MONGO HAKIMU 9:28 - KITABI HABARI MOPIOHE

²⁸ “Ito botie tatoonu tilinggula ito musi taa̒luku to olei Abimelekh?” ualei Gaal. “Wau tio boito tutuulio tutu tatoonu? Diila maatio walae̒e Gideon tawolei Jebul wakiliilio boito malowali wato lei Hemor, tiyamo lei Sikhem, loluuhurunto!”

MONGO HAKIMU 9:28 Iomraidhean Croise

ILOOWALI 33:19

Tohuta udatahu wau luasi tambati lokemalio boito tilaliilio lonto tau wali mai lei Hemor, tiyamo lei Sikhem, wolo halaga ngohetuto doi talaa̒.

ILOOWALI 34:2

Tou̒ tei Sikhem, walae̒e Hemor taulo Hewi talowali olongia tolipu boito loo̒onto mao̒ oli Dina, mapilo tetei̒o tadulahu boito, tulusi pilolo-kosaalio.

ILOOWALI 34:6

Tei Hemor, tiyamo lei Sikhemi, malonao̒ mai odelei Yako ohilaa moheeluma wolio.

OLUO LO SAMUEL 20:1

To kota Gilgal woluo ngotaalio tamoo-tolonggaloa tai̒lunte Seba. Tio walae̒e Bikri, lonto suku Benyamin. Tou̒ tei Dauda wolo tahi tunuhe olio lonao̒ mai, tei Seba lohiipa mola torompeti wau longiibodu, “Ito diila owumbuta wolei Dauda. Pongola ito modudua̒ wolio? Wuu taulo Isirai̒lu, ntali ito mohualingolo!”

BOHULO MONGO OLONGIA 12:16

Tou̒ ulipu loo̒onto mao̒ deu̒ ti olongia diila mohuto modungohe olimongolio, yi timongolio malo nguatio̒, “Nte pongola wolei Dauda wau waliilio! Timongolio diila pee̒enta mao̒ helohutu wolo-wolo ode olanto. Ulipu lo Isirai̒lu, duloolo ito mohualingo! polulia mao̒ tei Rehabeam boito monguulusi batangalio lohihilao!” Yi malo hualingo ulipu lo Isirai̒lu,

MONGO HAKIMU 9:26

Tou̒ boito tei Gaal walae̒e Ebed malonao̒ mai pee̒-pee̒enta wolo mongo wutatio u lotibiluloa̒ to Sikhem; wau tau-tauwalo Sikhem palacaya olio.

MONGO HAKIMU 9:41

Pulitio mao̒ tei Abimelekh luli lohualinga mola ode Aruma, wau lotitatapu mola teto. Tei Jebul helo polahi olei Gaal wau mongo wutatio yilumualao̒ lonto Sikhem, tilinggula timongolio diilalo mowali motibiluloa̒ mola teto.

BOHULO SEMUEL 25:10

Bo tei Nabal lolametao̒, “Tei Dauda? Tatoonu tio? Tatoonu tio walae̒e Isai boito? Diipo pee̒enta mao̒ wau̒ loo̒dungohe pasali olio! To momooliilio mai botie dadaata tahelo lahi lonto oli tuanilio tolipu botie!