PILOTIMUA̒TA 13:9 - KITABI HABARI MOPIOHE

⁹ Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 13:9 Iomraidhean Croise

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 136:11

Isirai̒lu dilepito Eeya yilumuala lonto Masiri; ponu lo Eeya ohiheolo mao̒ diila opulitio;

JABURU 136:12

wolo uluu̒ motoheto wau molotolo boli buheli daa̒; ponu lo Eeya ohiheo-hiheolo mao̒ diila opulitio.

JABURU 89:13

Eeyaalo talo powali mai tilaya wau huliaalio, Hui̒dee Tabor wau Hermon helo tingalaa̒ mola leengahu to Eeya.

PILOTIMUA̒TA 12:14

Todulahee boito musi poe̒ela mao̒ limongoli odelo dulahu buka duo̒lo Eeya. U wumbutio mola tulusi dulahu boito musi poe̒ela mao̒ limongoli timii̒du taunu.”

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:16

Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

POHUMAYA 1:9

sababu totoonulalo pongaajali limongolio moo̒duhenga mola watademu u mopiohu debo odelo pake to lunggongo wau maina u mopogaaga lakumu.

POHUMAYA 3:21

Sababu uito potidihulo to hikimati wau to pikiilangi u moontapo, walau̒uu̒! Diila mao̒ lopata sama-samaata,

POHUMAYA 7:23

ngopee̒epo mai walao̒ pana mamolaapata to hilaalio. Debo odelo bulungi u tombo-tomboto duludulunga ode popotilo, odi-odieelo mola tabohulotau boito diila lotota lou̒ tau deu̒ nyawalio aa̒anjamu.

LAHU MOLAMAHU 8:6

Powaliyalo wau̒ putu lohilaamu, diila mao̒ pongoo̒dee penu boli olita ngopohia olau̒; sababu otohilaa daa̒ boito debo odelo lotoolio lo mautu, wau napusu okawasa debo odelo opopate. Lei̒itio debo odelo lei̒to tulu u wali-walihuhu wolo moo̒tihela hapato.

YESAYA 27:1

Tou̒ boito Eeya mamomake wamilo Eeya u motoheeto wau molalito u mohukuumani Lewiatani, tulidu u oo̒oyohe wau libu-libude boito, wau u momate mateelo mao̒ naha lodeheto.

YESAYA 40:10

Bilohi, Eeya Allahu Taa̒ala dungga-dungga mai wolo kawasa mai mohutu wolo lotolo boli buheli daa̒. Eeya tilunuhe lotau-tauwalo tamaa yilopa-Tio.

YESAYA 44:5

Ngotaalio domi ngotaalio mamomasisi batangalio milikii-U̒, wau monao̒ mai mopanggala wolo wali mai lei Yako. Ngota-ngota moluladeo̒ to uluu̒lio: Miliki lo Eeya, wau molanggula batangalio waito umati lo Allahu Taa̒ala.”

YESAYA 49:16

Yerusalemu, Wau̒ laito moe̒elai olemu; tanggulumu pilaisaka-U̒ to paladu lo uluu̒u-U̒.

YESAYA 51:9

Pobongulo yaa Eeya, tulungiaalo mai mongowatotia, poa̒ahuwalo mai mongowatotia wolo kawasa lo Eeya. Pobongulo debo odelo to jamani muloololio mai tou̒ Eeya lopotoyopu oli Rahab wau lomituo̒ naha lo deheto boito tunggula yilate.

YESAYA 59:21

Wau̒ mohutu mai daantia woli mongoli: Timongoli wohiya-U̒ mai kawasaa-U̒ wau pongaajali-U̒ u ohiheo-hiheolo mao̒. Pongaajalia mao̒ tomongo walau̒mu alihu timongolio olo moo̒ poa̒ajali mao̒ wawaalia mola botia tunggula ohiheo-hiheolo mao̒.”

YEREMIA 22:24

Eeya lotahuda mai odeli Olongia Yoyakhin, walao̒ talolai̒ lei Yoyakim olongia lo Yehuda, “Domi Wau̒, Allahu Taa̒ala tatumu-tumulo, Wau̒ mopintalai deu̒ elepon yio̒ ode Olau̒ debo odelo hua̒limo metelai to uluu̒ olowala-U̒, bo yio̒ mapohutuwo-U̒

DANIALI 9:15

Oo Eeya, Allahu Taa̒ala lo mongowatotia, Eeya malopo bilohei kawasa lo Eeya wolo lodelo umati lo Eeya yilumualai lonto Masiri, wau kawasa lo Eeya boito debo donggo tolo eela. Mongowatotia mai̒lodusa wau helohutu totala.

YOEL 2:11

Suala lo Eeya bulo-bulonggodio, longohi palenta, ode hilaide lo popaatealio. Mailaba udaa̒ jumulaa lo pasuukanilio! Mailaba lotolo suludadu tahemo ponao̒ palentaa-Lio! Otutu moo̒tihela hapato wau polu-polutuo̒ Dulahu Eeya! Diaaluo penu boli ngotaa mao̒ tamoo̒ taahangi.

YIA̒APO 15:39

Ruruu-mbaiyaalo yito duo̒lo poe̒ela: Timii̒du timongoli moo̒onto mao̒, maa oe̒ela mola limongoli totoonulalo palentaa-U̒ wau modungoheo̒. Wau sababu uito timongoli diila tamo lipata ola-U̒ u modudua̒ otohilaa wau niyati limongoli lohihilao.

MATIUSI 23:5

Ngoa̒amila u hepohutuo limongolio bo wambao̒ mopobibi totau. Timongolio sangaja momake tali lo potabiaalo u hitaanggala wau mopohayao̒ lumbai-lumbai lojumba limongolio.

ROMA 10:8

Makusudulio yito odie, “Habari monto Allahu Taa̒ala boito membide daa̒ wolemu; to tunggilumu wau todelomo hilaamu.” Uitolo habari u pololadei lami; habari deu̒ tau musi palacaya.

TINGULI 30:14

Diila mao̒ pohintu odito, sababu palenta boito membibide daa̒ toli mongoli. Maa ilotaawa limongoli wau timongoli mowali molapali mao̒ wolo hahaapali, oditolio timongoli bolo moponao̒ wambai̒o.

TINGULI 5:15

Eelai mola deu̒ timongoli muloololio mai pilowatolio to Masiri, lapatao̒ bilebasia lo Eeya Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

TINGULI 6:21

Yi timongoli musi molametao̒ odie, ‘Muloololio mai ito lowali wato li olongia lo Masiri, lapatao̒ Eeya lolopato olanto wolo olootolo daa̒.

TINGULI 6:6

Sama-samaata diila mao̒ lipata papaa-lentawalo uwohi mai lowatia ode limongoli todulahee botie.

TINGULI 6:8

Pongawade mao̒ to polootodu lo uluu̒mu wau popasia mao̒ tobayamu u hee̒elaalo.

WAHI 18:8

Sababu sua̒li boitolo, yi todelomo dulahio tuwau wambai̒o tio mao̒dungga mai lobaala – ngongoto, osuusa, wau polobiti. Wau tio mapobuwolio wolo tulu, sababu okawasaalo Eeya Allahu Taa̒ala tamo mutoo̒ olio boito.”