PILOTIMUA̒TA 1:7 - KITABI HABARI MOPIOHE

⁷ Bo wali mai limongolio, deu̒yito-yito tau-tauwalo Isirai̒lu, lotiwala-walao̒ wau lotiwombu-wombu mola dadaata daa̒, wau jumulaa limongolio heilo duhenga mola wolo lolamemeta daa̒, tilinggula lipu lo Masiri lopolu lomola woli mongolio.

PILOTIMUA̒TA 1:7 Iomraidhean Croise

ILOOWALI 1:20

Lapatao̒ Allahu Taa̒ala lotahuda, “Mamusi todelomo taluhu mou̒uu̒pa dadaata mahaluku hitumula u hidala-dalaala, wau todulente dadaata bubuu-rungiyalo hitombo-tombota.”

ILOOWALI 1:28

Lapatao̒ bilalakati-Lio timongolio wolo tahuda “Potolo walao̒olo wau potolo wombuulo mola u dadaata, alihu walimu mai motibiluloa̒ to ngoilanggubu dunia wau motolo kawasa mao̒. Timongoli wohiya-U̒ mai tuugasi molaala totoo-lowaalo, bubuu-rungiyalo, wau ngoa̒amila binatangi wewo u molinggelo.

ILOOWALI 12:2

Wau̒ mamongohi mai olemu wali u dadaata wau timongolio mamowali bangusa udaa̒. Wau̒ mamo balakati mai olemu wau mohutu tanggulumu polu-polutuo̒, tilinggula yio̒ mamowali balakati.

ILOOWALI 13:16

Wau̒ mamongohi mai olemu wali u dadaata daa̒ tilinggula diaaluo penu boli ngotaa mao̒ mambo moleekeni olimongolio. Odelo woloolo mola tau diila moo̒leekeni peaahuo̒ tohuta, odito olo waliimu mai diila tao̒ leekenia.

ILOOWALI 15:5

Eeya lodelo olei Abram ode bulemengio tulusi lotahuda mao̒ olio, “Bilohi mola hulungo wau nte leekenia mola popoo-liyamaalo; yio̒ mamowali owali mai daatalio debo odelo popoo-liyamaalo boito.”

ILOOWALI 17:16

Wau̒ mamo balakati mai olio wau tio mamo potutu mai walao̒ talolai̒ ngota tamawohi-U̒ mai olemu. Ooo̒, Wau̒ mamo balakati mai oli Sara, wau tio mamowali tiilo loluuhuru lo babaa-ngusawalo. To wolota waliilio mawoluo mai mongo olongia.”

ILOOWALI 22:17

Wau̒ mamo balakati mai olemu wolo diila o eenggadelio wau mohutu mai waliimu mola debo odelo daatalio lo poliyama to hulungo wau debo odelo daatalio lo hungayo to biihu deheto. Walao̒ wau wombumu mamoo̒laahe mumuu-suwaalo limongolio.

ILOOWALI 26:22

Lapatao̒ tio lolimbatao̒ lonteto wau longau̒udeo̒ ali u otolulio. Pee̒enta botie diila helo toduo polohaamawa. Sababu uito, tei Isihaka lolanggulao̒ ali boito “Obeebasi”. Ualio mao̒, “Botia Eeya malongohi mai olanto obeebasi u motibiluloa̒ tolipu botie, wau ito mamowali maa̒muru tewe.”

ILOOWALI 26:4

Wau̒ mamongohi mai olemu walao̒ wau wombu daatalio debo odelo poliyama to hulungo, wau ngoilanggubu lipu botie mawohi-U̒ mai olimongolio. Ngoa̒amila bangusa todunia mamo molohone to ola-U̒ alihu Wau̒ mobalakati mao̒ olimongolio debo odelo Wau̒ malo balakati mao̒ waliimu.

ILOOWALI 28:14

Waliimu mai daatalio mamowali odelo daatalio lo peaahuo̒ to dunia. Timongolio mamopoo̒ tanggalo lipu limongolio ode totoonulalo dulungo, wau motimbuludei olemu wau waliimu mai, Wau̒ mamo balakati ngoa̒amila bangusa todunia.

ILOOWALI 35:11

Lapatao̒ tahuda lo Allahu Taa̒ala poli, “Wau̒lo Allahu Taa̒ala Taa Laba-labaalo kawasa. Mamusi yio̒ motiwalao̒ wau wombu u dadaata! Yio̒ mamo polaahei babaa-ngusawalo wau mowali tiyamo loluuhuru lomongo olongia.

ILOOWALI 46:3

“Wau̒ Allahu Taa̒ala, Allahu Taa̒ala tahe tuboo li paapamu,” tahudalio. “Diila mao̒ oohe monao̒ mola ode Masiri. Wau̒ mamo powali mai waliimu bangusa udaa̒ mola teto.

