PILOTIMUA̒TA 18:21 - KITABI HABARI MOPIOHE

²¹ Bo ngopohia mao̒ leeto yio̒ musi molulaotao̒ dengolo lota mongo lolai̒ tamolinepo, wau molantu mao̒ olimongolio mowali tau̒wa to tangolihu lota, ngohetuto lota, limo lopulu lota, wau mopulu lota. Timongolio musiilio tau-tauwalo tamoohe wau tamo dungohe to Allahu Taa̒ala, mowali palacayaalo wau diila mohuto mololimo doi sooloi̒.

PILOTIMUA̒TA 18:21 Iomraidhean Croise

WUNGGULI LOMONGO RASULU 6:3

Oditolio, mopiohulo wonu Mongo wutato molulaotao̒ towolota limongoli pitulota taa otanggulo mopiohe wau kiluwaasa lo Rohullah wau molinepo, tamowali wohia lami tuugasi u mongulusi mao̒ susuu-aliyaalo botie;

YEHESKIEL 18:8

Tio diila pee̒enta mao̒ mopobuloto wolo bunga. Tio diila mohuto mohutu u moleeto wau todelomo timii̒du polohaamawa tio mongohi mao̒ putuusani u motulidu hale.

OLUO LO SAMUEL 23:3

Allahu Taa̒ala lei Yako malo tahuda mai; ode olau̒ tamoo-duo̒laawa Isirai̒lu lotahuda mai odie: “Olongia tamomalenta ulipu wolo aadili tamo titau̒wa wolo ototaaa̒ti ode Eeya,

1 TIMOTIUS 3:3

diila tahe huwoa̒alo, meaalo tamohuto moloohulua. Bolii̒o mao̒, tio musi molumboyoto hilao wau mohuto lou̒ dame. Tio diila mowali bo momilohe doi.

JAKARIA 8:16

Uti-utieelo papaa-lentaalo u musi pohutuo limongoli: Wonu mobisala, poloi̒ya u otutu ode timongotamu. Wohia mao̒ polomutoo̒ u aadili wau u moo̒dame.

JAKARIA 7:9

“Otaa-taunuwa u lopalutaa mola yilohi-U̒ mai papaa-lentaala botie ode umati-U̒, ‘Timongoli musi opii̒li aadili, odehu hilao wau mopiohe hale ode timongotamu.

YEHESKIEL 22:12

Woluo olo tahe bayalialio lowali tamoomatea-mateelo mao̒, hipohamawa uuntungi ulaba-labaalo wau hipomitota tau-tauwalo ngobangusaalio. Timongolio ngoa̒amila malo lipata ola-U̒. Wau̒ Eeya Taa Laba-labaalo molanggato malo tahuda mai.

YEREMIA 5:1

Wuu ulipu lo Yerusalemu, potiduhuulo mota to dadaa-lalaalo to kotamu! Loloheelo mota penu boli tou̒toonu, wau sakusiyaalo lohihilao. Palakisailo to tanalapa lokota wolo woluo ngotaalio tamotiludu hale tahemo tolopani tatapu wau molotolo hilao to Allahu Taa̒ala. Wonu woluo, yi Eeya mamo ngambungu mai Yerusalemu.

TAMOO-HUTUBAWA 12:13

Lapatao̒ ngoa̒amilalo pilikiiliu̒ mola lopio-lopiohulo mao̒ u lolantu, uti-utieelo pulito lohuhaama u lotapuu̒. Poohelo mola to Allahu Taa̒ala wau dungohilo totoonulalo palentaa-Lio, sababu bo u woleeto boitolo manusia pilowali mai lo Eeya.

POHUMAYA 28:2

Wonu bangusa odusa, tamoo-ngawasa olio motutuuloa̒; wonu tau̒wa molinepo, bangusa mamoo̒ taahangi wau debo laito otilapulo.

