MONGO HAKIMU 8:5 - KITABI HABARI MOPIOHE

⁵ Lapatao̒ timongolio leidungga mota ode Sukot. Mota teto tei Gideon loloi̒ya mao̒ ode ulipu lokota, “Tulungia mai wohia mao̒ ode tauu̒ ngoi̒di ua̒alo. Timongolio moongolo daa̒ hiambola ami donggo hemo hilapita olei Jebah wolei Salmuna, mongo olongia lo Midian boito.”

MONGO HAKIMU 8:5 Iomraidhean Croise

ILOOWALI 14:18

Tei Malkisedek, olongia lo Salem olo tadihu-dihu iimanu lo Allahu Taa̒ala Taa Laba-labaalo molanggato, lodelo mao̒ roti wau angguru odelei Abram,

ILOOWALI 33:17

Bo tei Yako malonao̒ ode Sukot, tulusi lopotihulao̒ bele duo̒lo batangalio wau tambati pohuhelia ode bibiyahio. Uitolo sababuulio tambati boito iluntelio Sukot.

JABURU 60:6

Pilopoe̒ela lo Eeya totau-tauwalo tahi saalea, alihu timongolio molopato monto hukuumani.

TINGULI 23:4

sababu timongolio diila mohuto mongohi ua̒alo wau taluhu tou̒ timongoli todelomo nonao̒ yilumualai lonto Masiri. Tumbao̒ timongoli helongohi wuupa odelei Bileam, walae̒e Beor lonto kota Petor to Mesopotamia, u lolaa̒anati olimongoli.

MONGO HAKIMU 5:23

“Laa̒anatiyalo Meros, wau tahi tomelea todelomio,” ualo Malai̒kati lo Eeya “sababu timongolio diila lonao̒ mai helomantu odelo pahalawani tahemo hipate ode Eeya.”

MONGO HAKIMU 8:10

Tou̒ boito tei Jebah wolei Salmuna wolo ngoilanggubu pasuukani limongolio donggo woluo to Karkor. Monto ngoilanggubu pasuukani lotau-tauwala lohuta ohungayo u luasi daa̒, bo woluo tanu mopulaa limo lolihu lota wambai̒o tai̒lo lobita; ngohetuto dulo pulu lolihu lota suludadulio mailate.

MONGO HAKIMU 8:12

Tei Jebah wolei Salmuna, olongia duulota lo Midian boito tilumeteo̒, bo tei Gideon lohilapita wau loheu̒upa olimongolio, tilinggula ngoa̒amila diiti lopopaatea limongolio malolingu.

MONGO HAKIMU 8:15

Lapatao̒ uito tei Gideon mola lodunggaya wolo tahimuloa lo ulipu tokota boito tulusi loloi̒ya mao̒, “Tantu donggo oe̒ela mola limongoli deu̒ timongoli pee̒enta helo potouli u motulungi olaatia, sababu watia diipo loheu̒upa olei Jebah wolei Salmuna? Timongoli diila lohuto longohi ua̒alo totau; lebe-lebe pomao̒ timongolio donggo hiwoongola tou̒ boito. Bilohi, botie tei Jebah wolei Salmuna.”

BOHULO SEMUEL 25:18

Lapatao̒ ti Abigail hua̒a lohama mao̒ roti dulo hetuto, wau bututu lowalito mohelu duluo hipolua lotaluhu angguru, limo himba pilanggangi, mopulaa pitu lokilo pale tilinanga, ngohetuto pangge hungo lo angguru mohengu wau dulo hetuto kuukisi lo ara. Ngoa̒amilalo boito hediletohio toitaato kolodailio.