PILOTIMUA̒TA 15:2 - KITABI HABARI MOPIOHE

² Eeya tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

PILOTIMUA̒TA 15:2 Iomraidhean Croise

ILOOWALI 17:7

Wau̒ mamo poo̒polu mai danti-U̒ olemu wau ode waliimu mai, wawaalia mola, wau danti boito ohiheo-hiheolo mao̒. Wau̒ mamowali Allahu Taa̒alamu wau Allahu Taa̒ala lo waliimu mola.

ILOOWALI 49:18

Yaa Eeya, oa̒ahu uwohi mai lo Eeya, boi-boitolo u hewimaa lo watotia.

OLUO LO SAMUEL 22:3

Eeya debo odelo biintengi u motoheeto tambati potiduo̒la lowatotia. Allahu Taa̒ala lowatotia debo odelo hui̒dee botu, tambati potiwolunga lowatotia. Debo odelo porisai Eeya lolau̒bei olo watotia, wau lodaha olo watotia alihu aamani laito.

OLUO LO SAMUEL 22:47

Eeya tumutumulo! Ilopujialo mola taa u moduulua olo watotia! Pou̒daa̒alo mola odudaa̒ lo Allahu Taa̒ala, talo poa̒ahu mai olo watotia!

OLUO LO SAMUEL 22:51

Allahu Taa̒ala longohi mai u loo̒hama daa̒ toli olongia tapiluduo̒ Eeya, Eeya debo momonu tatilulaoto Eeya, deu̒yito-yito tei Dauda wau waliilio mola u ohiheo-hiheolo mao̒.

OLUO LO SAMUEL 7:24

Bangusa lo Isirai̒lu mapilowali lo Eeya umati lo Eeya lohihilao u ohiheo-hiheolo mao̒, wau Eeya yaa Eeyaau̒, mowali Allahu Taa̒ala limongolio.

OLUO LO SAMUEL 7:5

“Ponao̒lo wau mota potunggula mao̒ ode wato-U̒ tei Dauda tahuli-U̒ botie, ‘Diila pongalo aakali yio̒ tamopo tihulao̒ bele ode ola-U̒.

BOHULO MONGO OLONGIA 8:13

Botia bilongu mao̒ lowatotia ode Eeya hudungu u oontonga moo̒linggolabu, duo̒lo tambati potibiluloa̒ lo Eeya ohiheo-hiheolo mao̒.”

BOHULO MONGO OLONGIA 8:27

Bo, Yaa Allahu Taa̒ala, ambunguolo tingga otutu Eeya ohilaa motibiluloa̒ todunia botie? Penu boli hulungo ngoilanggubulo mao̒ diila tuheeto tanggalio ode Eeya, tidiyolo mao̒ bele poi̒baadatiala u bilongu lowatotia botie!

BOHULO TAWARI 16:14

Eeya yito Allahu Taa̒alanto, putuusani-Lio pohupohutu to ngoilanggubu dunia.

JABURU 109:1

Duo̒lo diriheni lopolemboa̒ tamoolahua. Jaburu lei Dauda. Yaa Allahu Taa̒ala talaito hepujio lowatia, ambunguolo diila mao̒ potipoo̒oyo.

JABURU 118:14

Eeya yito olootolo laatia wau tahepuja lowatia, Eeya malo poa̒ahu olaatia.

JABURU 118:21

Watia momuji mola to Eeya, sababu Eeya lodungohei dua̒ lowatia; Eeya malongohi olaatia u loo̒haama.

JABURU 118:28

Eeya Allahu Taa̒ala lowatia, watia mosukuru mola to Eeya, Allahu Taa̒ala lowatia, watia mopou̒daa̒ mola to Eeya.

JABURU 132:5

tou̒ diipo mopodapato bele duo̒lo Allahu Taa̒ala lei Yako, tambati potibiluloa̒ duo̒lo Eeya Taa Laba-labaalo molotolo.”

JABURU 140:7

Yaa Eeya, watotia moloi̒ya mai: Eeyaalo Allahu Taa̒ala lowatotia, poo̒tuotilo mai dua̒ polohone lowatotia.

JABURU 145:1

Poloi̒laalo momuji lonto olei Dauda. Watotia ohilaa mopou̒daa̒ mola to Eeya, yaa Allahu Taa̒ala lowatotia wau Olongia lowatotia, wau momuji mola to Eeya ohiheo-hiheolo mao̒.

