olemu wolo tanggulumu, yio̒ yito milikii-U̒.

YESAYA 56:4

Eeya lotahuda mai ode limongolio, “Wonu timongoli momandungi dulahu Saabati, wonu timongoli tatapu wau molotolo hilao to daantia-U̒ wau mopohutu wolo u moo̒sanangi hilaa-U̒,

YEREMIA 10:16

Allahu Taa̒ala lei Yako diila debo odelo babaa-laahalaalo boito; Eeya talopowali mai totoonulalo u hitua-tuawua. Tanggu-Lio yito Eeya Taa Laba-labaalo kawasa; Eeya malo lulaotai Isirai̒lu lowali umati-Lio.

YEREMIA 13:11

Debo odelo lipalipa limbu-limbu leitihuto daa̒ to wohuta lo talomake mao̒, odieelo mola Wau̒ opatuju alihu umati lo Isirai̒lu wau Yehuda meitihuto daa̒ to Olau̒. Lou̒ odito timongolio mowali umati-U̒ tamohutu tanggulu-U̒ ilopuji wau hilurumati. Bo, timongolio diila mohuto modudua̒ ola-U̒.”

YEREMIA 7:23

Wau̒ bo lomalenta olimongolio u modungoheo̒ ola-U̒ alihu Wau̒ mowali Allahu Taa̒ala limongolio, wau timongolio mowali umati-U̒. Wau̒ helopoa̒hu olimongolio tumumula modudua̒ ngoa̒amila palentaa-U̒ alihu timongolio sanangi tutu.

IMAAMATI 20:24

Huta ukaya wau molomiodu boito mapilo danti-U̒ mai olimongoli, oditolio wohi-U̒ mai olimongoli mowali haku limongoli. Wau̒lo Eeya Allahu Taa̒ala limongoli talo pohalahe olimongoli lonto babaa-ngusawalo wewo.

AMOS 3:2

“Monto ngoa̒amila bangusa todunia timongolilo tatuwa-tuwaulo bangusa tao̒onuhe-U̒ wau piloo̒tuotu-U̒. Uitolo sababuulio dusamu udaa̒, wau Wau̒ tantu mohukuumani mai olimongoli.”

AMOS 6:1

Matilopotala timongoli tatumu-tumula hisanangia to Sion, wau timongoli tamolaasa aamani to Samaria – timongoli wuu tahi otanggulawa todelomo ulipu bangusa lo Isirai̒lu tapolu-polutuo̒ botie, timongoli tabiasaalio henao̒o mai lo lipu u mei̒tulungi!

MALEAKHI 3:17

Eeya Taa Laba-labaalo kawasa lotahuda mai, “Timongolio mamowali umati-U̒. To dulahe Wau̒ mohutu mai, timongolio mamowali miliki tailo hilaa-U̒. Wau̒ mamomonu olimongolio, debo odelo ngotaalio lotiyamo motolia̒ngo walai̒o tahemo tiwato to olio.

1 KORINTUS 10:26

Sababu todelomo Kitabi tulatulade, “Dunia botie wolo tuangio ngoa̒amila yito miliki lo Eeya.”

1 KORINTUS 10:28

Bo wonu woluo tamoloi̒ya olimongoli, “Ua̒alo botie mapilodewo ode balahala,” diila mao̒ tamela ua̒alo boito, sababu mopoo̒ tuotao̒ polohuna daa̒ lotau boito, wau sababu suala lohilaa u maloo̒tapu tinelo Eeya.

TINGULI 10:14

Eeya Allahu Taa̒ala limongoli motolo miliki hulungo ulaba-labaalo molanggato; dunia olo milikii-Lio wolo totoonulalo uwoluo toitaatio.

TINGULI 11:27

Timongoli mabalakatia-Lio wonu timongoli modungohe to papaa-lentawalo Eeya Allahu Taa̒ala limongoli, u todulahee botie potunggulai lowatia ode limongoli.

TINGULI 14:2

Timongoli yito miliki lo Eeya Allahu Taa̒ala limongoli; monto totoonulalo bangusa totudu lodunia, timongolilo tatilulaoto Allahu Taa̒ala u mowali umati-Lio.”

