PILOTIMUA̒TA 19:4 - KITABI HABARI MOPIOHE

⁴ “Timongoli maloo̒onto wolo u pilohutu-U̒ totaulo Masiri, wau woloolo mola Wau̒ helodelo mai olimongoli ode ola-U̒ ode tambati botie wolo kawasa uleidaa̒, debo odelo bulungi rajawali helodelo walai̒o toitaato polipii̒o.

PILOTIMUA̒TA 19:4 Iomraidhean Croise

YESAYA 40:31

Bo taa u mopongaku to Eeya, mamoo̒tapu lotolo bohu. Timongolio debo odelo bulungi angga-angga u tilumomboto molanggato wolo olootolo polipii̒o. Timongolio tumeteo̒ wau diila mowali moongolo, timongolio monao̒ wau diila mowali molulupuhu.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

HOSEA 11:1

Eeya lotahuda mai, “Wau̒ lomonu Isirai̒lu anggadu tio donggo ukikiia̒i, tiliyangu-U̒ walau̒u-U̒ boito yilumualo lonto Masiri.

HAGAI 2:5

Tou̒ timongoli yilumualai lonto Masiri, Wau̒ malo danti malaito moduo̒la olimongoli. Wau botia olo Wau̒ debo donggo moduo̒la olimongoli. Oditolio, diila palalu timongoli molawalo.

MALEAKHI 2:10

Ito ngoa̒amila oti Aba u tutuuwauwa diila odito? Ito ngoa̒amila pilopowali lo Allahu Taa̒ala u tutuuwauwa diila odito? Wonu odito, yilongola ito tinggai mopaapaahe danti wau lou̒ odito momaahe daantia u pilohutu lo Allahu Taa̒ala wolo loluuhurunto?

TINGULI 1:30

Eeya Allahu Taa̒ala limongoli mamodelo olimongoli wau mohipate ode limongoli debo odelo u masilakusia limongoli to Masiri

TINGULI 1:31

wau tohuta datahu wau luasi udelita. Timongoli maloo̒onto woloolo mola Eeya Allahu Taa̒ala limongoli lodelo olimongoli wolo loa̒ahu ngohilayaa̒ lodalalo boito tunggulai ode tambati botie, diila ohiihedio debo odelo tiyamo ngota lomudua̒ towalai̒o.

TINGULI 29:1

Uutieelo tataa-heyaalo daantia u topalenta lo Eeya pilohutu lei Musa wolo bangusa lo Isirai̒lu tou̒ timongolio woluo tohuta lo Moab. Daantia boito debo odelo duhengio lou̒ daantia upilohutu lo Eeya woli mongolio to Hui̒dee Sinai.

TINGULI 29:2

Tei Musa lopoa̒hu ngoa̒amila taulo Isirai̒lu lotia̒mbu, lapatao̒ loloi̒ya mao̒ olimongolio, “Maa iloontonga limongoli lohihilao wolo upilohutu lo Eeya odeli olongia lo Masiri, tahidihuma pantungo ulipulio wau ngoilanggubu lipulio.

TINGULI 4:9

Poo̒tuota mao̒ wau eelai mola tio̒otutua, alihu ngotupa lo tutumulumu timongoli diila molipata wolo u masilakusia limongoli lohihilao. Wunggulia mao̒ ode walao̒ wau wombumu

YOSUA 23:3

Timongoli maloo̒onto totoonulalo hitua-tuawua upilohutu mai lo Eeya Allahu Taa̒ala limongoli ode ngoa̒amila bangusa tewe domi olimongoli. Talo lohipate ode limongoli yito Eeya Allahu Taa̒ala limongoli lohihilao.

WAHI 12:14

Bo taabua boito yilohialio dulo polipio̒ bulungi rajawali uleidaa̒, alihu tio tumombota mola ode tambatilio tohuta datahu u luasi daa̒ wau delita, tou̒toonu tio mataalaalio tolo taunu wau ngoputu hiheolio, molopato monto luhu lonaha.