PILOTIMUA̒TA 15:8 - KITABI HABARI MOPIOHE

⁸ Deheto hiliipa-Mu, taluhee lotililibe molanggato, tilimihula lotulide debo odelo dingingo meeseli, tilinggula wamoo̒ deheto lowali polibayaalo.

PILOTIMUA̒TA 15:8 Iomraidhean Croise

OLUO LO SAMUEL 22:16

Wamoo̒ deheto lobintaao̒ wau wumbato dunia yilohuo̒ tou̒ Eeya longantinga musu lo Eeya wolo muluka.

AYUBA 4:9

Debo odelo dupoto moo̒ohuu̒ daa̒, odi-odieelo mola muluka lo Allahu Taa̒ala mopobinasa mai olimongolio tunggula mopulito!

JABURU 33:7

Ngooa̒amila taluhu ylimoo̒ lo Eeya totambati tuwau, auhe daa̒ ilotongo lo Eeya todelomo damu.

JABURU 78:13

Eeya lomutao̒ deheto, tulusi lopo balanga olimongolio; taluhee pilotihulo Eeya debo odelo damu.

PILOTIMUA̒TA 14:29

Bo tou̒ taulo Isirai̒lu helo balangao̒ todeheto, timongolio lonao̒ totudu lou̒ mohengu, wau taluhu debo odelo dingingo meeseli to olowala wau oloihilio.

YESAYA 11:4

Taa mosikini butoo̒lio wolo aadili, taa didu olootolo poduulualio wolo juujulu; taa ototala hukuu-maniyolo to palentaalio, taa moleeto poo̒pulitolio sama-samaata.

YESAYA 37:7

Eeya mamohutu mai li olongia lo Asyur mopoo̒tuoto tuwaulio lohabari habari wimbulo tilinggula tio mohualingo ode lipulio lohihilao, wau mola teto tio mapateelio mate-mateelo mao̒.”

HABAKU 3:10

Moo̒onto to Eeya, huhuu-ideyaalo molotau̒lo lonto hulungo lotuhutai didi debo odelo leihuatai. Taluhee towalungo huta hula-hulaubio sualaalio, buo̒olio liliilibe wau mobuo̒ola daa̒.

HABAKU 3:15

Wolo wadala Eeya yiyii-lumbetaa̒ lo Eeya auhe daa̒ wau deheto u moputio̒ obusa.

2 TESALONIKA 2:8

deu̒ito oontonga Manusia Moleeto boito. Yi wonu Eeya Isa meidungga mai Tio mamomate mateelo mao̒ Manusia Moleeto boito wolo napasi monto ngango-Lio wau mopobinasa olio wolo opolutuo̒ owoluwoa-Lio.

YOSUA 3:13

De wonubolo mongo iimamu tamomotaa mao̒ Bulua Daantia lo Eeya mopodutao̒ ode delomo taluhu to Dutulaa Yordan boito, tolohu taluhio mamobunto; taluhu utolo-tolohei monto tau̒wa mamei bubulo totambati tuwau.”

YOSUA 3:16

tou̒ boitolo mola tolohu taluhu dutulaa boito lobunto. Molaminga mola to wimbihu tau̒wa lodutulaa, taluhio lotiwimoo̒ to Adamu, kota tuwau u dudutuulio to ambahu kota lo Sartan. Taluhu towimbihu dutulaa ambahu walungo utolo-tolohe ode Lau Mati lobunto sama-samaata, tilinggula umati lo Isirai̒lu loo̒ balangaao̒ toitaato huta u mohengu tataalua wolo kota lo Yerikho. Mongo iimamu tahi potaala Bulua Daantia boito debo hitihula tohuungo dutulaa tunggula ngoilanggubu umati lo Isirai̒lu leidungga ode ngotuali.