PILOTIMUA̒TA 19:18 - KITABI HABARI MOPIOHE

¹⁸ Ngoilanggubu Hui̒dee Sinai tilau̒be mai lopoloo̒, sababu Eeya lolaahei ode yitaatio todelomo tulu. Poloo̒ boito lohubulo debo odelo poloo̒ lonto tambati pomobuwalo wau ngoilanggubu hui̒dee hilumehela daa̒.

PILOTIMUA̒TA 19:18 Iomraidhean Croise

ILOOWALI 11:5

Yi malolaahei Eeya lomilohe kota wau monala u pilopo tihulo manusia.

ILOOWALI 15:17

Tou̒ dulahee mahui mai, debolo yilumenetai anglo tuwau u opolipio̒ wau morongo u lei̒-lei̒ita, lapatao̒ yilumaodeo̒ to hiyango lotapu u mahi olo-olonga boito.

ILOOWALI 19:28

Tio lomilohe mola ode mantahu Sodom wau Gomora wau ode ngoilanggubu lumbaya, wau loo̒onto mola poloo̒ tihu-tihubulai lonto huta boito, odelo poloo̒ lonto tihengo damango daa̒.

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

JABURU 104:32

Eeya lomilohei dunia wau lohutu mao̒ hilumuhela, huhuu-ideyaalo diledeto Eeya, tilinggula poloi̒o yilumualo.

JABURU 114:4

Huhuu-ideyaalo hilanti-lantia̒ debo odelo batade, huhuu-luduwaalo hitaya-tayanga debo odelo walao̒ himba.

JABURU 114:7

Wuu dunia, pohumu-heloolo mola totalu lo Eeya, totalu lo Allahu Taa̒ala lei Yako,

JABURU 144:5

Yaa Eeya, huo̒oilo hulungo Eeya wau polaahulo mai, dedeetaalo huhuu-ideyaalo alihu mohubulo.

JABURU 18:9

Poloo̒ helo mukaa̒i lonto huango wulingo lo Eeya, tulu wau bohu yilumualai lonto ngango lo Eeya.

JABURU 68:9

dunia helo lotau̒lo, didi lopopao̒ totalu lo Eeya, sababu pilodungga lo Allahu Taa̒ala Sinai, Allahu Taa̒ala lo Isirai̒lu.

JABURU 77:18

Heengo, momopoa̒i didi, bulonggodu motihulaubei; ilato modehita ode totoonulalo mao̒ mantahu.

JABURU 77:19

Bulonggodu hula hulaubio, ilato umilato, huta molotau̒lo wau humuhela.

PILOTIMUA̒TA 19:13

tau boito musi pai̒yolo wolo botu meaalo panaalo, wau diila mowali dedetolo. Utie pohu-pohutu mopio duo̒lo manusia meaalo duo̒lo binatangi; ngoa̒amila taa molaode siipati boito musi hukuu-maniyola mate. Tou̒ odungohe mao̒ tingohu hayahaya lo torompeti, tau-tauwalo boito musi motao̒de mola hui̒du.”

PILOTIMUA̒TA 19:17

Tei Musa lodelo olimongolio yilumualao̒ lodunggaya wolo Allahu Taa̒ala, lapatao̒ timongolio tilimihula tobungo lohui̒dee boito.

PILOTIMUA̒TA 20:18

Tou̒ tau-tauwala loo̒dungohe bulonggodu wau tingohu torompeti, wau loo̒onto ilato wau hui̒dee u opoloo̒, timongolio mahulu-huluhelio yiloohe wau tilimihulao̒ helo tilaminga mota.

PILOTIMUA̒TA 3:2

Mota teto malai̒kati lo Eeya lopo bilohei batanga to olio todelomo lei̒to tulu u yimualai lonto huungo diu̒to. Tei Musa lomilohe mota diu̒to boito lei̒-lei̒ito, bo diila lopobu.

PILOTIMUA̒TA 34:2

Potidapa-dapotolo loombu dumodupo u motao̒de Hui̒dee Sinai wau mola motaalua wola-U̒ to balitutuo̒ hui̒du boito.

YESAYA 6:4

Suala limongolio loo̒ lotau̒lo wumbato Bele lo Eeya, wau Bele lo Eeya boito lohihilao lopolu lopoloo̒.

YESAYA 64:1

Kaidingaalo hulungo wau potuhutolo mai, yaa Eeya, pohutuwalo mai huhuu-ideyaalo molotau̒lo totalu lo Eeya,

YEREMIA 4:24

Iloontonga lowatia hui̒du wau huhuu-luduwaalo u molanggato helo lota-lotau̒lo heebati daa̒.

