PILOTIMUA̒TA 16:3 - KITABI HABARI MOPIOHE

³ Uali mongolio, “Lebe mopioheo̒ wonu humayaalio ami mailate pilate lo Eeya yila-yilateelo mao̒ to Masiri. Mola teto ngoi̒diilio ami mowali motihuloa̒ molamela tapu wau roti tunggula mobutuhu. Bo timongoli malodelo olami odia mai alihu ami ngoa̒amila mate lopolaango.”

PILOTIMUA̒TA 16:3 Iomraidhean Croise

OLUO LO SAMUEL 18:33

Loo̒dungohe uito ti olongia masiluukali daa̒, lapatao̒ lobotula mola ode huwali leidaa̒ toitaato huhebu hulubangi sambela hiyo-hiyongo wolo hemolapali, “Oo walau̒uu̒! Walau̒uu̒ Absalom! Absalom, walau̒uu̒! Lebe mopioheo̒ wau̒lo tamaate motowoli olemu walau̒uu̒! Absalom, walau̒uu̒!”

AYUBA 3:1

Lapatao̒ tei Ayuba malo bisala wau helo laa̒anati dulahu ilowaliilio mai, ualio mao̒,

AYUBA 3:10

Malaa̒-laa̒anatilo hui tilopotala tou̒ watotia pilotutu mai limaama, wau piloluli mao̒ lomanta polodutolo.

AYUBA 3:20

Yilongola manusia piloluli turusi tumutumula modutolo? Yilongola tinelo yilohi mai to talimilimi?

JABURU 107:5

Timongolio pilolaango wau helo totoa̒ngo wau iloolia lo totoonulalo halaapani.

JABURU 78:19

Timongolio loluwali to Allahu Taa̒ala wolo loloi̒ya, “Tingga mambo Allahu Taa̒ala mongohi mai ua̒alo olanto tohuta datahu wau luasi udelita?

JABURU 78:25

Eeya longohi olimongolio ua̒alo dadaata daa̒; timongolio lolameela roti lo malai̒kati.

PILOTIMUA̒TA 14:11

Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito!

PILOTIMUA̒TA 17:3

Bo tau-tauwala boito malo odito totoa̒ngio wau timongolio hemo hungoto tulusi to olei Musa. Uali mongolio, “Yilongola ami yiluwalumu mai lonto Masiri? Otohilaamu alihu ami, mongo walao̒ lami, bibiahu lami mate lou̒ mototoa̒ngo?”

PILOTIMUA̒TA 2:23

Ota-otaunualio mola lapatio mao̒ ti olongia lo Masiri yilate. Bo bangusa lo Isirai̒lu donggo hemo poi̒laalo suusa sababu timongolio hepilo watolio, tilinggula timongolio longuatia̒a mola lei̒ tulungi mai. Wuwaatii̒ mongolio demola Allahu Taa̒ala.

PILOTIMUA̒TA 5:21

Ualo mongo manduru boito, “Otaawa lo Eeya huhutumu! Tio mamo hukumani mai olimongoli! Timongoliilo taloo̒ sababu olamiaatia yilonuo̒ li olongia wolo mongo pogaweelio, tilinggula timongolio ohilaa momate olamiaatia mate-mateelo mao̒.”

YEREMIA 2:6

Wau̒ diila pilandungilio; Wau̒, tamaa lodelo olimongolio to dalalo, wau lodelo olimongolio yilumualai lonto Masiri lolibaya tohuta hungayo u luasi daa̒, madala diila mowali pobutua lo pilomulo u dadaata buo̒loolio, wau mohengu boli moo̒topotala – huta datahu wau luasi daa̒ u diila pilotomelea wau diila polibayalo!

YEREMIA 44:17

Totoonulalo umapilo danti lami, mapohutuo mao̒ lami olo. Ami madebo mopodewo bake ode Olongia taabua lo Sologa, wau moluwatao̒ taluhu angguru odelo dewo ode olio debo odelo u biasaalio hepilohutu lami to kokoo-tawaalo Yehuda wau to dadaa-lalaalo to Yerusalemu lo loluuhuru lami, lomongo olongia wau tahidihuma pantungo lo pamalenta lami boli ami lohihilao. Tou̒ boito ami o ua̒alo tutuuheta, ami maa̒amulu, wau diila ilodungga lou̒ suukali lolo-loolo.

HIYONGO MOPOILAALO SUUSA 4:9

Timongolio silikisa wau yilate to tambati lo popaatea, sababu sama-samaata diila o ua̒alo; tailate totambati lo popaatea, lebe iluuuntungi wolo tailate lo polaango.

