MONGO HAKIMU 9:54 - KITABI HABARI MOPIOHE

⁵⁴ Lolamemetao̒ tei Abimelekh lotiangai tabohulotau tapota-pota tingololio wau loloi̒ya mao̒, “Pahutaalo mola wamilumu wau pateaalo mai wau̒ mate-mateelo mao̒; wau̒ diila mohuto loi̒ya lotau deu̒ wau̒ pilate lotaabua yila-yilateelo mao̒.” Yi tabohulotau boito lomitua̒ao̒ olio tunggula yilate.

MONGO HAKIMU 9:54 Iomraidhean Croise

OLUO LO SAMUEL 1:10

Yi watotia lohimbideo̒ olio, wau pilate lo watotia tio yila-yilateelo mao̒, sababu otaawa lowatotia deu̒ wonu tio modehu sababu diilalo molotolo timihulo, tantu tio debo maa mate olo. Lapatao̒ watotia malohama mao̒ makuta lonto lunggongio wau linggito lonto polootodio, wau dilelo mai lowatotia odia mai odeli Tuani lo watotia.”

OLUO LO SAMUEL 1:7

Tei Saul maloili ode wulea, wau loo̒onto mao̒ olo watotia, tulusi watotia tiliangio, wau watotia lolametao̒, ‘Saaya, Tuani lowatotia.’

OLUO LO SAMUEL 1:9

Lapatao̒ ualio mao̒ ode watotia, ‘Odiaalo mai, wau pateaalo wau̒ mate-mateelo mao̒! Paliu̒ matiluhua daa̒, wau ngopee̒ mate.’

BOHULO TAWARI 10:4

Yi ualio mao̒ lei Saul ode tabohulotau boito tadelodelo tingololio, “Pahuta mola wamilumu wau ngamowalo mai wau̒ mate-mateelo mao̒ alihu wau̒ diila bolo peitohu taulo Pilistin tadiila motota lo Eeya boito.” Bo tabohulotau boito diila lohuto longamo olei Saul sababu tio moohe daa̒. Sababu uito tei Saul lohama mao̒ wamilio lohihilao wau malo tidambaa̒ mola to wamilio boito.

BOHULO TAWARI 10:5

Tou̒ tabohulotau boito loo̒onto mao̒ deu̒ tei Saul mailate, yi tio olo lopowombahe mola batangalio toitaato wamilio boito, tulusi yilate.

MONGO HAKIMU 4:9

Ti Debora lolametao̒, “Ooo̒, wau̒ mamoduduo̒! Bo eelai mao̒, diila yio̒ tadee moo̒tapu mai hulumati. Motimbulude totaabua ngotaalo wambao̒ Eeya mamopo olaaheo̒ olei Sisera.” Yi malo monggatolo ti Debora wolei Barak ode Kedes.

MONGO HAKIMU 9:55

Tou̒ tau-tauwalo Isirai̒lu loo̒onto deu̒ tei Abimelekh mailate, yi timongolio ngoa̒amila malo hualingo.

BOHULO SEMUEL 14:12

Lapatao̒ timongolio malo ngiibode odelei Yonatan wau watolio, “Pobotulolo mai odia alihu pobilohu mai lamiaatia u hitua-tuawua ode limongoli!” Lapatao̒ malo loi̒ya tei Yonatan ode tabohulotau boito, “Dudui̒lo mai wau̒, sababu timongoli mailudu mai lo Eeya ode Isirai̒lu.”

BOHULO SEMUEL 14:13

Lou̒ diludua̒ lo tabohulotau boito tei Yonatan lotidanga mola ode yitaato. Tou̒ tei Yonatan yilumeneta mola, yi loduduu-lahulo mola tau-tauwalo Pilistin hepilatelio, hiambola to wulealio, tabohulotau boito helomate olimongolio yila-yilateelo mao̒.

BOHULO SEMUEL 14:14

To delomo bohulo luhu boito, tei Yonatan wau tabohulotau boito loo̒pate yila-yilateelo mao̒ tanu dulo pulu lota tomadala u ngoluasi ngotayade wopato hekto are.

BOHULO SEMUEL 14:17

Yi malo loi̒ya tei Saul ode tahidudua̒ olio, “Yia̒apalo mao̒ mongo pajule wau parakisailo tatoonu tadiaaluo.” Timongolio helohutu mao̒ palenta boito lapatao̒ ilotahuwalo mao̒ deu̒ tei Yonatan wolo tabohulotau tamoodelowa tingololio diaaluo.

BOHULO SEMUEL 14:7

Tabohulotau boito lolametao̒, “Penu boli wolo u ohilaa pohutuo li Tuani, watotia akolo wambai̒o”

BOHULO SEMUEL 16:21

Odi-odieelo mola tei Dauda malonao̒ mai odelei Saul wau lowali watolio. Tio otolia̒ngio daa̒ lei Saul wau piludui̒o lowali tamoodeloa tingololio.

BOHULO SEMUEL 31:6

Odi-odieelo mola tei Saul wolo walai̒o mongo lolai̒ toulota, wau ngoa̒amila tahidudua̒ olio wau tabohulotau boito yilate tou̒ ngohuilo boito.