MONGO HAKIMU 9:57 - KITABI HABARI MOPIOHE

⁵⁷ Wau Eeya olo helo hukuumani tau-tauwalo Sikhem sababu ololeeti mongolio. Sua̒li boito lotuhatawa debo odelo u mailoi̒ya lei Yotam walae̒e Gideon tomimbihu olimongolio tou̒ tio helotadia olimongolio.

MONGO HAKIMU 9:57 Iomraidhean Croise

OLUO LO SAMUEL 3:39

Eleponu wau̒ botie olongia tatilulaoto Allahu Taa̒ala, bo botia wau̒ molaasa molulupuhu. Mongo walae̒e Jeruya boito mailaba parangi. Wau̒ diila mambo mongaawasa mao̒ olimongolio. Pohileaala dua̒ Eeya mohukuumani mai tahileeta boito, motuuu̒de wolo huhutu limongolio!”

BOHULO MONGO OLONGIA 16:34

Tomaasa pamalenta lei Ahab, kota Yerikho luli bilongu lei Hiel taulo Betel. Bo debo odelo u mapilo tahuda lo Eeya tou̒ dipo-dipolulio mai lotimbulude olei Yosua walae̒e Nun, tei Hiel iloolia lowalai̒o duulota: tei Abiram tamohuhula daa̒ yilate tou̒ tei Hiel lopodutu mao̒ wumbatio lokota, wau tei Segub tawaliyali yilate tou̒ tei Hiel helo pohuli huhuu-hebuwalo hulubangi lokota boito.

BOHULO MONGO OLONGIA 2:32

Eeya mamo hukuumani mai olio sababu pilomatea yila-yilateelo mao̒ u mapilo hutulio lou̒ diila ilotaawa liyamau̒. Tei Abner polowila lo Isirai̒lu, wau tei Amasa polowila lo Yehuda, duduulotalo diila ototala. Timongolio lebe mopioheo̒ wolei Yoab lohihilao, bo tio helomate olimongolio yila-yilateelo mao̒.

JABURU 7:17

Oditolio tio hilukuumani lo ololeetio lohihilao wau silikisaa lo oparangilio lohihilao.

JABURU 94:23

Eeya mohukuumani mai taa moleeto motuuu̒de wolo ololeetio, wau moheu̒utao̒ tunggili mongolio alihu diila mobisala sababu dusaalio. Eeya Allahu Taa̒alaanto mamo heu̒utao̒ tunggili mongolio alihu diila mobisala.

POHUMAYA 5:22

Dusa lotaa moleeto debo odelo pakaakasi poheu̒po binatangi u moheu̒po tau boito lohihilao.

YESAYA 3:11

Bo matopotala taa moleeto! Timongolio mapo hutuolio debo odelo u hepilohutu limongolio ode taa wewo.

YOSUA 6:26

Tou̒ boito tei Yosua lopo lualao̒ didini botie, “Penu boli tatoonu tamo tolopani mao̒ muli momongu kota Yerikho botie, mao̒tuhata laa̒anati lo Eeya. Tatoonu tamamo podutu mao̒ pundasilio mao̒olia lowalai̒o tamohuhula daa̒; wau tatoonu tamo pohuli huhuu-hebuwaalo hulubangilio mao̒olia lowalao̒ tawali-yaliilio.”

MONGO HAKIMU 1:7

Ualei Adoni-Bejek, “Omoo̒omolu pitu lota olongia mapilontoduu̒ tiyombu lo uluu̒ wau oa̒atio, lapatao̒ yiluliyau̒ mao̒ timongolio helo lamela labito ua̒alo ulodehu lonto mejau̒. Botia Allahu Taa̒ala lopohutu mai olau̒ tutuuwauwa debo odelo umaa pilohutuu̒ olimongolio.” Lapatao̒ tei Adoni-Bejek dilelolio ode Yerusalemu, wau mola teto tio yilate.

MONGO HAKIMU 10:1

Lapatao̒ tei Abimelekh yilate mao̒, tei Tola walae̒e Pua, lowali tau̒wa u lopo lopato taulo Isirai̒lu. Tio yito woombu lei Dodo lonto suku Isakhar. Biluloa̒lio to Samir tolipu hihui̒-hui̒dea lo Epraim.

MONGO HAKIMU 9:20

Bo wonu diila odito sua̒liilio, hinta monto olei Abimelekh malumualolo mai tulu u momobu tunggula maahu ulipu lo Sikhem wau Bet-Milo. Wau hinta monto ulipu lo Sikhem wau Bet-Milo olo malumualolo mai tulu u momobu tunggula maahu olei Abimelekh.”

MONGO HAKIMU 9:24

Sua̒li botie lotoduo alihu obaalasia ololeeto lei Abimelekh wau tau-tauwalo Sikhem talo popatu olio u helomate yila-yilateelo mao̒ taapitu lopulu lota mongo walae̒e Gideon.

MONGO HAKIMU 9:45

Tei Abimelekh helopaatea tulusi ilo-ilolaanga wau loo̒ huloa̒ao̒ kota boito; ulipulio pilatelio yila-yilateelo mao̒, tulusi kotalio ilantululio lapatao̒ hilua̒yade watingo.

MONGO HAKIMU 9:56

Odi-odieelo mola dudelo Allahu Taa̒ala helo lontuli mai olei Abimelekh to ololeeto u hepilo hutulio to oliyamolio, tou̒ tio helomate yila-yilateelo mao̒ tapitu lopulu lota mongo wutatio.