PILOTIMUA̒TA 11:8 - KITABI HABARI MOPIOHE

⁸ Pulitio tei Musa malo loi̒ya, “Ngoa̒amila tahidihuma pantungo lipu li Tuani lowatotia mamonao̒ mai wau mosujudu totalu lowatotia wau mohile alihu watotia wau bangusa lowatotia mololaa mao̒ lipu botie. Lapatao̒ uito watotia mamonao̒.” Lapatao̒ wolo loingo daa̒ tei Musa lololaa mao̒ oli olongia.

PILOTIMUA̒TA 11:8 Iomraidhean Croise

BOHULO MONGO OLONGIA 20:10

“Ti Olongia lamiaatia mamolao mai dadaata daa̒ suludadu u mopoa̒ntulu mao̒ kotamu, tilinggula peaahuo̒ monto tutuhio lo kotamu boito mapoo̒ pulito limongolio bintao̒lio bo wolo uluu̒ limongolio. Tio lotadia alihu dedeewaalo mohukuumani mai, tumbao̒ momate olio mate-mateelo mao̒, wonu tio diila mopohutu mao̒ sua̒li boito!”

OLUO MONGO OLONGIA 3:9

Yi malo monggato ti Olongia Yoram woli olongia lo Yehuda wau ti olongia lo Edom. Lapatao̒ todelomo nonao̒ ngotilonggadu pitu hui mola, timongolio ilopulita lotaluhu, tilinggula pasuukani limongolio wau binatangi hepo mintaa̒alo balangi limongolio diila loo̒ wilu.

NEHEMIA 5:6

Loo̒dungohe yinggile limongolio boito, wau̒ maloingo daa̒

JABURU 6:1

Duo̒lo diriheni lopolemboa̒ tamoolahua. Wolo yiyitohu kocapi. Lodudua̒a lahu owalulio. Jaburu lei Dauda.

PILOTIMUA̒TA 10:29

“Debo odelo loi̒ya li Tuani lo watotia,” ualei Musa, “Ti Tuani lo watotia tantuulo mao̒ diilalo moo̒onto olo watotia.”

YESAYA 49:23

Mongo olongia madebo odelo tiyamo de olemu, wau mongo olongia taabua odelo tiilo. Timongolio mamosujudu mohulumati olemu wau motidupapa batanga to talumu. Yi mao̒taawamu deu̒ Wau̒ulo Eeya; taa u motiwunela to Olau̒ diila pokikio̒lio to hilao.”

YESAYA 49:26

Wau̒ mamohutu mai musuumu huwoa̒alo duhu, tilinggula timongolio tinggai mopaatea mate-mateelo mao̒. Yi ngoilanggubu umati lomanusia mamotota mao̒, deu̒ Wau̒, Eeya, Tamoo-poa̒ahua olemu; Taa Laba-labaalo lotolo, Allahu Taa̒ala lei Yako, Tamoo-tololotawa olemu.”

YEHESKIEL 3:14

Okokawasa lo Eeya leidungga mai odelaatia wolo laba-labaalo, wau tou̒ watia bilintai̒o wau dilelo lo Rohu-Lio hilaa lowatia lasaalo mopaa̒ato wau mopatu.

DANIALI 3:19

Yi wali-walihuhulo mola oyiyingo li Olongia Nebukadnejar odelei Sadrakh, Mesakh wolei Abednego, tilinggula bayalio meela daa̒. Tio lomalentao̒ alihu tambati lotulu pilei̒ hutulio piu̒wa poo̒opitu patulio lou̒ biasaalio.

YIA̒APO 12:3

Tei Musa yito taa udapa-dupapa daa̒ lohilao, mongilaboto lo ngoa̒amila taa u hitumula todunia botie.

MARKUSI 3:5

Wolo nahutu ti Isa lomilohe mota topali-Tio, bo Tio olo siluukali, sababu mailaba baaa̒ngi limongolio. Tulusi Tio lotahuda mao̒ ode tau boito, “Wudua mai uluu̒mu.” Tau boito lohudu mao̒ uluu̒lio, wau uluu̒lio loluli lomola.

TINGULI 29:24

Yi ngoilanggubu dunia mamohintu, ‘Yilongola Eeya helohutu mai odito wolo lipu limongolio? Wolo sababuulio mailaba omulukaa-Lio boito?’

TINGULI 32:24

Timongolio maamate sababu polipitolo wau polangolo, wau sababu ngongoto u moo̒tihela hapato. Huliya-U̒ mao̒ timongolio dangapo lo binatangi mongantau, wau topango lotulidu obisa.

IBRANI 11:27

Sababu o iimani, yi tei Musa lololaa mao̒ Masiri lou̒ diila lolaasa yiloohe to oyiyingo li olongia. Tei Musa lomaju lotidulunga ode patujulio debo odelo tio maloo̒onto Allahu Taa̒ala tadiila oontonga boito.

WAHI 3:9

Poo̒toloma mao̒ utie: Tau-tauwalo talowali umati lo Ibilisi boito, mohimbuloa, tahi pongakua batangalio Yahudi lebe-lebe pomao̒ diila, mapo hutuwo-U̒ tilinggula timongolio mai mosujudu totalumu. Wau mao̒taawa mao̒ limongolio deu̒ Wau̒ momonu olemu.

MONGO HAKIMU 4:10

Wau tei Barak longambu mai suku Jebulon wau Naputali ode Kedes. Talo dudua̒ olei Barak woli Debora tou̒ boito mupulu lolihu lota.

MONGO HAKIMU 8:5

Lapatao̒ timongolio leidungga mota ode Sukot. Mota teto tei Gideon loloi̒ya mao̒ ode ulipu lokota, “Tulungia mai wohia mao̒ ode tauu̒ ngoi̒di ua̒alo. Timongolio moongolo daa̒ hiambola ami donggo hemo hilapita olei Jebah wolei Salmuna, mongo olongia lo Midian boito.”