MONGO HAKIMU 8:10 - KITABI HABARI MOPIOHE

¹⁰ Tou̒ boito tei Jebah wolei Salmuna wolo ngoilanggubu pasuukani limongolio donggo woluo to Karkor. Monto ngoilanggubu pasuukani lotau-tauwala lohuta ohungayo u luasi daa̒, bo woluo tanu mopulaa limo lolihu lota wambai̒o tai̒lo lobita; ngohetuto dulo pulu lolihu lota suludadulio mailate.

MONGO HAKIMU 8:10 Iomraidhean Croise

OLUO MONGO OLONGIA 3:26

Tou̒ longalati mai deu̒ tio diilalo moo̒ tahangi, yi ti olongia lo Moab lodelo mota pajule pitu lohetuto lota tamoolato mopohuna wamilo, lapatao̒ helo tolopani tilumuwotao̒ ode biintengi li olongia Edom, bo diila ilohaasili.

OLUO TAWARI 13:17

Iludaa̒ lomola oluuhi upilopo dungga lei Abia wau pasuukanilio totaulo Isirai̒lu; limo lohetuto lihulota pajule limongolio tahipiohe daa̒ yilate.

OLUO TAWARI 28:8

Eleponu tau-tauwalo Yehuda yito timongota bangusa lo Isirai̒lu, bo suludadu lo Isirai̒lu helo lawalo dulo hetuto lolihu lota mongobua wu tau̒kekeei̒, lapatao̒ lomintaa̒a olimongolio ode Samaria pee̒-pee̒enta wolo dadaata daa̒ balangi yilambato.

YESAYA 37:36

To hui boitolo malai̒kati lo Eeya leidungga ode piloti-kemaawa taulo Asyur wau helomate yila-yilateelo mao̒ ngohetuto walu lopulaa limo lolihu lota pajule. Loombulio mola didimodupo mimii-lateyaalo limongolio bolo helo pupuulepelo mao̒.

YESAYA 9:4

Sapatu lo suludadu u hulo-hulopai̒o wau boo̒lio u lomulomu loduhu, mamo pulito maahu lotulu.

MONGO HAKIMU 20:15

Todulahee boito timongolio helongambu lonto kokoo-tawaalo limongolio ngodaata dulo pulaa wolomo lihu lota pajule. Wau wewolio mao̒ leeto poli ulipu lo Gibea lohihilao olo helongambu pitu lohetuto lota tai̒lo tulaota. Ngoa̒amilalo taa ahingo tahi ahaalia todelomo momai̒ lobotu wolo tali. Wonu timongolio momai̒ lobotu wolo tali, diila pee̒enta mao̒ tala penu boli ngoi̒di.

MONGO HAKIMU 20:17

Towimbihu tau-tauwalo Isirai̒lu wewolio malei aambu ngujumula wopato hetuto lihu lota pajule tamoolato.

MONGO HAKIMU 20:2

Ngoa̒amilalo woluo wopato hetuto lihu lota pajule lo pasuukani tolimbuta. Mongo tau̒wa lotimii̒du suku bangusa lo Isirai̒lu woluo olo mola teto.

MONGO HAKIMU 20:25

Wau u oluolio olo tau-tauwalo lei Benyamin boito yilumualai loluhu. Pee̒enta botie timongolio heloo̒pate yila-yilateelo mao̒ mopulaa walu lolihu lota mongo pajule tamoolato lonto ditilo popaatea lo Isirai̒lu.

MONGO HAKIMU 20:35

Eeya longohi ode taulo Isirai̒lu loo̒haama totau lei Benyamin, tilinggula todulahee boito taulo Isirai̒lu helomate yila-yilateelo mao̒ dulo pulaa limo lolihu ngohetuto lota suludadu lei Benyamin.

MONGO HAKIMU 20:46

Oditolio, suludadu lei Benyamin tahe pilatelio yila-yilateelo mao̒ todulahee boito woluo dulo pulaa limo lolihu lota – ngoa̒amilalo pajule tahi gaagawa boli buheli.

MONGO HAKIMU 6:5

Tau-tauwalo boito hemonao̒ mai hipole-polemboa̒ totoyunuta wolo bibiahu wau kema limongolio todelomo udadaata daa̒. Timongolio wau untalio mailaba daatalio diilalo oyia̒apa. Timongolio hemonao̒ mai mongantulu lipu boito,

MONGO HAKIMU 7:12

Taulo Midian, Amalek wau tau-tauwalo wewolio lonto huta ohungaya u luasi daa̒, loloo̒polo mola penu boli tou̒toonu tolumbaya boito. Oontonga mao̒ debo odelo bulita u uu̒upa. Uu̒u-ntawaalo limongolio mailaba daatalio debo odelo hungayo tobiihu pentadu.

MONGO HAKIMU 7:13

Tou̒ tei Gideon leidungga mola odito, tio loo̒dungohe tahingota-ngotaawa donggo hemo hungguli tohiilopio ode sahabatilio. Tau boito loloi̒ya odie, “Watia loo̒ tohiilopo woluo roti ngobotu liliideo̒-liliideo̒ tilumuwotai ode kemaanto lapatao̒ lodehito kema ngowale. Kema boito loloohubu tilinggula lowali payadu wolo huta.”

MONGO HAKIMU 7:22

Tou̒ tei Gideon wau tahidudua̒ olio donggo hemopo tingohe mola torompeti, Eeya helohutu diti popaatea lomusu tinggai helo tutuuhua ngota timongota wolo wamilo. Timongolio tilumeteo̒ ode mantahu Jerera demola ngoilamingo lo Bet-Sita wau kota Abel-Mehola totili lo Tabat.

MONGO HAKIMU 8:11

Tei Gideon helo tiduluhee mola to sipatana lohuta ohungaya u luasi daa̒ to ambahu tiimuru lo Nobah wau Yogbeha lapatao̒ bolo tilumahuo̒lo mola loluhu musu.