OLUO MONGO OLONGIA 21:8 - KITABI HABARI MOPIOHE

⁸ Wau wonu umati lo Isirai̒lu modungohe ngoa̒amila palentaa-U̒ wau modudua̒ bubuu-too̒waalo uilohi odelei Musa wato-U̒ boito toli mongolio, yi Wau̒ diila tamo poluli olimongolio polahiolio monto lipu u mailohi mai ode loluuhuru limongolio.”

OLUO MONGO OLONGIA 21:8 Iomraidhean Croise

OLUO LO SAMUEL 7:10

Donggo poli, duo̒lo umati-U̒ Isirai̒lu mapilopo dapato-U̒ mao̒ tambati wau ilahula-U̒ timongolio motitatapu teto, alihu timongolio mowali tumumulo duo̒duo̒to, diilalo marosaalio. Tumulalo mao̒ nonao̒ mai limongolio ode huta botie omoo̒molu, wau he piluduu̒-U̒ mao̒ mongo tau̒wa ode limongolio, timongolio matiluhu lotaa u hiparangia, bo sua̒li boito diilalo motoduo mai. Wau̒ modanti mai deu̒ yio̒ maa aamani monto totoonulalo musu, wau Wau̒ mamongohi mai wali olemu.

BOHULO TAWARI 17:9

To umati-U̒ Isirai̒lu mapilopo dapato-U̒ tambati u lowali huta pohuluta lo duhu limongolio alihu timongolio moo̒ tumulo duo̒duo̒to lou̒ diilalo puyuwolo. Tumulalo mao̒ pilodungga mai limongolio ode huta botie omoo̒omolu, wau tou̒ timongolio diipo o olongia, timongolio hetiluhu lotau-tauwalo tahi parangia. Bo uito diilalo motoduo mai. Wau̒ modanti mai mamongohi wali mola olemu.

OLUO TAWARI 33:8

Wonu umati lo Isirai̒lu modungohe ngoa̒amila palentaa-U̒ wau modudua̒ totoonulalo butoo̒ uilohi olei Musa wato-U̒ toli mongolio, yi Wau̒ diila tamo poluli olimongolio polahiolio monto lipu u mailohi-U̒ mai ode loluuhuru limongolio.”

JABURU 37:3

Poyakinilo mola to Eeya, wau pohutuwalo u mopiohu, poti poo̒oyolo tolipu boito wau potihutulo tatapu wau molotolo hilao.

YESAYA 1:19

Wonu timongoli mohuto modungohe to ola-U̒, timongoli mamoo̒ toduo mai ngoa̒amila u mopiohu u tilapulao̒ lo lipumu.

YEREMIA 7:23

Wau̒ bo lomalenta olimongolio u modungoheo̒ ola-U̒ alihu Wau̒ mowali Allahu Taa̒ala limongolio, wau timongolio mowali umati-U̒. Wau̒ helopoa̒hu olimongolio tumumula modudua̒ ngoa̒amila palentaa-U̒ alihu timongolio sanangi tutu.