NEHEMIA 2:3 - KITABI HABARI MOPIOHE

³ tulusi lolametao̒, “Pomalitutuo̒olo mola Baginda u ohiheo-hiheolo mao̒! Woloolo mola watotia diila suukali, wonu kota tambati lobake linenemoya lo watotia botia bolo tuodio wambao̒ wau huhuu-hebuwaalo hulubangilio maloaantulu yilaahu lotulu.”

NEHEMIA 2:3 Iomraidhean Croise

BOHULO MONGO OLONGIA 1:31

Yi malo sujudulo mola ti Batsyeba sambela loloi̒ya mao̒, “Pomali-tutuo̒lo mola Paduka Olongia u ohiheo-hiheolo mao̒!”

OLUO MONGO OLONGIA 25:8

To dulahu opitulio hulala olimolio todelomo taunu opulaa tio pamalenta lei Nebukadnejar olongia lo Babel, malonao̒ mai ode Yerusalemu ngotaalio tai̒lunte Nebujaradan. Tio yito tamoo-nasehatia wau eyaanggu lo suludadu lei Nebukadnejar.

OLUO TAWARI 21:20

Diaaluo penu boli ngotaa mao̒ tahe lolee̒e to opopatelio boito. Tio yilobungio tokota lei Dauda, bo diila todelomo pilolobunga lomongo olongia. Tou̒ lowali mola olongia, tei Yehoram o umulu tolo pulaa duluo lotaunu, wau tio he lomalenta to Yerusalemu walu lotaunu mola.

OLUO TAWARI 28:27

Tei Ahas yilate, wau yilobungio to Yerusalemu, bo diila yilobungo to pilolobunga lomongo olongia. Tei Hiskia walai̒o talolai̒ lowali olongia lobuulota wolio.

OLUO TAWARI 32:33

Tei Hiskia yilate, lapatao̒ yilobungio to wimbihu motao̒de tohuta pilolobunga lomongo olongia. Ngoilanggubu ulipu lo Yehuda wau Yerusalemu helo hurumati daa̒ olio tou̒ tio yilate mao̒. Tei Manasye walai̒o talolai̒ lowali olongia lobuulota wolio.

OLUO TAWARI 36:19

Tio helo polohubeo̒ dingingo meeseli lo Yerusalemu, wau lomobu kota boito, leituwoto Bele lo Eeya wau ngoa̒amila bele biluloa̒ saaha li olongia wolo babaa-langiyalo ohalaga udonggo woluo todelomo bebee-leyaalo biluloa̒ saaha li olongia boito.

NEHEMIA 1:3

Timongolio helo hungguli mai deu̒ tau-tauwalo bakasi polayahu tamalo hualingai ode huta pilohuluta lo duhulio boito, botia hitumula sikisa wau hehilina lo babaa-ngusawalo deli tawoluo topalitio. Donggo poli, didii-ngingaalo kota Yerusalemu donggo hia̒antulua daa̒ wau huhuu-hebuwaalo hulubangilio diipo piloo̒piohu tumulalo mai yilopobu tou̒ yilalu mao̒.

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.

ESTERI 8:6

Diila pongalo aakali watotia mambo momilohe bangusa wau mongo ilaato lo watotia mopulito tambalolio?”

JABURU 102:14

Eeya matimihulai wau momonu Sion, saaa̒tilio malei dungga u modehu hilao toolio.

JABURU 102:15

Sababu mongo wato lo Eeya motolia̒ngo olio, penu boli tio malowali tuodu. Timongolio helodehu hilao to olio, penu boli tio malowali peaahuo̒.

JABURU 137:6

Poluliaalo mai wau̒ diilalo mowali mopolahu mola wonu wau̒ molipatao̒ olemu wau diila mopowali olemu ilohilaau̒!

JABURU 38:7

Watotia leidungu wau leinggou, ilo-ilolaanga watotia wunuwunulo wau siluukali lohilao.

YEREMIA 52:12

To dulahu opululio hulala olimolio todelomo taunu opulaa tiolio pamalenta lei Nebukadnejar olongia lo Babel, malonao̒ mai ode Yerusalemu ngotaalio tai̒lunte Nebujaradan. Tio yito tamoo-nasehatia wau tau̒wa lo tamoo-kawalia olei Nebukadnejar lohihilao.

HIYONGO MOPOILAALO SUUSA 2:9

Huhuu-lubangilio ilotambula lohuta, ngoa̒amila papaa-langilio loboli; olongia wau tahidihuma pantungo lo pamalenta woluo to polayahu. Butoo̒ Eeya diilalo pilo-ngaajalilio; nabi diilalo lololimo wahi lonto Eeya.

DANIALI 2:4

Timongolio lolametao̒ todelomo bahasa lo Aramu, “Pomali-tutuo̒lo mola ti Tuani lowatotia ohiheo-hiheolo mao̒! Ambungualo silitaalo mai tohilopo boito ode mongowatotia, yi mongowatotia mamo tombangai boliilio.”

DANIALI 3:9

Timongolio loloi̒ya mao̒, “Pomali-tutuo̒olo mola Tuani lowatotia ohiheo-hiheolo mao̒!

DANIALI 5:10

Loo̒dungohe wuwa-wuwaatio̒ li olongia wau taduduulaa̒ lolipulio, tiilo li olongia tilumuwoto ode delomo huwali leidaa̒ lo potihunggu. Lapatao̒ tio, loloi̒ya mao̒, “Pomali-tutuo̒olo mola Tuani lowatotia ohiheo-hiheolo mao̒! Poduo̒taalo mola hilaa li Tuani lowatotia wau diila mao̒ otambuti.

DANIALI 6:21

Tou̒ leidungga mola odito, tio malo ngiibode wolo suala uwohe-wohe, “Daniali wato lo Allahu Taa̒ala tatumu-tumulo! Wolo Allahu Taa̒alamu tahe tuboomu wolo tatapu wau molotolo hilao boito malowali lopoa̒ahu olemu lonto sisii-ngawaalo boito?”

DANIALI 6:6

Lapatao̒ timongolio loloi̒ya, “Ito bo moo̒dungga totalaa lei Daniali todelomo sua̒li u aa̒aita wolo agamalio.”

IMAAMATI 26:31

kokoo-tawaalo limongoli lomelo-U̒ mowali tutuu-wodeyaalo, tambati hepomujawa limongoli antuluwo-U̒ wau babaa-keyaalo limongoli diila tiolimoo-U̒.