MONGO HAKIMU 8:8 - KITABI HABARI MOPIOHE

⁸ Lapatao̒ tei Gideon lotolongao̒ nonao̒olio tulusi leidungga mola to Pnuel. Mola teto olo tio helohile ua̒alo ode taulio. Bo totameto taulo Pnuel tutuuwauwa wolo totameto taulo Sukot.

MONGO HAKIMU 8:8 Iomraidhean Croise

ILOOWALI 32:32

Dilumutu botia olo wali mai lo Isirai̒lu diila molamela tapu u molau̒be leletua poyonggi lo binatangi, sababu tei Yako maa ilotuhata lo taa̒apo to poyonggilio.

BOHULO MONGO OLONGIA 12:25

Tou̒ lowali olongia lo Isirai̒lu, tei Yerobeam lopoo̒ toheetao̒ kota Sikhem tomadala hihui̒-hui̒dea lo Epraim, tulusi malo tibiluloa̒ mola teto u ngopee̒ mola. Lapatao̒ tio luli lonao̒ lonteeto wau helo poo̒toheeto kota Pnuel.

MONGO HAKIMU 5:23

“Laa̒anatiyalo Meros, wau tahi tomelea todelomio,” ualo Malai̒kati lo Eeya “sababu timongolio diila lonao̒ mai helomantu odelo pahalawani tahemo hipate ode Eeya.”

BOHULO SEMUEL 25:11

Diila pongalo aakali wau̒ mohama mao̒ roti wau taluhu u yilumou̒, wau tapu u mapilo dapatuu̒ ode mongo tawuu̒ tamoo-huntingawa, tulusi wohiu̒ mao̒ ngoa̒amilalo boito ode taa udiila mopatato asaliilio mai!”