PILOTIMUA̒TA 14:3 - KITABI HABARI MOPIOHE

³ Ti olongia lo Masiri mamo lantobu deu̒ taulo Isirai̒lu donggo lonao̒ ode utoonulalo mao̒ lou̒ diila opatuju tolipu botie wau yilapaalo tohuta udatahu wau luasi udelita.

PILOTIMUA̒TA 14:3 Iomraidhean Croise

JABURU 139:2

Otaawa lo Eeya totoonulalo huhutu lowatotia; monto molamingo Eeya mongalati pikiilangi lo watotia.

JABURU 139:4

Tumbao̒ tou̒ watotia diipo mobisala, otaawa lo Eeya wolo u maloi̒ya lowatotia.

JABURU 3:2

Yaa Eeya, mailaba daatalio musu lowatotia, dadaata daa̒ tahi poluhua olo watotia!

JABURU 71:11

Uali mongolio, “Tio matilolaa lo Allahu Taa̒ala; dulo ito mohilapita wau moheu̒upa olio, sababu diaaluo tamo poa̒ahu olio.”

PILOTIMUA̒TA 14:2

“Ahulilo mota taulo Isirai̒lu muli mohualinga wau motitikema totalu lokota Pi-Hahirot, towolota lokota Migdol wau Deheto Gelaga, totili lokota Baal-Jepon.

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

YEHESKIEL 38:17

Diila maa Wau̒ talobisala mai pasalimu tou̒ muloololio mai lotimbulude to mongowato-U̒ mongonabi lo Isirai̒lu? Timongolio malo laamali deu̒ tomaasa u mamei dungga Wau̒ mamopoa̒hu ngotaalio u moluhu Isirai̒lu. Wau̒ Eeya Taa Laba-labaalo molanggato malo tahuda mai.”

WUNGGULI LOMONGO RASULU 4:28

Timongolio lotituwau u mohutu totoonulalo u hitua-tuawua, u matilantu lo Eeya leimulo deu̒ uito mamotoduo mai. Wau Eeya lolantu mai uito to okokawasa wau ilohilaa lo Eeya lohihilao.

TINGULI 31:21

wau dadaata baala tilahuo̒ ulaba-labaalo mamei dungga mao̒ tolimongolio. Bo lahu botie madebo polahuwola wau pomake odelo ososakusi ode limongolio. Tumbao̒ botia tou̒ timongolio diipo deloo-U̒ mota ode lipu u pilodanti-U̒ mai, otaawa-U̒ dalalo pikiilangi limongolio.”

MONGO HAKIMU 16:2

Yi ulipu lo Gasa loo̒dungohe deu̒ tei Simson woluo mola teto. Oditolio, timongolio malomala tambati boito wau helohima olio ilo-iloonua to hulubangi lokota. Bo timongolio diila helohutu wolo-wolo tou̒ hui boito sababu to pikiilangi mola limongolio, “De wonu bolo dulahee mobutu mai, bolo ito momate olio mate-mateelo mao̒.”

BOHULO SEMUEL 23:23

Oditolio palakisailo wolo ulintapo gogoowaalo u mapee̒enta lowali tambati pilo tituua̒lio, wau muli pohualingai odia u mopodulohe olau̒. Lapatao̒ wau̒ mamonao̒ pee̒-pee̒enta woli mongoli, wau wonu tio donggo woluo tomadala boito, tantu malolohuu̒, penu boli musi anta-antangou̒ mao̒ ngoilanggubu Yehuda!”

BOHULO SEMUEL 23:7

Tou̒ piloo̒taalio odelei Saul deu̒ tei Dauda woluo to Kehila, to pikiilangi lei Saul, “Tei Dauda mailudu mai lo Allahu Taa̒ala olau̒. Tio leitaalo sababu maa tilu muwota ode delomo kota u odingingo meeseli wau ohuhebu hulubangi.”