JABURU 18:46

Obuuheli limongolio mailooli; timongolio hilumuhela wau yilumualai lonto biintengilio.

JABURU 22:10

Eeyaalo talo polualai olo watotia lonto talomo, wau helohutu mai olo watotia aamani to too̒opu liilo lowatotia.

JABURU 22:3

Yaa Allahu Taa̒ala lowatotia, watotia longiibode mola tou̒ dulahu, bo Eeya debo poo̒poo̒oyo. Watotia longiibode mola tou̒ hui, hilaa lo watotia debo diila meiduo̒to.

JABURU 27:1

Jaburu lei Dauda. Eeya yito tinelo watotia wau oa̒ahu lowatotia, diaaluo u oohe lowatotia. Eeya yito biintengi potiduo̒la lowatotia, watotia diila tahumuhela.

JABURU 28:8

Eeya helongohi lotolo to umati-Lio, Eeya lopoduulua wau lopoa̒ahu olongia tilulaoto Eeya.

JABURU 30:1

Jaburu lei Dauda. Lahu u posaahalo Bele lo Allahu Taa̒ala.

JABURU 34:3

Wau̒ ohilaa mopomangga-mangga batanga sababu huhutu lo Eeya; pohileaala dua̒ taa hideehea modungoheo̒ wau motiwengahu.

JABURU 48:14

Poo̒tuotilo dingingo meeselilio, palakisailo biintengilio, alihu timongoli moo̒ wungguli mao̒ to waliimu mola:

JABURU 59:17

Bo watotia mopolahu mola pasali lo olootolo Eeya; timii̒du dimodupo watotia mopolahu mola wolo moo̒ohuu̒ pasali lo ponu wau otatapu wau olootolo hilaa lo Eeya. Sababu Eeyaalo tambati poa̒ahuwalo batanga lowatotia, tambati potiwunela lowatotia tou̒ suusa.

JABURU 68:20

Pujiaalo mola Eeya, sababu Eeyaalo Allahu Taa̒ala tahe lopoa̒ahu mai olanto; monto dulahu odungga dulahu Eeya helomota bantaanto.

JABURU 99:5

Polamahelo mola Eeya Allahu Taa̒alanto, posujudulo totalu lokadera huhuloa̒a-Lio. Mantalilo mola Eeya!

JABURU 99:9

Polameheelo mola Eeya Allahu Taa̒alanto, wau tubowalo Eeya tohulu-Dio u mantali, sababu mantalilo Eeya Allahu Taa̒alanto.

PILOTIMUA̒TA 14:13

Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

PILOTIMUA̒TA 3:6

Wau̒ botie Allahu Taa̒ala linenemoyamu, Allahu Taa̒ala lei Abraham, Isihaka wolei Yako.” Yi tei Musa malo lau̒beo̒ bayalio, sababu tio moohe momilohe Allahu Taa̒ala.

PILOTIMUA̒TA 4:22

Lapatao̒ polelea mao̒ odeli olongia boito deu̒ Wau̒, Eeya, lolahuli mai odie: ‘Isirai̒lu yito walau̒u-U̒ tamohuhula daa̒,

PILOTIMUA̒TA 40:34

Lapatao̒ lolaahei heengo lohenggube Kema lo Eeya boito, wau Kema boito lopolu lomola wolo tilango owoluwo lo Eeya.

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

YESAYA 12:2

Otutu, Allahu Taa̒ala boito Tamoo-poa̒ahua olaatia, waatia yakini to Eeya. Watia diila moohe, sababu Eeya lopoo̒o lotolai olaatia. Tamoo-poa̒ahua olaatia yito Allahu Taa̒ala, to Eeya watia mopolahu mola.

YESAYA 25:1

Yaa Eeya, Eeyaalo Allahu Taa̒ala lo watotia, pou̒daa̒ mola lo watotia Eeya wau pujio lo watotia tanggulo Eeya. Sababu totoonulalo huhutu lo Eeya malo moo̒linggolabu; Eeya helo lanjana tumulalo muloololio mai, wau loponao̒ wolo tatapu wau molotolo hilao.

YESAYA 45:17

Bo Isirai̒lu poa̒ahu mai lo Eeya; osalaamtilio madebo moo̒taahangi. Timongoli diila tapoo̒o-liitolo wau hinaalio tunggula ohiheo-hiheolo mao̒.’ ”

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 66:1

Eeya lotahuda mai, “Hulungo yito tambati huhuloa̒a-U̒, wau dunia potidutaa̒ lo oa̒atu-U̒. Oditolio bele debo odelo woloolo mola u ohilaa bongulomu ola-U̒, wau tambati woloolo mola u potihulomu mowali potibiluloa̒a-U̒?