YIA̒APO 11:15

Wonu Eeya debo mohutu mai olo watotia odie, ambunguolo ponuwalo mai watotia; lebe mopioheo̒ hua̒a pateyalo mai mate-mateelo mao̒ olo watotia alihu watotia diilalo momanta polodutolo botie.”

YIA̒APO 11:20

bo ngohula polupolu hiheolio timongoli molamela uito, dilumutu timongoli mowali mongongoto wau motuo̒tuo̒ sababu ua̒alo boito. Sua̒li boito motoduo sababu timongoli diila mololimo to Eeya tohuungi mongoli. Wau olo sababu timongoli mahilu moyongo totalu-Lio wau hemo poi̒laalo suusa deu̒ timongoli malo lolaa mao̒ huta lo Masiri.”

YIA̒APO 14:2

Timongolio lobiiheo̒ olei Musa wolei Haruna wau loloi̒ya mao̒, “Lebe mopioheo̒ ito mate to Masiri meaala tohuta datahu wau luasi udelita botie! Huliilo mao̒ ito mate wambai̒o!

YIA̒APO 14:3

Pongola Eeya modelo olanto ode lipu boito? De ito mate todelomo popaatea wau mongo dilento wau mongo walao̒onto tawalolio. Diila malebe mopioheo̒ ito muli mohualinga mola wambai̒o ode Masiri!”

YIA̒APO 16:13

Debo diipo lotuuheta yio̒ malodelo mai olami yilumualao̒ lonto huta lo Masiri u molomiyodu boito wau momate olami mate-mateelo mao̒ tohuta datahu wau luasi udelita botie? Wolo yio̒ musi momalenta olami olo?

YIA̒APO 16:41

Loloombulio mola ngoilanggubu umati lo Isirai̒lu heloingo olei Musa wolei Haruna. Uali mongolio mao̒, “Timongoli malomate umati lo Eeya yila-yilateelo mao̒.”

YIA̒APO 21:5

wau helobiihu to Allahu Taa̒ala wau odelei Musa. Timongolio malo loi̒ya, “Yilongola Eeya malodelo mai olo mongowatotia yilumualao̒ lonto Masiri? Wolo mamomate olo mongowatotia mate-mateelo mao̒ tohuta datahu wau luasi udelita boite? Tewe diaaluo ua̒alo, wau boli uilumolo olo diaaluo. Mongowatotia diilalo mohuto wolo ua̒alo udiila olamita botie!”

WUNGGULI LOMONGO RASULU 26:29

“Todelomo wakutu u bo ngoi̒nta lomola meaanto todelomo wakutu u mohiheo,” ualei Paulus, “watia modua̒ mola ode Allahu Taa̒ala alihu ti Baginda wau Mongo tuani ngoa̒amilalo tamo dungohe olaatia todulahee botie mowali debo odelo watia – ngopohia pomungu botie, tantulo mao̒!”

1 KORINTUS 4:8

Memangi timongoli diilalo momalalu wolo-wolo! Timongoli makilaya! Timongoli malowali olongia! Wau amiaatia diila. Donggo boli piohio wonu timongoli otu-otutuulo mao̒ malowali olongia, alihu amiaatia mowali momalenta woli mongoli.

2 KORINTUS 11:1

Popoluasia mai watia motihutu debo odelo taa mohulode ngopee̒. Wolo mowali odito?

TINGULI 28:67

Tou̒ moo̒onto mao̒ penu boli wamabi̒o, putu limongoli lime-limelo sababu moohe. Didimodupo timongoli mohaalapu meidungga mai hui, wau tou̒ hui timongoli mohaalapu meidungga mai dumodupo.

TINGULI 8:3

Tio lopoluli mao̒ olimongoli pola-polaango, lapatao̒ timongoli yilohia-Lio maana u mowali aaloolo. Timongoli wau loluuhuru limongoli diila pee̒enta mao̒ lolamela ua̒alo boito tou̒ dipo-dipolulio mai. Eeya helohutu mao̒ odito u mongaajali mai olimongoli deu̒ manusia diila bo tumumulo monto ua̒alo wambao̒, bo monto totoonulalo hitua-tuawua u pilotahuda mai lo Eeya.

YOSUA 7:7

Tei Yosua loloi̒ya ode Eeya, “Oo Allahu Taa̒ala Eeyaau̒! Pongoola lo Eeya modelo olo mongowatotia demai ngotuali lo Yordan botie? Wolo mawuduo lo Eeya mongowatotia ode tau-tauwalo Amori? Alihu mongowatotia mate? Lebe mopioheo̒ mongowatotia motibiluloa̒ mola teto wambai̒o, to ngotuali lo Yordan!