PILOTIMUA̒TA 13:3 - KITABI HABARI MOPIOHE

³ Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 13:3 Iomraidhean Croise

ILOOWALI 15:16

Lapatio mao̒ wopato waliimu mai, walao̒ wombumu mamuli mohualingai odia, kalana wau̒ diila tamopo hinggi taulo Amori tou̒ timongolio diipo mowali odito leetio tilinggula palalu hukuu-maniyolo.”

BOHULO TAWARI 16:12

Wuu wali mai lei Yako, wato lo Allahu Taa̒ala! Wuu wali mai lo Isirai̒lu, umati tatilulao-Tio! Eelailo mola ngoa̒amila moo̒linggolabu u pilohutu-Lio, diila mao̒ lipata totoonulalo putuusani-Lio.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

JABURU 105:5

Wuu wali mai lei Abraham, wato-Lio wau wali mai lei Yako, tatilulao-Tio, eelailo mola ngoa̒amila moo̒linggolabe u hepilohutu lo Eeya, diila mao̒ lipata ngoa̒amila putuusani lo Eeya.

JABURU 114:1

Tou̒ bangusa lo Isirai̒lu yilumualo lonto Masiri, tou̒ wali lei Yako lololaa mao̒ lipu deli,

JABURU 136:11

Isirai̒lu dilepito Eeya yilumuala lonto Masiri; ponu lo Eeya ohiheolo mao̒ diila opulitio;

JABURU 136:12

wolo uluu̒ motoheto wau molotolo boli buheli daa̒; ponu lo Eeya ohiheo-hiheolo mao̒ diila opulitio.

JABURU 89:14

Malo odito udaa̒ kawasa lo Eeya, wau malo odito polu-polutuo̒ olootolo Eeya!

PILOTIMUA̒TA 12:15

Eeya lotahuda, “Pitu hui mola hiheolio timongoli diila mowali molamela roti u oragi. Todulahee bohulio ngoa̒amila ragi musi yinggilolo monto belemu, sababu wonu ngotilonggadu pitu hui mola boito timii̒du ngotaalio molamela roti u oragi, yi tio diilalo mowali anggapuolo pongawaa̒ lo umati-U̒.

PILOTIMUA̒TA 12:17

Todulahee boito ngoilanggubu bangusaamu deloo-U̒ lumualo monto Masiri. Sababu uito duo̒lo wumbutio mola tulusi, timii̒du taunu, dulahu boito musi poe̒ela mao̒ limongoli odelo dulahu buka.

PILOTIMUA̒TA 12:2

“Hulalo botie mowali hulalo bohulio monto taunu lo daputari dulahu wau hulalo olemu.

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 12:42

Hui boito Eeya dahadaha tulusi u modepita olimongolio lumualao̒ lonto Masiri. Wau ui-uitolo olo hui u wumbutio mola pilo dewowa ode Eeya odelo hui poe̒ela. Tou̒ hui boito umati lo Isirai̒lu musi mopoo̒daha-dahaalo mao̒.

PILOTIMUA̒TA 12:8

Tou̒ hui boitolo tapulio musi panggangiolo wau tameloolo wolo sayori mopaa̒to wau roti udiila oragi.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 20:8

Polameyaalo dulahu Saabati wau hulumatia mao̒ dulahee boito.

PILOTIMUA̒TA 23:15

Todelomo hulalo Abib meaalo hulalo ubohulio, towakutu utilantu mao̒, timongoli musi mopolame Potihunggu lo Roti Diila Oragi wolo pohuli u mapilo malenta-U̒ mai olemu, sababu tohulala boito timongoli helo lolaa mao̒ Masiri. Diila mao̒ polamela roti upilohutu wolo ragi ngotilonggadu lameyangi pituhui mola boito. Timii̒du timongoli monao̒ mai moi̒baadati to ola-U̒, timongoli musi modelo mai podewo.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 34:18

Polamea mao̒ potihunggu lo Roti Diila Oragi. Debo odelo mapilo malenta-U̒ mai olemu, timongoli musi molamelao̒ roti udiila oragi ngotilonggadu pituhui mola todelomo hulalo Abib, sababu tohulalo boito timongoli lololaa mao̒ Masiri.