YEREMIA 3:23

Diila ohuna wambai̒o timongoli ramerame hipoluboa balaahala toitaato bobooli-tutuo̒waalo hui̒du! Polotulungi ode Isirai̒lu bo meidungga monto Eeya Allahu Taa̒ala lamiaatia.

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

YEREMIA 32:38

Timongolio mamowali umati-U̒, wau Wau̒ mamowali Allahu Taa̒ala limongolio.

HABAKU 3:13

Eeya modiambanga momaju u mopo lopato umati lo Eeya wau u mopoa̒ahu olongia tatiluaoto Eeya. Tilotao̒ Eeya lodehu tau̒wa lotaa moleeto, yiloloopu lo Eeya tunggula lopulito ngoa̒amila tahidudua̒ olio.

JAKARIA 13:9

Bo ngotayadio totolu mamoa̒ahu. Wau timongolio boito mapo mantaliyo-U̒ debo odelo talaa̒ u pilobelesi lotulu. Timongolio matesiyo-U̒ debo odelo tamotesi hulawa. Lapatao̒ timongolio mamodua̒ mai ode Olau̒, wau Wau̒ mamolametai olimongolio. Wau̒ mamotahuda ode limongolio deu̒ timongolio yito umati-U̒, wau timongolio olo mamongaku deu̒ Wau̒ulo Eeya Allahu Taa̒ala limongolio.”

LUKASI 1:77

u mopololadu ode umati-Lio deu̒ timongolio mapoa̒ahuwolo wonu Allahu Taa̒ala malo ngambungu duduu-sawaalo limongolio.

LUKASI 2:30

Sababu wolo mato lowatotia lohihilao watotia maloo̒onto Tamoo-poa̒ahua u lonto Eeya

YAHYA 4:22

Timongoli taulo Samaria hipolubowa tadiila otaawa limongoli, hiambola ami taulo Yahudi hemolubo o-Lio tao̒taawa lami, sababu osalaamati dudunggaalio mai monto taulo Yahudi.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

2 KORINTUS 5:19

Amiaatia helo pohabari deu̒ lotimbulude li Almasi, Allahu Taa̒ala lohutu mai manusia luli lopiiohe wolo batanga-Lio. Allahu Taa̒ala lohutu mai lou̒ diila lopoilaalo suusa totoonulalo totala u mapilohutu lomanusia ode batanga-Lio. Wau amiaatia maa tilugasia lo Allahu Taa̒ala u lopohabari habari boito.

EPESUS 2:22

Sababu tumutumulo motituwau woli Almasi, timongoli olo donggo hebongulolo pee̒-pee̒enta wolo tau-tauwalo wewo mowali bele ngowale duo̒lo Allahu Taa̒ala; teto Allahu Taa̒ala motibiluloa̒ wolo Rohu-Lio.

TINGULI 10:21

Pujiaalo mola Tio sababu Tio Allahu Taa̒ala limongoli. Wolo mato limongoli lohihilao timongoli maloo̒onto huhuu-hutuwaalo upolu-polutuo̒ wau u moo̒tihela u pilohutu-Lio ode limongoli.

PILIPI 2:11

Timongolio ngoa̒amilalo mamomasisi deu̒ ti Isa Almasilo Eeya; lou̒ odito Allahu Taa̒ala ti Paapa polaio̒lo.

PILIPI 4:13

Wolo kawasa uilohi mai li Almasi odelaatia, watia loo̒toduo mai lotolo u lotaalua wolo totoonulalo owowoluwoa u hidala-dalaala.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!

WAHI 19:1

Lapatao̒ uito watia loo̒dungohe hitua-tuawua debo odelo suala bubuu-lontunga lotaa dadaata lonto sologa tahemo ngibo-ngiibodu, “Pujiaalo Allahu Taa̒ala! Allahu Taa̒alanto yito Allahu Taa̒ala tamo poa̒ahu; Tio Allahu Taa̒ala tau̒daa̒ wau okawasa!

MONGO HAKIMU 5:21

Dutulaa Kison lomeamea lopo leelihu laawani. Maju, pomajulo wolo gaaga buheli, wuu jiwaau̒!