OLUO MONGO OLONGIA 21:5 - KITABI HABARI MOPIOHE

⁵ To oluo paango Bele lo Eeya boito tio lomongu memees-bawaalo u polubowalo ode popoo-liyamaalo.

OLUO MONGO OLONGIA 21:5 Iomraidhean Croise

BOHULO MONGO OLONGIA 7:12

Dingingo meeseli palepelo lobele biluloa̒ saaha li olongia wau dingingo meeseli delomio to Bele lo Eeya wau dingingo meeseli lobalai to wimbihu talu Bele lo Eeya, tinggai tilitangoalio lou̒ ngooludu ayu woohu Libanon toitaato timii̒du tolo woludu botu.

OLUO MONGO OLONGIA 23:12

Memees-bawaalo u bilongu mongo olongia lo Yehuda to watopo toitaato huhuu-waliyaalo li Olongia Ahas, ilaantululio. Wau olo memees-bawaalo u pilotihuli Olongia Manasye todulo paango Bele lo Eeya, ilaantulu lei Yosia, tulusi tilapilio ode Lumbaya Kidron.

OLUO MONGO OLONGIA 23:4

Lapatao̒ uito ti olongia helo malentao̒ oli Iimamu Daa̒ Hilkia, mongo iimamu tamoo-mantua wau tahi pokawalia tao̒ tuugasi tohuhebu Bele lo Eeya, alihu mopolualao̒ monto Bele boito ngoa̒amila pakaakasi u pilomake hepo lubowalo Baal, Dewi Asyera, wau popoo-liyamaalo. Ngoa̒amila balangi boito hepilobu li Olongia Yosia to bulemengo kota totili lo Lumbaya Kidron, tulusi wahulio dilelio ode Betel.

BOHULO MONGO OLONGIA 6:36

Totalu Bele lo Eeya boito pilohutua palepelo delomio. Palepelo boito pilalita lo dingingo meeseli u hiwolu-wolude: toitaato lo timii̒du tolo wolude botu, woluo ngoolude ayu woohu Libanon.

YEHESKIEL 44:19

Wonu timongolio monao̒ ode paango bulemengio, tou̒toonu umati hia̒mbua, mongo iimamu boito musi molopata pakeyangi dinasi limongolio to huhuu-waliyaalo mantali todelomo Belee-U̒, lapatao̒ momake pakeyangi uwewo, alihu pakeyangi poheetu boito diila moo̒ topotala to umati.”

YEHESKIEL 43:5

Rohu lo Eeya lomintaa̒ olaatia wau lodelo mota ode palepelo delomio; teto iloototonga lowatia Bele lo Eeya yilanggubei lo tinelaa owoluo lo Eeya.

YEHESKIEL 42:3

Biihio tuwau lou̒ hitua-tuawua u bilongu boito talutalu ode huwali leidaa̒ u owatopo huo̒huo̒o diila odingingo u tanggalio mopulu lomeeteri boito, hiambola biihio uwewo talutalu ode wumbuto botu to palepelo bulemengio. Hitua-tuawua u bilongu boito obele-belea mohelu totolu; timii̒du bele-belea wuduwudu ode delomio wolo bele-belea to walungio.

YEHESKIEL 40:47

Talolai̒ boito loluu̒udeo̒ palepelo delomio. Modeliilio tutulio wopato: hayao̒ wau tanggalio tinggai limo lopulu lomeeteri. Bele lo Eeya boito maito to ambahu otolopa, wau totalulio omesba tuwau.

YEHESKIEL 40:37

Huwali leidaa̒ talulio olo talutalu ode palepelo bulemengio. Didii-ngingaalo meeseli wimbihu delomio u talutalu ode hulupila, diladai uu̒u-kiliyaalo bungo lo palemi. Mohelu walu walao̒ tua̒adu dulu-dulunga ode hulubangi boito.

YEHESKIEL 40:32

Lapatao̒ uito talolai̒ boito lodelo olaatia loli hulubangi tiimuru tilumuwota ode paango delomio. Tio loluu̒udeo̒ hulubangi boito wau tuu̒udio tutuuwauwa wolo huhuu-lubangiyalo uwewo.

YEHESKIEL 40:28

Wumbutio mola talolai̒ boito lodelo olaatia loli hulubangi huliaalio tilumuwoto ode palepelo delomio. Tio loluu̒deo̒ hulubangi huliaalio wau tuu̒dio tutuuwauwa wolo huhuu-lubangiyalo to ambahu bulemengio.

OLUO TAWARI 33:15

Tio helohinggi bubuu-i̒yaala dewa bangusa wewo wau babaa-laahalaalo u maa pilo dutulio to Bele lo Eeya. Tio helo monggali memees-bawaalo balaahala uwoluo tohuludu Bele lo Eeya, wau tataa-mbatiyalo wewo to Yerusalemu. Ngoa̒amilalo boito dilelolio ode bulmengo kota tulusi tilapilio.

OLUO TAWARI 33:5

To oluo paango Bele lo Eeya boito tio helomongu memees-bawaalo u hepo lubowalo to bibii-natangiyalo.

OLUO MONGO OLONGIA 23:6

Bui̒ lo Dewi Asyera yiluwalio lonto Bele lo Eeya, wau dilelio ode bulemengo kota ode Lumbaya Kidron. Mola teto bui̒ boito pilobulio, lapatao̒ dui̒itio heilobui̒o loa̒aluti, daa̒ wau wahulio hepilo mua̒yadu toitaato kuubulu lotaa dadaata.

OLUO MONGO OLONGIA 23:5

Tio helo pohinggi mongo iimamu piluduo̒ lomongo olongia lo Yehuda u motuugasi totambati polubowalo dewa to kokoo-tawaalo Yehuda wau topalito Yerusalemu; wau olo mongo iimamu tahe lopodewo bake ode Baal, mato lodulahu, hulalo, planeti wau popoo-liyamaalo.

OLUO TAWARI 4:9

Ti Olongia Salomo olo lohutu tuwau palepelo delomio ode mongo iimamu, wau palepelo tuwau bulemengio. Duungo huhebu to huhuu-lubangiyalo towolota lo palepelo duluo boito yilolude wolo polunggu.

YEHESKIEL 8:16

Dilelo-Lio mota watia ode palepelo delomio Bele lo Eeya. Totili lo huhebu potuwotalo ode huwali leidaa̒ mantali, towolota lomesba wau hulipilo, woluo dulo pulaa limo lota. Timongolio helo bulemengo huwali leidaa̒, wau losujudu ode ambahu tiimuru hipoluboa mato lodulahu butubutu mai.