PILOTIMUA̒TA 19:11 - KITABI HABARI MOPIOHE

¹¹ Ngoonu timongoli musi malei dapato. Todulahee boito Wau̒ mamolaahei ode hui̒dee Sinai, tambati lotaa ngoa̒amila mowali momilohe ola-U̒.

PILOTIMUA̒TA 19:11 Iomraidhean Croise

ILOOWALI 11:5

Yi malolaahei Eeya lomilohe kota wau monala u pilopo tihulo manusia.

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

JABURU 144:5

Yaa Eeya, huo̒oilo hulungo Eeya wau polaahulo mai, dedeetaalo huhuu-ideyaalo alihu mohubulo.

JABURU 18:9

Poloo̒ helo mukaa̒i lonto huango wulingo lo Eeya, tulu wau bohu yilumualai lonto ngango lo Eeya.

PILOTIMUA̒TA 19:16

Todulahee u otolulio, tou̒ dumodupo, woluo bulonggodu wau ilato. Heengo u mohulodu yilumunetai toitaato hui̒dee wau dungo-dungohei tingohu torompeti u moo̒ohuu̒ daa̒. Ngoa̒amila taa tokema mahilu mehela lou̒ moohe.

PILOTIMUA̒TA 19:18

Ngoilanggubu Hui̒dee Sinai tilau̒be mai lopoloo̒, sababu Eeya lolaahei ode yitaatio todelomo tulu. Poloo̒ boito lohubulo debo odelo poloo̒ lonto tambati pomobuwalo wau ngoilanggubu hui̒dee hilumehela daa̒.

PILOTIMUA̒TA 19:20

Eeya lotuhutai ode balitutuo̒ Hui̒dee Sinai, wau lotianga olei Musa u motao̒de mola ode balitutuo̒ hui̒dee boito. Lapatao̒ tei Musa malo tao̒dee mola,

PILOTIMUA̒TA 24:16

Tinelo owoluo lo Eeya lotuhutai odeitaato hui̒dee boito wau taulo Isirai̒lu heloo̒onto debo odelo tulu ulei̒-lei̒ita to bolitutuo̒ hui̒du. Wolomohui mola hiheolio heengo helolau̒bei hui̒dee boito, wau todulahee opitulio Eeya lotianga olei Musa lonto heenga boito.

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 34:2

Potidapa-dapotolo loombu dumodupo u motao̒de Hui̒dee Sinai wau mola motaalua wola-U̒ to balitutuo̒ hui̒du boito.

PILOTIMUA̒TA 34:5

Oo̒dito malolaahei Eeya todelomo heenga tuwau; Tio tilimihulo wolei Musa totambati boito, wau lohulitao̒ tanggu-Lio umantali, yito Eeya.

YIA̒APO 11:17

Wau̒ mamolaahei wau motahuda olemu totambati boito, wau ngotayadu monto kawasa u mailohi-U̒ mai olemu, mawohi-U̒ mao̒ ode limongolio. Yi timongolio mamoo̒ bantu olemu momanta titihula tobangusa botie, wau diilalo palalu bantaamu lohihilao.

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

TINGULI 33:2

“Eeya dungga-dungga mai lonto Hui̒dee Sinai; Tio lobutu toitaato Edom debo odelo mato lodulahu wau lonto Hui̒dee Paran Tio lolinelai umati-Lio. Tio tilunuhe lo mopuulo lihulota malai̒kati; tulu lei̒-lei̒ita to ambahu olowala-Lio.

TINGULI 4:10

pasali lo dulahee boito, tou̒ timongoli tilimihula totalu lo Eeya Allahu Taa̒ala limongoli to Hui̒dee Sinai. Tou̒ boito Tio lotahuda mai ode laatia, ‘Ambuwa mao̒ bangusa boito. Wau̒ ohilaa timongolio modungoheo̒ wolo umapo tunggulo-U̒ mai, alihu timongolio mobalaajali modungoheo̒ to Olau̒ ngotupa lo tutumulo, wau alihu timongolio mongaajali mao̒ mongo walai̒ mongolio u modungoheo̒ ola-U̒.’

YOSUA 3:5

Tei Yosua loloi̒ya mao̒ ode umati lo Isirai̒lu, “Mamusi timongoli mopo mantali batanga, sababu loombu Eeya mamohutu mai u moo̒linggolabu tohuungi mongoli.”