JABURU 15:5

wau mopo bulotao̒ doi lou̒ diila olente, taa diila mohuto mololimo doi sooloi̒ u mopoluhi taa u diila ototala. Taa u mohutu odito, malaito tantaramu.

AYUBA 31:13

Tou̒ watou̒ mohile wolo moo̒ohuu̒ sababu hakuulio pilopo talau̒, dungoheu̒ tio wau hepilo hutuu̒ wolo tuulusi lohilao.

AYUBA 29:16

To taa mosikini, wau̒ lowali tiyamo; totaa deli, wau̒ lowali tamooduulua.

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

NEHEMIA 5:9

Lapatao̒ luli yiloi̒aau̒ mao̒, “Huhutuumu boito diila mopiohu! Paatutilio timongoli tumutumulo wolo raasa moohe to Allahu Taa̒ala. Lou̒ odito musunto tadiila o Eeya boito diila yilohia limongoli wakutu u mohina olanto.

BOHULO SEMUEL 8:3

Bo timongolio diila loo̒dudua̒ pii̒li liyamo limongolio, bo hemo hilapita pae̒eda lobatanga limongolio lohihilao wambai̒o. Timongolio hemo lolimo doi palele wau hemomutoo̒ ulipu lou̒ diila aadili.

PILOTIMUA̒TA 18:25

wau helo lulaotao̒ tau-tauwalo tahi tinepa towolota bangusa lo Isirai̒lu. Tio lolulaotao̒ olimongolio lowali tau̒wa to tangolihu lota, ngohetuto lota, limo lopulu lota, wau mopulu lota.

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

WUNGGULI LOMONGO RASULU 20:33

Diipo pee̒enta mao̒ watia ilohilao todoi meaalo boo̒ penu boli monto tahingota-ngotaawa.

YESAYA 59:4

Timongoli helo podulohu palakala lou̒ diila o alaasani wau momutoo̒ wolo diila aadili. Timongoli helo himbulo wau hemo pongaku udiila ohuna; timongoli helohutu lanjana u mopo topotala taa wewo wau lohutu umoleeto.

YESAYA 33:15

Timongoli moo̒ taahangi wonu timongoli moloi̒ya wau mohutu u otutu. Diila mao̒ popeehu pae̒da wolo mohama uuntungi ngohuntua daa̒ totaa mosikini, wau diila mao̒ pololimo doi sooloi̒. Diila mao̒ podudua̒ wolo taa u hemolanjana polomatea mate-mateelo mao̒ meaambo ololeeto wewo.

ILOOWALI 42:18

Todulahee otolulio tei Yusu malo loi̒ya ode limongolio, “Wau̒ taa u moohe wau taa u modungohe to Allahu Taa̒ala. Timongoli mapo aahuwou̒ mai wolo danti tuwau.

LUKASI 18:4

Dengolo mola hiheolio tihakimu boito diila lohuto lotulungi janda boito. Bo pulitio mao̒ tihakimu boito helo mikiilangi mola, ‘Eleponu wau̒ diila moohe to Allahu Taa̒ala wau diila momandungi penu boli olita,

LUKASI 18:2

Ti Isa lotahuda mao̒, “Tokota tuwau woluo hakimu ngota tadiila moohe to Allahu Taa̒ala, wau diila momandungi openu boli olita.

YESAYA 16:5

Lapatao̒ ngotaalio monto wali mai lei Dauda mamowali olongia, wau tio mamomalenta bangusaalio wolo tolia̒ngo wau debo molotolo hilao. Tio mamo potihula ua̒adili wau hua̒a mohutu u moponao̒ u otutu.)

BOHULO MONGO OLONGIA 18:12

Wonu bolo watia monao̒ mota monteea, Rohullah tanu mamodelo oli Paaa̒ ode tambati udiila otaawa lowatia! Wau wonu watia mopoo̒taa mao̒ odelei Ahab deu̒ ti Paaa̒ woluo tewe, lapatao̒ tio diila moo̒dungga oli Paaa̒, tantu tio mamomate olaatia mate-mateelo mao̒. Ototai mao̒, Paaa̒, watia botie tio̒otutua hemo ibaadati ode Eeya anggadu kikiia̒i!

