MONGO HAKIMU 8:1 - KITABI HABARI MOPIOHE

¹ Taulo Epraim loloi̒ya mao̒ odelei Gideon, “Yilongola ami diila hileingumu tou̒ yio̒ lomonggata mota loluhu taulo Midian? Wolo sababuulio ami pilohutumu odito?” Odi-odieelo mola timongolio helobiihu olei Gideon.

MONGO HAKIMU 8:1 Iomraidhean Croise

OLUO LO SAMUEL 19:41

Lapatao̒ malonao̒ mai ngoa̒amila taulo Isirai̒lu lotaalua woli olongia wau loloi̒ya mao̒ olio, “Baginda, yilongola wutato lo mongowatotia tau-tauwalo Yehuda boito hemo lantobu deu̒ timongoliolo tao̒haku u molutula wau mokaawali oli Baginda wolo ngoilanggubu ngaalaa̒ wau tahidudua̒ oli Baginda mobalanga Dutulaa Yordan?”

OLUO LO SAMUEL 19:42

Lapatao̒ taulo Yehuda lolametao̒, “Tantulo mao̒, sababu ti olongia yito ilaato lami. Yilongola timongoli maloingo? Wolo u palaluo lami bilanta li olongia, meaalo ami mailohiaalio paraseni?”

AYUBA 5:2

Bo taa u mohulodu wamabai̒o tamaate sababu ngongoto hilaalio.

POHUMAYA 15:1

Wolo totameto u moa̒aluti, oyiyingo mowali moole; totameto u mololowo mopotoodei oyiyingo.

TAMOO-HUTUBAWA 4:4

Otaawau̒ olo deu̒ manusia mokalaja odito tio̒opatea, bo kalana mohiihia moo̒onto tilapulo tiheedio. Ngoa̒amila boito diila ohuna wamabai̒o debo odelo tolopani mohilapita dupoto.

HOSEA 13:1

Muloololio mai suku Epraim he hulumatiolo tilinggula wonu bolo woluo palenta monto suku boito, susuu-kuwaalo Isirai̒lu moohe. Bo suku Epraim odusa sababu helolubo Baa̒l, sababu uito tio mamooli.

MONGO HAKIMU 8:2

Bo tei Gideon lolametao̒, “Wolo u pilohutu lowatia diila boti oboliilio wonu pobandingio mola lou̒ wolo u mapilohutu limongoli. Eleponu u hepilohutu limongoli boito bo ngoi̒di, bo ungoi̒di boito lebe ohalaga daa̒ wolo ngoa̒amila u mapilohutu lo ngoilanggubu kaumu laatia.