MONGO HAKIMU 8:28 - KITABI HABARI MOPIOHE

²⁸ Taulo Midian diilalo loo̒hutu wolo-wolo poli: timongolio maa ilolaahe taulo Isirai̒lu. Yi ilaamanilo mola lipu boito wopato pulu lotaunu mola hihelio, ngotilonggadu tei Gideon donggo tumu-tumulo.

MONGO HAKIMU 8:28 Iomraidhean Croise

JABURU 83:2

Yaa Allahu Taa̒ala, diila mao̒ potipoo̒yo, diila mao̒ potitopole lo uluu̒ wau bolo poo̒poo̒oyo.

YESAYA 10:26

Wau̒ Eeya Taa Laba-labaalo kawasa, mamomuboa̒ olimongolio wolo buuboo̒, debo odelo hepilo mateyaa-U̒ taulo Midian to hui̒dee botu lo Oreb. Asyur mahukuu-maniyo-U̒, debo odelo Wau̒ helo hukuumani Masiri.

YESAYA 9:4

Sapatu lo suludadu u hulo-hulopai̒o wau boo̒lio u lomulomu loduhu, mamo pulito maahu lotulu.

MONGO HAKIMU 3:11

Yi mai̒laamani lipu boito wopato pulu lotaunu mola hiheolio. Lapatao̒ tei Otniel yilate.

MONGO HAKIMU 3:30

Todulahee boito Moab ilolaahe lo Isirai̒lu, yi oditolio maa ilaamanilo mola lipu boito walu lopulu lotaunu mola hiheolio.

MONGO HAKIMU 5:31

Pohileaala dua̒ mumuu-suuwaalo Eeya, yaa Eeya, mate debo odelo tei Sisera, bo ngoa̒amila sahaabati lo Eeya ilotilapulo debo odelo mato lodulahu to dulente! Lapatao̒ uito, mai̒laamani lomola lipu boito wopato pulu lotaunu mola hiheolio.

MONGO HAKIMU 8:27

Monto hulawa boito, tei Gideon malohutu bui̒ balaahala tuwau, lapatao̒ lopo tambati mao̒ to kambungulio, deu̒yito-yito to Ofra. Ngoa̒amila taulo Isirai̒lu lonao̒ mola helolubo bui̒ balaahala boito, tunggula timongolio diilalo mopoo̒tuoto Allahu Taa̒la. Wau sua̒li boito lowali debo odelo hentobu odelei Gideon wau ngaalaa̒lio.

MONGO HAKIMU 8:29

Lapatao̒ popaatea boito, tei Gideon luli lohualingo ode kambungu pilohuluta loduhulio wau lotibiluloa̒ mola teto.

BOHULO SEMUEL 7:13

Odieelo mola taulo Pilistin ilolaahelio. Eeya diilalo lopoluasi olimongolio tumuwota ode madala lo Isirai̒lu, ngotilonggadu tei Semuel donggo tumu-tumulo.