TINGULI 14:21

Binatangi u yilate wolo hilaalio diila mowali tamelo limongoli, bo mowali tamelo lotau deli tabilu-biluloa̒ towolota limongoli, meaalo potaali ode bangusa wewo. Timongoli yito umati tapilohetu ode Eeya Allahu Taa̒ala limongoli. Tapu lowalao̒ himba meaalo walao̒ batade diila mowali tubuolo wolo taluhu susu liilolio.”

TINGULI 26:18

Todulahee botie Eeya mololimo olimongoli odelo umati-Lio lohihilao, debo odelo upilo danti-Lio mai ode limongoli, wau Tio momalentao̒ olimongoli u mohutu totoonulalo palentaa-Lio.

TINGULI 26:19

Eeya mamohutu mai olimongoli lebe udaa̒ monto bangusa tamaa pilowali-Lio, wau timongoli mapujio wau hulumatiolio. Timongoli mowali umati lo Eeya Allahu Taa̒ala limongoli debo odelo upilo danti-Lio mai.”

TINGULI 28:1

“Wonu timongoli modungohe to Eeya Allahu Taa̒ala limongoli wau debo molotolo hilao mohutu mao̒ ngoa̒amila palenta uwohi mai lowatia todulahee botie, yi Tio mamopowali olimongoli bangusa talaba-labaalo masaahuru todunia.

TINGULI 28:9

Wonu timongoli modungohe to Eeya Allahu Taa̒ala limongoli wau mohutu mao̒ totoonulalo palentaa-Lio, timongoli mapowalii-Lio umati-Lio lohihilao, debo odelo u dilanti-Lio mai.

TINGULI 4:20

Bo timongoli yito bangusa tapilo aahu-Lio lonto Masiri, tambati limongoli helo dutolaa ulaba-labaalo. Timongoli dilelo-Lio mai yilumualao̒ lonto lipu boito, alihu mowali bangusaa-Lio masaatia botie.

TINGULI 5:2

To Hui̒dee Sinai Eeya Allahu Taa̒alanto lohutu mai daantia tuwau,

TINGULI 7:6

Pohutuwalo mao̒ ngoa̒amilalo boito sababu timongoli miliki lo Eeya Allahu Taa̒ala limongoli. Monto totoonulalu bangusa totudu lodunia, timongolilo tatilulaoto Eeya Allahu Taa̒ala limongoli.

TINGULI 9:29

Bo ambunguolo eelailo mai, yaa Eeya, deu̒ timongolio botie bangusa tatilulaoto Eeya lowali umati-Mu, wau dilelo-Mu mai lonto Masiri wolo olootolo wau okokawasaa-Mu uleidaa̒.”

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 11:8

Sababu o iimani, yi tei Abraham lodungohe Allahu Taa̒ala tou̒ Allahu Taa̒ala lotianga olio wau lopoa̒hu olio lonao̒ ode lipu upilo danti lo Allahu Taa̒ala olio. Lapatao̒ tei Abraham lomonggato wolo diila otaawa mao̒de utoonu ponao̒walio.

IBRANI 8:9

Diila debo odelo daantia u pilohutu-U̒ wolo loluhuru limongolio tou̒ lodelo olimongolio yilumualo lonto lipu lo Masiri. Timongolio diila tatapu wau molotolo hilao to daantia u pilohutu-U̒ woli mongolio; uitolo sababuulio Wau̒ diila momandungi olimongolio.

YOSUA 24:24

Lapatao̒ tau-tauwala boito loloi̒ya mao̒ odelei Yosua, “Amiaatia mamotiwato bo to Eeya, Allahu Taa̒alanto. Amiaatia mamo dungohe totoonulalo palentaa-Lio.”

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

BOHULO SEMUEL 15:22

Bo tei Semuel loloi̒ya, “Toonu ulebe aahudu lo Eeya, ototaaa̒ti meaalo bake podewo? Modungohe to Eeya lebe mopiohe lou̒ mopodewo bake. Modungohe lebe mopiohu wolo tabo lohimba.