PILOTIMUA̒TA 16:8 - KITABI HABARI MOPIOHE

⁸ Eeya mamongohi mai olimongoli tapu tou̒ lolaango, wau roti tou̒ dumodupo, tunggula timongoli mobutuhu, sababu Eeya maloo̒ dungohe olimongoli hemoingo Olio. Tutuulio tutu, wonu timongoli hemoingo olami, yi timongoli hemoingo to Eeya.”

PILOTIMUA̒TA 16:8 Iomraidhean Croise

PILOTIMUA̒TA 16:12

“Wau̒ maloo̒ dungohe huhuungoto taulo Isirai̒lu. Polelea mao̒ olimongolio deu̒ tou̒ lolaango timongolio mowali molamela tapu, wau tou̒ dumodupo timongolio mowali molamela roti tunggula mobutuhu. Yi timongolio mamotota mao̒ deu̒ Wau̒lo Eeya, Allahu Taa̒ala limongolio.”

PILOTIMUA̒TA 16:9

Lapatao̒ tei Musa loloi̒ya mao̒ odelei Haruna, “Pei̒ nao̒waalo mai timongolio ngoa̒amila mai motaalua wolo Eeya, sababu maa ilodungohe-Lio huhuungoti mongolio.”

PILOTIMUA̒TA 17:2

Tulusi timongolio helo hungoto to olei Musa wau loloi̒ya mao̒, “Wohia mai ami taluhu u yilumolo.” Tei Musa lolametao̒, “Yilongola timongoli hemo huungoto wau mohimontala to Eeya?”

YESAYA 32:6

Taa u mohulodu molapali tataa-heyaalo u mohulodu wau olanjana u moleeto. Wolo wambai̒o u pohutuolio meaambo loi̒yaalio debo odelo mohina to Allahu Taa̒ala. Diila pee̒enta mao̒ tio mongohi ua̒alo totaa polaangolo meaambo u yilumolo totaa mototoa̒ngo.

YESAYA 37:29

wau Wau̒ maloo̒ dungohe pasali lo oyiyingo wau osombongimu boito. Botia pilohuli-U̒ aito to wulingumu wau lesi to tunggilumu, alihu yio̒ dedeo̒o-U̒ mohualingo molibaya dalalo u pilolibayamu tou̒ odia mai.”

YIA̒APO 11:18

Botia polelea mao̒ utie ode bangusa boito: Pomantaliya mao̒ batangamu tou̒ loombu mola; timongoli mamo lamela tapu. Eeya malo dungohei olimongoli hilumoyongo wau lopoilaalo suusa deu̒ timongoli ohilaa molamela tapu, wau deu̒ paladi mongoli lebe mopioheo̒ tou̒ to Masiri. Botia Eeya mamongohi mai olimongoli tapu, wau matamelo mao̒ limongoli.

YIA̒APO 14:27

“Tunggula omolua tau-tauwalo boito mobiihu to ola-U̒? Ngoa̒amila poloilaalo suusa limongolio maa ilodungohe-U̒.

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

MATIUSI 10:40

“Taa u mololimo olimongoli, mamo lolimo ola-U̒. Wau taa u mololimo ola-U̒, mamo lolimo o-Lio talolao mai ola-U̒.

MATIUSI 9:4

Otaawa li Isa pikiilangi limongolio, oditolio Tio malo tahuda, “Yilongola pikiilangi limongoli malo odito leetio?

LUKASI 10:16

Lapatao̒ ti Isa lotahuda mao̒ to tahidudua̒ o-Lio, “Taa u modungohe olimongoli, modungohe ola-U̒. Taadiila mololimo olimongoli, diila mololimo ola-U̒, wau taadiila mololimo ola-U̒, diila mololimo olo to talolao mai ola-U̒.”

YAHYA 13:20

Otutu banali tahuda-U̒ botie: Tatoonu taa u mololimo tailawo-U̒, mololimo ola-U̒. Wau tatoonu tamololimo ola-U̒, mololimo o-Lio tamalolao mai ola-U̒.”

ROMA 13:2

Uito sababuulio moluwali pomalenta tutuuwauwa wambai̒o lou̒ moluwali wolo u matilantu lo Allahu Taa̒ala. Wau taa u hipohutua odito mamololimo hukuumani.

1 KORINTUS 10:10

Ito olo diila mowali motihungoto; debo odelo u hepilohutu lou̒ ngotayadi mongolio muloololio mai, tilinggula timongolio pilate yila-yilateelo mao̒ lo Malai̒kati Opopate.

1 TESALONIKA 4:8

Taa diila mololimo pongaajali botie, diila bo potouli lomanusia, bo olo diila mololimo Allahu Taa̒ala talongohi mai Rohu-Lio u mantali olimongoli.

BOHULO SEMUEL 8:7

wau Eeya lotahuda mai, “Tolimowalo totoonulalo hihiile bangusa boito to olemu. Sababu diila yio̒ tapilotouli limongolio, bo Wau̒. Timongolio diilalo mokahandaki ola-U̒ odelo olongia limongolio.