MONGO HAKIMU 8:33 - KITABI HABARI MOPIOHE

³³ Lapatao̒ tei Gideon yilate mao̒, taulo Isirai̒lu diilalo tatapu wau molotolo hilao ode Allahu Taa̒ala. Timongolio helolubo dedeewaalo Baa̒l wau lopowali Baa̒l-Berit dewa limongolio.

MONGO HAKIMU 8:33 Iomraidhean Croise

OLUO MONGO OLONGIA 12:2

Tuheeta diidiki li Iimamu Yoyada, tei Yoas ngotupa lo tutumulio helohutu u loo̒sanangi hilaa lo Eeya.

YEREMIA 23:27

To pikiilangi limongolio deu̒ wolo totoo-hilopowalo u yilingguli mao̒ limongolio boito, umati-U̒ mowali molipata ola-U̒ debo odelo loluuhuru limongolio lolipata ola-U̒ wau helolubo Baal.

YEREMIA 3:9

wau sama-samaata diila molaasa moolito. Tio helojina sababu lolubo botu wau bungo lo ayu, tilinggula lipu botie lowali najisi.

YOSUA 24:31

Ngotilonggadu tei Yosua tumu-tumulo, umati lo Isirai̒lu hemotiwato to Eeya. Wau tou̒ tei Yosua yilate mao̒ olo timongolio debo hemotiwato to Eeya ngotilonggadu donggo woluo towolota limongolio mongo tau̒wa tamalo sakusi lohihilao totoonulalo hitua-tuawaua u pilohutu lo Eeya ode umati lo Isirai̒lu.

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 2:17

Bo timongolio diila helo mandungi tomongo tau̒wa boito. Timongolio hipo lubowa ila-ila wewo, wau diila tatapu wau molotolo hilao to Eeya. Timongolio diila heloo̒ baaya toli nenemoya limongolio tamo dungohe papaa-lentawaalo Eeya.

MONGO HAKIMU 2:19

Bo wonu bolo tau̒wa boito mailate, bangusa boito owatade lebe moleetao̒ wolo hilaide tadipo-dipolulio mai. Timongolio hemotiwato to ila-ila wewo wau molubo ila-ila boito. Timongolio hemonguli to obobiasa limongolio u moleeto wau diila mohuto molomelo watade limongolio.

MONGO HAKIMU 3:7

Umati lo Isirai̒lu ilodusa to Eeya, Allahu Taa̒ala limongolio. Timongolio helo malonga Olio, tilinggula timongolio malo ibaadati to babaa-laahalaalo Baal wau Asyera.

MONGO HAKIMU 8:27

Monto hulawa boito, tei Gideon malohutu bui̒ balaahala tuwau, lapatao̒ lopo tambati mao̒ to kambungulio, deu̒yito-yito to Ofra. Ngoa̒amila taulo Isirai̒lu lonao̒ mola helolubo bui̒ balaahala boito, tunggula timongolio diilalo mopoo̒tuoto Allahu Taa̒la. Wau sua̒li boito lowali debo odelo hentobu odelei Gideon wau ngaalaa̒lio.

MONGO HAKIMU 8:32

Lapatao̒ mapanggola daa̒ tio, bolo tei Gideon walae̒e Yoas boito yilate. Tio yilobungio tokuubulu lei Yoas, tiyamolio. Kuubulu boito dudutuulio to Opra, deu̒yito-yito kota lokaumu Abiezer.

MONGO HAKIMU 9:27

Timongolio lonao̒ mota lolipu angguru to ii̒i-lengiyalo angguru, tulusi helohutu minumani lo angguru, wau lohutu potihunggu. Timongolio lolamela wau longilu totambati polubowalo dewa limongolio sambela hemo taditadia olei Abimelekh.

MONGO HAKIMU 9:4

Lapatao̒ timongolio longohi mao̒ olio pitu lopulo pita doi talaa̒ u hilama mai limongolio lonto bele polubowalo Baal-Berit. Wolo doi boito tei Abimelekh helongohi wuupa ode ngopolemboa̒ tau-tauwalo tahe diila oa̒adabua u lopanggala wolio,

MONGO HAKIMU 9:46

Tou̒ tau-tauwalo tawoluo todelomo biintengi lo Sikhem loo̒dungohe pasali losua̒li boito, yi timongolio tilumuwota ode delomo huango towalungo kuil El-Berit u lotililungo.