ILOOWALI 47:27

Odi-odieelo mola tau-tauwalo Isirai̒lu helo titatapu to Masiri, tomadala Gosyen. Timongolio lowali kaya wau ilowalao̒ wau ilowombu mola u dadaata mota teto.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

ILOOWALI 48:4

Allahu Taa̒ala lotahuda mai ode olau̒, “Wau̒ mamongohi mai olemu walao̒ dadaata wau wombu, alihu waliimu mola mowali bangusa dadaata; Wau̒ mamongohi mola lipu botie to waliimu mai odelo miliki limongolio u ohiheo-ohiheolo mao̒.”

ILOOWALI 9:1

Allahu Taa̒ala lobalakati olei Noho wau mongo walai̒o wau lotahuda, “Potiwala-walao̒olo wau potiwombu-wombulo mola u dadaata, alihu waliimu mai motibiluloa̒a to ngoilanggubu dunia.

NEHEMIA 9:23

Pilopowali lo Eeya wali mai limongolio ngodaata lo popoo-liyamaalo to dulente. Yilohi mai lo Eeya huta u piloti biluloa̒ limongolio, huta u mapilodanti mai lo Eeya odeli nenemoyaalio.

JABURU 105:24

Eeya lohutu mai umati-Lio hei̒lo duhenga mola dadaata, tilinggula timongolio lebe molotolo wolo laawanilio.

JABURU 107:38

Eeya longohi olimongolio walao̒ dadaata, wau binatangi limongolio hitumula iloduhenga mola dadaata.

PILOTIMUA̒TA 1:12

Bo lebe hedeehe taulo Masiri, bo lebe he oduhenga mola jumula taulo Isirai̒lu, wau lebe hemoloo̒po timongolio ode ngoilanggubu lipu boito, tilinggula taulo Masiri mailoohe olimongolio.

PILOTIMUA̒TA 12:37

Taulo Isirai̒lu lomonggota wau tolimbuta lonto kota Ramses ode kota Sukot. Jumulaa limongolio wolomo hetuto lihulota, diila leituwoto mongobua wau tau̒kekeei̒.

PILOTIMUA̒TA 5:5

Tau-tauwala boito jumulaalio mailaba daatalio. Wau botia timongoli motohilaa alihu timongolio mohuheli mokalaja!”

YEHESKIEL 16:7

Hilama-U̒ taluhu lapatao̒ yilulowa-U̒ duhu lonto wawaau̒mu. Piladeta-U̒ alipumu wolo winulo jaitun. Pilopo udaa̒a-U̒ mola yio̒ debo odelo pilomulo u molomiodu. Yio̒ lobutu mola mali-malihuhuo̒, seehati wau wohuta moa̒aluti, boli lowali ngotaalio taabua tahumula. Tutumu mahemo lingohei wau huwou̒mu hayahaya, bo yio̒ laalaala. Tou̒ Wau̒ luli yilumaodeo̒, iloontonga-U̒ deu̒ malei dungga wakutuumu u laasa motohilaa daa̒. Bilua̒adu-U̒ jumba-U̒ to wawaau̒mu u laalaala, pilodanti-U̒ laasa tohilaa-U̒ daa̒ ode olemu. Ooo̒, ilawadu-U̒ danti monika wolemu, wau yio̒ lowali milikii-U̒. Wau̒, Eeya Taa Laba-labaalo molanggato malo tahuda mai.

WUNGGULI LOMONGO RASULU 13:17

Allahu Taa̒ala lobangusa Isirai̒lu malo lulaoto linene moyaanto, wau lohutu mai bangusa botie bangusa udaa̒ tou̒ timongolio hibiluloa̒wa to Masiri debo odelo tau deli. Lapatao̒ wolo kawasa uleidaa̒ lo Allahu Taa̒ala lodelo olimongolio yilumualo lonto Masiri.

TINGULI 10:22

Tou̒ tinenemoya limongoli lonao̒ ode Masiri, jumulaa limongolio bo pitu lopulu lota. Bo Eeya Allahu Taa̒ala limongoli malohutu mai jumulaa limongoli debo odelo daatalio lo popoo-liyamaalo to hulungo.”

TINGULI 26:5

Lapatao̒ totalu lo Eeya Allahu Taa̒ala limongoli, timongoli musi moloi̒ya mao̒ tataa-heyaalo botie: ‘Yaa Eeya, nenemoya lo watotia ngotaalio lo Aram talonao̒ ode utoonulalo mao̒. Tio lodelo mola ngaalaa̒lio ode Masiri u lotibiluloa̒ mola teto odelo talo poa̒ahu batanga ode tambati u aamani. Tou̒ lonao̒ mola odito jumulaa limongolio bo ngoi̒di daa̒, bo timongolio lowali bangusa daa̒ wau hilootola.