PILOTIMUA̒TA 6:1

Allahu Taa̒ala lotahuda mao̒ odelei Musa, tahudaa-Lio, “Wau̒lo Eeya.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

DANIALI 9:15

Oo Eeya, Allahu Taa̒ala lo mongowatotia, Eeya malopo bilohei kawasa lo Eeya wolo lodelo umati lo Eeya yilumualai lonto Masiri, wau kawasa lo Eeya boito debo donggo tolo eela. Mongowatotia mai̒lodusa wau helohutu totala.

MATIUSI 10:12

Tou̒ timongoli tumuwoto ode bele, loi̒yawa mao̒, ‘Pohileaala dua̒ Eeya mobalakati mai olimongoli.’

LUKASI 22:19

Lapatao̒ uito ti Isa malohama roti. Wau tou̒ mailapato lolapali dua̒ sukuru, hepili-pilita-Ngio roti boito wolo uluu̒-Lio tulusi yilohi-Lio mao̒ olimongolio, wau lotahuda, “Uti-utieelo batanga-U̒ [uiludu ode limongoli. Pohutuwalo utie u mopoe̒ela ola-U̒.”

1 KORINTUS 11:24

wau lapatao̒ Tio lolapali mola sukuru ode Allahu Taa̒ala to roti boito, Tio lomita-mitangao̒ roti boito wolo uluu̒-Lio, tulusi lotahuda, “Utieelo batanga-U̒ u yiludu ode limongoli. Pohutua mao̒ utie u mopoe̒ela ola-U̒.”

1 KORINTUS 5:8

Oditolio, dulo ito mopolame potihunggunto boito wolo roti udiila oragi, deu̒ito-yito roti u motomaya mai omuluni wau ngoa̒amila u motuhatawa to hilaa lo Allahu Taa̒ala. Diila mao̒ polameyanto potihunggu lo Paska boito wolo roti uwanto-wantohe ragi udeedelo, deu̒ito-yito ragi lodusa wau ololeeto.

EPESUS 1:19

wau donggo boli polutui̒o Allahu Taa̒ala helo kalaja wolo polupolu kawasa todelomo olanto tapalacaya. Kawasa lo Allahu Taa̒ala boito tutuuwauwa debo odelo kawasa upolu-polutuo̒,

TINGULI 13:11

Yi ngoilanggubu bangusa lo Isirai̒lu mamoo̒ dungoheo̒ pasali lo polomatea yila-yilateelo mao̒ boito wau mamoohe, tilinggula diaaluo penu boli ngotaa mao̒ tamohutu moleeto debo odelo odito poli.

TINGULI 13:6

Wonu bolo wutati mongoli meaalo walai̒ mongoli talolai̒ meaalo taabua, meaalo dile limongoli taabua u otolia̒ngi mongoli meaalo sahaabati modudula daa̒ woli mongoli lou̒ poo̒-poo̒oyo momio olimongoli u molubo ila-ila wewo udiila oonuhe limongoli wau diila oonuhe lo loluuhuru limongoli, ila-ila monto babaa-gusawaalo ubilu-biluloa̒ meembidu wau molaminga,

TINGULI 15:15

Eelai mao̒ deu̒ timongoli muloololio mai wato to Masiri lapatao̒ yilopato lo Eeya Allahu Taa̒ala limongoli; uitolo sababuulio watia mongohi mai palenta botie ode limongoli.

TINGULI 16:1

“Polamea mao̒ Paska tohulalo Abib u mohulumati to Eeya Allahu Taa̒ala limongoli, sababu todelomo hulalo boito, tou̒ hui, Tio helo lopato olimongoli lonto Masiri.