BOHULO MONGO OLONGIA 18:3

Sababu uito tei Ahab lotianga olei Obaja u mai lotaalua. (Tei Obaja yito tau̒wa lobele lou̒ ngaalaa̒ lo bele biluloa̒ saaha li olongia. Tio ngotaalio lotaa tio̒otutua hemo ibaadati to Eeya.

BOHULO SEMUEL 8:12

Ngotayadu bilintai̒o lowali polowila ode tangolihu lota. Ti olongia boito mamo makusa mongo walau̒mu momadeo̒ halabolulio, mohimoa̒ tilapulo sembolio, mohutu titii-ngoloolio wau pakaakasi lokaleta popaatealio.

YOSUA 22:14

Pee̒-pee̒enta wolei Pinehas olo lomonggato mopulu lota tahimuloa lolipu bangusa lo Isirai̒lu, – ngotaalio lonto timii̒du suku to ambahu otolopa lo Dutulaa Yordan, ngota-ngota yito tau̒wa lou̒ ngaalaa̒ todelomo suku limongolio.

YIA̒APO 10:4

Bo wonu tuwau wambao̒ u hiipalo, boliilio mao̒ bo tahimuloa lolipu tamusi motia̒mbu mai to palitumu.

ILOOWALI 47:6

Anggapualo mao̒ lipu lo Masiri odelo lipumu lohihilao. Huliyalo mao̒ timongolio mamo titatapu tomadala Gosyen, madala u mopiohe daa̒ tolipu botie. Wau wohia mao̒ tuugasi to tamotota mokalaja u mongulusi bibiahumu.”

YIA̒APO 1:4

Monto timii̒du suku, pohilea mao̒ ngotaalio tau̒wa lokaumu u momantu olimongoli.”

TINGULI 22:18

Yi tahimuloa lokota musi motiangai talolai̒ boito wau momate olio.

ESRA 7:25

Wutata Esra, pohunawa mao̒ hikimati u mailohi mai lo Allahu Taa̒ala ode Wutato, wau pudua̒alo mao̒ mongo tau̒wa wau hakimu tamomalenta ngoa̒amila tau to polopinsi Eperat Otolopa tahitumula lodudua̒ Butoo̒ lo Allahu Taa̒ala lo Wutato. Patutilio Wutata mopoa̒ajali mao̒ Butoo̒ boito ode ngoa̒amila taa u diipo yilotota.

AYUBA 1:1

To huta lo Us bilu-biluloa̒ talolai̒ ngota tai̒lunte Ayuba. Tio hemolubo Allahu Taa̒ala wau tatapu molotolo hilao to Allahu Taa̒ala. Tio taa u mopiohe hale wau diila helohutu u moleeto penu boli ngoi̒di mao̒.

JABURU 15:1

Jaburu lei Dauda. Yaa Eeya, tatoonu tamowali motihangata to Kema lo Eeya wau motibiluloa̒ tohuludu Eeya u mantali.

PILOTIMUA̒TA 17:9

Ualei Musa odelei Yosua, “Tulaotalo dengolo lota u moluhu taulo Amalek. Loombu watia matimihula to balitutuo̒ hui̒dee modihu tunggudu upilei̒ delo mai lo Allahu Taa̒ala.”

OLUO LO SAMUEL 18:1

Ti Olongia Dauda helo ngambu mai ngoilanggubu tahidudua̒ olio, tulusi tilayadio lowali demohelu ngolo kosatuuwani u tilitangoalio lou̒ ngolihu lota wau lou̒ ngohetuto lota. Lapatao̒ hepiludui̒o mongo polowila u motitau̒wa mao̒ to demohelu ngolo kosatuuwani boito.