MONGO HAKIMU 9:27 - KITABI HABARI MOPIOHE

²⁷ Timongolio lonao̒ mota lolipu angguru to ii̒i-lengiyalo angguru, tulusi helohutu minumani lo angguru, wau lohutu potihunggu. Timongolio lolamela wau longilu totambati polubowalo dewa limongolio sambela hemo taditadia olei Abimelekh.

MONGO HAKIMU 9:27 Iomraidhean Croise

JABURU 109:17

Tio motohilaa molaa̒anati; huliaalo mao̒ tio lohihilao otuhata lo laa̒anati! Tio diila motohilaa mongohi balakati, huliaalo mao̒ diaaluo balakati to olio!

PILOTIMUA̒TA 32:19

Tou̒ tei Musa malembideo̒ to kema boito, iloontongalio sapi hulawa boito wau tau-tauwala donggo hipo ngelunga, yi maloingolo mola tio. Teto olo, tobungo lohui̒dee boito, tei Musa malo pobantilo mola botu u dilelolio mai boito tunggula loa̒antulu hipita-pitanga.

PILOTIMUA̒TA 32:6

Loombulio mola didimodupo daa̒, tau-tauwalo Isirai̒lu helodelo mai dengolo bibiahe duo̒lo bake yilalango wau dengolo poli duo̒lo bake lo polodame. Timongolio lotihuloa̒a lolamela wau longilu, lapatao̒ timihulo u helo tisana-sanangi.

YEREMIA 25:30

Ngoa̒amila upilo tahudaa-U̒ mai ode olemu, wuu Yeremia, maamusi posambeemu. Polelea mao̒ olimongolio, ‘Suala lo Eeya motingohu mobulonggodu monto sologa; monto biluloa̒-Lio u mantali Eeya bulo-bulontungo moluwali umati-Lio. Ngoilanggubu tuango dunia modungohe Eeya motingalao̒ debo delo tahipo kalajaawa u hipomitodea angguru to tambati polumbetaa̒lo.

DANIALI 5:23

Ti Tuani lowatotia lotilaio̒ batanga ode Eeya tosologa wau buheli lei̒ tuwotao̒ mamaa-nggowaalo u mailambato lonto Bele lo Eeya. Lapatao̒ ti Tuani lowatotia wau taduduulaa̒ lolipu, mongodile wau mongopipia li Tuani lowatotia longilu to mamaa-nggowaalo boito. Ti Tuani lowatotia helomuji-muji dedeewaalo upilohutu lonto hulawa, talaa̒, tombaha, wate, ayu wau botu, dedeewaalo udiila mowali moo̒onto, meaalo moo̒dungohu boli mongalati wolo-wolo. Ti Tuani lowatotia diila mohulumati Allahu Taa̒ala tamolantu mai tutumulo meaala mate li Tuani lowatotia wau molantu mai dalalo tutumulo li Tuani lowatotia.

HOSEA 7:14

Timongolio diila tio̒otutua helodua̒ ode Olau̒. Wonu timongolio modua̒, timongolio hemo pomahulo batanga ode tambati potuluhelo, wau hemoyongo debo odelo u pilohutu lotau-tauwalo tadiila palacaya to Olau̒. Wonu timongolio modua̒ u mohile pale wau angguru, timongolio momali mao̒ batanga debo odelo u pilohutu lotau-tauwalo tahi polubowa dewa. Timongolio tio̒otutua moluwali ola-U̒!

MONGO HAKIMU 16:23

Todulahee tuwau tahi kawasawa lo Pilistin loa̒mbua ohilaa mohutu potihunggu wau mopodewo bake lou̒ uda-udaa̒alo mao̒ ode Dagon, dewa limongolio. Timongolio helo polahu mola, “Dewanto malongohi olanto u loo̒haama to olei Simson, musunto!”

MONGO HAKIMU 8:33

Lapatao̒ tei Gideon yilate mao̒, taulo Isirai̒lu diilalo tatapu wau molotolo hilao ode Allahu Taa̒ala. Timongolio helolubo dedeewaalo Baa̒l wau lopowali Baa̒l-Berit dewa limongolio.

MONGO HAKIMU 9:26

Tou̒ boito tei Gaal walae̒e Ebed malonao̒ mai pee̒-pee̒enta wolo mongo wutatio u lotibiluloa̒ to Sikhem; wau tau-tauwalo Sikhem palacaya olio.

MONGO HAKIMU 9:4

Lapatao̒ timongolio longohi mao̒ olio pitu lopulo pita doi talaa̒ u hilama mai limongolio lonto bele polubowalo Baal-Berit. Wolo doi boito tei Abimelekh helongohi wuupa ode ngopolemboa̒ tau-tauwalo tahe diila oa̒adabua u lopanggala wolio,

MONGO HAKIMU 9:46

Tou̒ tau-tauwalo tawoluo todelomo biintengi lo Sikhem loo̒dungohe pasali losua̒li boito, yi timongolio tilumuwota ode delomo huango towalungo kuil El-Berit u lotililungo.

BOHULO SEMUEL 17:43

Ualei Goliat odelei Dauda, “Pongola tunggudu boito? Wolo anggapuomu wau̒ botie apula?” Lapatao̒ tei Dauda yilaa̒natialio domi dedee-waalio.