TINGULI 16:12

Dungohi mao̒ ngoa̒amila palentaa-Lio mai wolo tatapu wau molotolo hilao, wau diila mao̒ lipata deu̒ muloololio mai timongoli wato to Masiri.”

TINGULI 16:3

Dewo lo Paska boito musi tameloolo wolo roti udiila oragi. Pitu hui mola hiheolio timongoli musi molamela roti udiila oragi, debo odelo tou̒ timongoli loololaa mao̒ huta lo Masiri wolo tametameo̒. Tamela mao̒ roti boito, roti u ilunte roti lo polodutolo, alihu ngotupa lo tutumuli mongoli timongoli mamoo̒ eela mola dulahio tou̒ timongoli loololaa mao̒ Masiri, tambati limongoli helo dutolo.

TINGULI 24:18

Eelai mola deu̒ timongoli mapee̒enta lowali wato to Masiri wau yilopatai lo Eeya Allahu Taa̒ala limongoli; uitolo sababuulio watia longohi mai wuu̒du botie ode limongoli.

TINGULI 24:22

Eelai mola deu̒ timongoli mapee̒enta lowali wato to Masiri; uitolo sababuulio watia longohi mai wuu̒du botie ode limongoli.

TINGULI 26:8

Wolo kawasa wau olootolo uleidaa̒ Eeya lopo lopato olo mongowatotia lonto Masiri. Eeya helohutu mumuu̒u-jijatiyalo wau totoonulalo momoo̒o-linggobeyalo boli helo potoodeo̒ popoo-lou̒tiyalo uloo̒ geegeri tomusu.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 5:15

Eelai mola deu̒ timongoli muloololio mai pilowatolio to Masiri, lapatao̒ bilebasia lo Eeya Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

TINGULI 5:6

‘Wau̒lo Eeya Allahu Taa̒ala limongoli talodelo mai olimongoli yilumualao̒ lonto Masiri, tambati limongoli pilowatolio olimongoli.

TINGULI 6:12

yi poo̒dahai mao̒ tio̒otutua alihu timongoli diila mao̒ molipata to Eeya tamalo lopata olimongoli lonto Masiri, tambati limongoli pilowato.

TINGULI 6:21

Yi timongoli musi molametao̒ odie, ‘Muloololio mai ito lowali wato li olongia lo Masiri, lapatao̒ Eeya lolopato olanto wolo olootolo daa̒.

TINGULI 7:8

Bo Eeya molulaotao̒ olimongoli sababu Tio momonu olimongoli wau ohilaa moe̒elai danti u pilohutu-Lio woli nenemoya limongoli. Uitolo sababuulio Tio malo poa̒ahu mai olimongoli wolo kawasa udaa̒ wau lolopato olimongoli lonto sua̒li lowali wato toli olongia lo Masiri.

TINGULI 8:14

poo̒dahai mao̒ tio̒otutua alihu timongoli diila mowali sombongi wau molipata to Eeya Allahu Taa̒ala limongoli talo lopatai olimongoli lonto Masiri, tambati limongoli pilowatolio.

TINGULI 9:12

Lapatao̒ Eeya lotahuda mai olaatia, ‘Hua̒a potuhutolo mola, sababu bangusaamu tadilelomu mai yilumualao̒ lonto Masiri malohutu u moleeto. Timongolio malo bolia̒ lonto papaa-lentaa-U̒, wau helohutu bui̒ u hetuboo limongolio.’

YOSUA 24:17

Eeya Allahu Taa̒alaantolo tahe lolopato mongo loluuhurunto wau ito lohihilao lonto polowato to Masiri. Ito maloo̒onto ngoa̒amila moo̒linggolabe u pilohutu lo Eeya. Laito Eeya hemoduo̒lai olanto todelomo nonao̒onto, lumaode to lilii-puwaalo deli.

MONGO HAKIMU 6:8

Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.