HABAKU 3:6

Wonu Eeya mohuheli, dunia hulu-huluhelio; wonu Eeya momilohe, babaa-ngusawalo geegeri. Huhuu-ideyaalo u ohiheo-hiheolo mao̒ mobubuutaa̒; huhuu-luduwaalo u ohiheo-hiheolo mao̒ olo motiwopa, to huhuu-luduwaalo boitolo Eeya lononao̒ tumulalo jamani muloololio daa̒.

JAKARIA 14:5

Timongoli matumeteo̒ molibaya lumbaya u molayade huludu boito mowali duluo. Timongoli matumeteo̒ debo odelo tinenemoyaamu tou̒ lotoduo mai liluhu to maasa pamalenta lei Ujia, olongia lo Yehuda. Lapatao̒ dungga-dunggaalo mai Eeya Allahu Taa̒alau̒, tilunuhe lo ngoa̒amila malai̒kati.

MATIUSI 24:7

Bangusa u tuwau mamopaatea moluwali bangusa uwewo, wau lipu u tuwau mamoluhu lipu uwewo. Boli tou̒toonu mao̒dungga lo polobiti wau liluhu.

TINGULI 33:2

“Eeya dungga-dungga mai lonto Hui̒dee Sinai; Tio lobutu toitaato Edom debo odelo mato lodulahu wau lonto Hui̒dee Paran Tio lolinelai umati-Lio. Tio tilunuhe lo mopuulo lihulota malai̒kati; tulu lei̒-lei̒ita to ambahu olowala-Lio.

TINGULI 4:36

Lonto hulungo Tio lopo dungohei sualaa-Lio to olimongoli u longaajali olimongoli; todunia botie Tio malo pobiloheo̒ tulu-Lio upolu-polutuo̒, lonto tulu boito Tio helo tahuda mai olimongoli.

TINGULI 5:22

Ui-uitolo palenta uilohi mai lo Eeya ode limongoli tou̒ timongoli hia̒mbua tohui̒dee. Tou̒ Tio lotahuda mai wolo suala lobulonggodu lonto tulu wau heengo u mohulodu, Tio longohi mai papaa-lentawalo boito, wau diila taweewo. Lapatao̒ Tio loluladeo̒ tobotulei dulo pita wau longohi mai ode olau̒.”

TINGULI 5:4

Lonto tulu toitaato hui̒dee boito Eeya ohilaa motahuda tulusi woli mongoli.

2 TESALONIKA 1:7

Wau toli mongoli u masaatia botie dutodutolo – odito olo to lamiaatia – Allahu Taa̒ala mamongohi mai olulia todulahu Eeya Isa motuhutai monto sologa wau mopobilohei batanga-Lio wolo mamaa-lai̒kati-Lio tamolotolo boli buheli daa̒

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

IBRANI 12:18

Mongo wutato diila mai motaalua lou̒ hitua-tuawua debo odelo utilalua lobangusa Isirai̒lu omoo̒omolu. Timongolio lotaalua wolo hitua-tuawua u mowali tontalolo, deu̒ito-yito Hui̒de Sinai wolo tululio uhinta-hintalabu; timongolio lotaalua wolo modio̒lomo, diila boti motilango wau dutalo;

IBRANI 12:26

Tou̒ boito sualaa-Lio mopo geegeli dunia. Bo botia Tio lodanti mai. “Pee̒entapo Wau̒ mamopo geegeli diila bo wambao̒ dunia bo hulungo olo.”

2 PETRUS 3:10

Bo Dulahe podudungga mai lo Eeya mamei dungga debo odelo tamootao̒wa. To Dulahe boito, hulungo mamooli wolo tingohu bulonggodu, wau uu̒u-pangowalo tohulungo mamaahu mopobu, wau dunia wolo totoonulalo uwoluo todelomio mamooli.

WAHI 15:8

Yi Bele lo Allahu Taa̒ala boito lopolu wolo poloo̒ lonto odudaa̒ wau kawasa lo Allahu Taa̒ala. Wau ngotilonggadu opitu baala udilelo lo opitu malai̒kati boito diipo lopulito, yi diaaluo penu boli ngotaa mao̒ tamoo̒ tuwoto ode delomo Bele lo Allahu Taa̒ala.

WAHI 9:2

Yi poliyama boito malomuo̒ pangato lomautu boito, tulusi poloo̒ yilumualai lonto delomio debo odelo poloo̒ lonto tihengo uleidaa̒. Mato lodulahu wau baangio daa̒ lowali lodio̒lomo lopoloo̒ lonto pangato boito.

MONGO HAKIMU 5:5

Huhuu-ideyaala lolotau̒lo totalu lo tamo ngawaasa Sinai, totalu lo Eeya, Allahu Taa̒ala lo Isirai̒lu.