PILOTIMUA̒TA 12:16 - KITABI HABARI MOPIOHE

¹⁶ Todulahee ubohulio, wau olo todulahee u opitulio, timongoli musi motia̒mbu mao̒ u moi̒baadati. Todulahee boito timongoli diila mowali moponao̒ penu boli kalaja wolo ngopohia upalalu kalajaalo u mopohetu mao̒ ua̒alo.

PILOTIMUA̒TA 12:16 Iomraidhean Croise

PILOTIMUA̒TA 16:23

Ualei Musa ode limongolio, “Uti-utieelo palenta lo Eeya: Loombu yito tolomodu dulahu u pohuheliyalo, dulahu Saabati, dulahu u pilopo dewo ode Eeya. Wolo u otohilaa panggangio limongoli dulahee botie, panggangiyalo, wau wolo u otohilaa lahee limongoli, laheyalo. U lebe lou̒ palaluolo todulahee botie bua̒awa mao̒ wau tahuwa mao̒ u loombulio mola.”

PILOTIMUA̒TA 16:29

Eelailo deu̒ Wau̒ mongohi mai dulahee tuwau u pohuheliyalo. Uitolo sababuulio todulahee u olomio Wau̒ mongohi mai ua̒alo u tutuuu̒de duo̒lo duuhui mola. Todulahee opitulio timii̒du tau musi motibiluloa̒ tobele, wau diila mowali lumualo.”

PILOTIMUA̒TA 16:5

Todulahee olomio timongolio musi mohimoa̒ ua̒alo boito poo̒oluo piu̒wa daatalio.”

PILOTIMUA̒TA 20:10

bo todulahee u opitulio yi todulahee u tolomodu pohuheliyalo ode ola-U̒. Todulahee boito diaaluo penu boli ngotaa mao̒ tamowali mokalaja, mopio timongoli, meaalo mongo walau̒mu, mongo watomu, bibiahumu meaalo tau deli tahi biluloa̒wa tolipumu.

PILOTIMUA̒TA 34:18

Polamea mao̒ potihunggu lo Roti Diila Oragi. Debo odelo mapilo malenta-U̒ mai olemu, timongoli musi molamelao̒ roti udiila oragi ngotilonggadu pituhui mola todelomo hulalo Abib, sababu tohulalo boito timongoli lololaa mao̒ Masiri.

YESAYA 1:13

Diila ohuna wambai̒o helodelo dewoomu boito. Wau̒ mongingi wolo boolio. Wau̒ molonuo̒ wau diila loo̒taahangi loo̒onto olimongoli hemo porame Hulala Bohu, duduu-laheyaalo Sabaati wau duduu-laheyaalo buka wau duduu-nggayawalo agama. Ngoa̒amila boito hetilambio̒ limongoli wolo duduu-sawaalo limongoli wau debo odelo banta Olau̒; Wau̒ maloongolo lomanta mao̒.

IMAAMATI 23:21

Todulahee boito timongoli musi mohutu mao̒ dudunggaya u poi̒baadatiyalo wau diila mowali moponao̒ kalaja u mobuheeto. Wuu̒du boito musi dungohe mao̒ lo walimu mola u ohiheo-hiheolo mao̒, penu boli tou̒toonu timongoli bilu-biluloa̒.

IMAAMATI 23:35

Ngotilonggadu pituhui mola boito, timii̒du dulahu timongoli musi mopodewo bake lou̒ aalo. Todulahee ubohulio wau owalulio timongoli musi mohutu mao̒ dudunggaya u poi̒baadatiyalo wau mopodewo bake lou̒ aalo ode Eeya. Diila mao̒ pokalaja u mobuheeto todulahee boito.

YIA̒APO 28:18

Todulahee ubohulo lameyangi boito timongoli musi mohutu mao̒ dudunggaya u poi̒baadatiala, wau diila mowali moponao̒ lokalaja u mobuheeto.

YIA̒APO 28:25

Todulahee u opitulio timongoli mopowoluo dudunggaya u poi̒baadatialo wau diila mowali mohutu kalaja u mobuheeto.

YIA̒APO 28:26

Todulahee bohulo Potihunggu lo Pongotola, dulahu buka mopalutao̒ pitu lo diminggu mola, tou̒ timongoli mopodewo pale bohu ode Eeya, timongoli musi mopowoluo dudunggaya u potabiyalo, wau diila mowali mohutu kalaja u mobuheeto.

YIA̒APO 29:1

Tobohulo dulahu hulalo opitulio timongoli musi mohutu mao̒ dudunggaya u potabiyalo, diila mowali mohutu mao̒ kalaja u mobuheeto. Todulahee boito totoo-rompetiyalo musi potingohulo.

YIA̒APO 29:12

Todulahu opulaa limo hulala opitulio timongoli musi mohutu mao̒ dudunggaya u potabiyalo, wau diila mowali mohutu mao̒ kalaja u mobuheeto. Ngotilonggadu pitu hui mola timongoli musi mohutu lameyangi u pohulumatiala to Eeya.

YAHYA 19:31

Tahidihima kawasa lo Yahudi diila mohuto milate lotau-tauwalo tahi salipua boito debo hintayanga to ayu salipu todulahu Saabati, tidiyolo mao̒ pee̒enta botie Sabaati boito Dulahu Buka utolo-tolomodu. Sababu dulahu tou̒ ti Isa silalipulio lotaahua tou̒ diipo dulahu Saabati boito, tau-tauwalo Yahudi lohile luasia olei Pilatus u mota momoli oa̒ato lotau-tauwala tahe silalipulio boito wau mopolaahei mimii-lateyaalo boito monto ayu salipu.

TINGULI 16:8

Ngotilonggadu wolomohui u wumbutio mola timongoli musi molamela roti udiila oragi. Todulahee u opitulio timongoli musi motia̒mbu u molubo Eeya Allahu Taa̒ala limongoli. Diila mao̒ pokalaja todulahee boito.”