PILOTIMUA̒TA 15:1 - KITABI HABARI MOPIOHE

¹ Lapatao̒ tei Musa wau tau-tauwalo Isirai̒lu helo polahu mola lahu botie u lomuji Eeya, “Wau̒ ohilaa mopolahu mola duo̒lo Eeya, sababu Tio maloo̒haama wolo polu-polutuo̒. Ngoa̒amila wadala wau jokilio pilomahu-Lio mola ode delomo deheto.

PILOTIMUA̒TA 15:1 Iomraidhean Croise

NEHEMIA 9:11

U lohutu mao̒ dalaalo ode umati lo Eeya, deheto bilutao̒ lo Eeya; pilopo balango Eeya timongolio loli wamoo̒ deheto u diila lobata. Tahi pohenela olimongolio helo ahumo todelomo taluhu u modelomo, debo odelo botu helo ahumo to deheto u moo̒tihela hapato.

AYUBA 36:24

Laito Eeya pujiolo sababu huhutuu-Lio, wau yio̒ olo paatuti moduduo̒, modungohe palenta lo Eeya.

JABURU 105:43

Yi dilepito Eeya, umati-Lio wolo wengahu, wau tau-tauwalo tahe tilulao-Tio wolo hitingalaa̒ meengahu.

JABURU 106:12

Lapatao̒ umati lo Eeya yakini todanti lo Eeya wau helo polahu mola poloilaalo momuji ode Eeya.

JABURU 107:15

Paatutilo timongolio mosukuru mola to Eeya sababu ponu lo Eeya, sababu totoonulalo huhutu lo Eeya u moo̒linggolabu ode manusia.

JABURU 107:8

Paatutilo timongolio mosukuru mola to Eeya sababu ponu lo Eeya, sababu totoonulalo huhutu lo Eeya u moo̒linggolabu ode manusia.

JABURU 32:7

Eeyaalo tambati potituua̒ lowatotia, yilopato Eeya watotia lonto usuusa. Yi watotia helo tingalaa̒ mola wolo wengahu, sababu Eeya malo poa̒ahu olo watotia.

JABURU 76:6

Tau-tauwalo tahi buhelia mailambatio; timongolio leituluhu wau diilalo loo̒ bongu mai. Mongo pajule tahi lootola boli buheli daa̒ mai̒loolia lo olootolio.

JABURU 76:7

Ngoa̒amila wadala wau jokilio helo duduulahu yilate lo antingo Eeya, yaa Allahu Taa̒ala lei Yako!

PILOTIMUA̒TA 14:26

Tahuda lo Eeya odelei Musa, “Bintaaa̒ mola uluu̒mu odeitaato deheto, yi taluhu muli monguli mai, wau mopoa̒humo taulo Masiri, kakaa-retaalio wau jojoo-kiilio.”

PILOTIMUA̒TA 14:27

Lapatao̒ tei Musa malo mintaaa̒ mola uluu̒lio odeitaato deheto wau tou̒ dulahu malobutu mai, taluhu longuli mai to owowoluwoalio ubohu-bohulio. Taulo Masiri helo tolopani u mopoa̒ahu lo batangalio, bo Eeya malo poa̒humo mola olimongolio ode delomo deheto.

PILOTIMUA̒TA 15:21

Ti Miriyama lopolahu mola ode limongolio, “Polahualo mola duo̒lo Eeya, sababu Tio maloo̒haama wolo polu-polutoo̒. Ngoa̒amila wadala wau jokilio pilomahu-Lio ode delomo deheto.”

PILOTIMUA̒TA 18:11

Botia otaawa lowatia deu̒ Eeya lebe udaa̒ wolo ngoa̒amila ila, sababu ngoa̒amila boito pilohutu-Lio tou̒ taulo Masiri helo tihutu sombongi daa̒ to taulo Isirai̒lu.”

POHUMAYA 29:6

Taa moleeto ilotaala lo dusaalio, taa juujulu molaasa meengahu wau sanangi tutu.

YESAYA 42:10

Polahuwalo mola lahu bohu ode Eeya, pujiaalo Eeya, wuu ngoilanggubu dunia! Potihulaubulo, wuu deheto wau ngoa̒amila tuangio, lilii-puwaalo u molamingo wau ngoa̒amila tuangio!

YEREMIA 51:21

Yio̒ pomake-U̒ u mongantulu wadala wau jokilio boli kaleta wau kusiliilio.

HOSEA 2:17

Wau̒ diila tamopo luasi olio mongunte mao̒ tanggulo Baa̒l poli, tilinggula tau mamo lipato̒ tanggulo boito.

HABAKU 3:18

watotia mameengahu laito, sababu Eeya, Eeya Allahu Taa̒ala tamoo-poa̒ahua olo watotia.

YIA̒APO 21:17

Tou̒ boito bangusa lo Isirai̒lu helo polahu mola lahu botie, “Wuu, aa̒a-liyaalo, pomeyaawa mai tuluhumu, ami mamohima mao̒ wolo lahu.

KOLOSE 2:15

Tosalipu boito ti Almasi helohutu ngoa̒amila roroo-huwaalo u hemomalenta wau okawasa lowali diilalo okawasa. Timongolio pilowali hepo bibiilohe lotaa dadaata tou̒ ti Almasi lodelo olimongolio debo odelo tawalo todelomo nonao̒ lo polemboa̒ tutuuyuta lo ohahama-Lio.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!