MONGO HAKIMU 7:9 - KITABI HABARI MOPIOHE

⁹ Tohui boito Eeya lotahuda mai odelei Gideon, “Bongulo, Gideon! Ponao̒lo moluhu pilo tikemawa taulo Midian. Wau̒ mongohi olemu u moo̒ohaama olemu toli mongolio.

MONGO HAKIMU 7:9 Iomraidhean Croise

OLUO TAWARI 20:17

Timongoli diila palalu motuuhua todelomo popaatea botie. Ponao̒lo ode tambati u matilantu ode limongoli wau yimailo mota teto. Timongoli mamoo̒onto deu̒ Eeya mamongohi mai olimongoli u moo̒haama!”

AYUBA 4:13

Tuutuluhuu̒ ilotolosoa wau ilogodaalio, debo odelo loo̒ tohiilopo u mobulilo tou̒ hui modio̒loma tutu.

MATIUSI 1:20

Tou̒ tei Yusu donggo hemo timbangi mola sua̒li boito, tio maloo̒ tohiilopo. Todelomo tohiilopio boito, tio loo̒onto malai̒kati ngota lo Eeya lotahuda mai olio, “Yusu, wali lei Dauda diila oohe monika woli Maria; sababu tau̒kikiia̒ tabanta-bantala olio boito lowali tokawasa lo Rohullah.

MATIUSI 2:13

Tou̒ tahi ahalia lopoliama boito malo monggato, malai̒kati lo Eeya luli lopo bilohei batanga odelei Yusu todelomo tohiilopo. Malai̒kati boito malo tahuda, “Tei Herodes omakasudu mololohe Walao̒ boito wau pateelio mate-mateelo mao̒. Sababu uito pobongulo, delowalo Walao̒ boito woliilo-Lio momonggata mola ode Masiri. Potibiluo̒po mola teto tunggula Wau̒ mamuli motahuda mai olemu.”

WUNGGULI LOMONGO RASULU 27:23

Sababu ohui malai̒kati lo Allahu Taa̒ala tahe tuboo lowatia, deu̒ito-yito Allahu Taa̒ala taa ohuu̒wo tutumulo watia, dungga-dungga mai odelaatia.

YOSUA 10:8

Eeya lotahuda mai odelei Yosua, “Diila mao̒ oohe toli mongolio. Ohohaama mailohi-U̒ mai olemu, masababu uito diaaluo penu boli ngotaa mao̒ limongolio tamoo̒ taahangi molaawani olemu.”

YOSUA 11:6

Eeya lotahuda mai odelei Yosua, “Diila mao̒ oohe toli mongolio. To saaa̒ti debo odelo odieelo mola loombu, timongolio ngoa̒amilalo mapilate-U̒ yila-yilateelo mao̒ domi Isirai̒lu. Wadala limongolio musi polupuhumu mao̒, wau kakaa-letaalo popaatea limongolio musi pobuwomu.”

YOSUA 2:24

Lapatao̒ timongolio maloloi̒ya, “Tantuulo mao̒ Eeya mongohi mai ngoilanggubu lipu boito ode olanto; ngoa̒amila taa mola teto moohe olanto.”

MONGO HAKIMU 3:10

Rohu lo Eeya helo ngawaasa olei Otniel tilinggula tio lowali tau̒wa umati lo Isirai̒lu. Tio mota lopaatea, tulusi Eeya helo poo̒haama olio toli olongia lo Mesopotamia.

MONGO HAKIMU 3:28

“Dudui̒ mai watia,” ualio mao̒ olimongolio, “Eeya malo poo̒laaheo̒ tau-tauwalo Moab, musu limongoli boito ode limongoli.” Yi to tau̒wa lei Ehud, malo tuhuta mola tau-tauwalo Isirai̒lu boito lonto hihui̒-hui̒dea. Timongolio malohama tambati pobalanga taulo Moab to Dutulaa Yordan. Diaaluo penu boli ngotaa mao̒ lomusu boito yilulialio loa̒ahu lobalango.

MONGO HAKIMU 7:10

Bo wonu yio̒ moohe, heinga mao̒ tei Pura, watomu boito monao̒ pee̒-pee̒enta ode pilo tikemawa lomusu.

MONGO HAKIMU 7:8

Sababu uito tei Gideon helo poa̒hu ngoa̒amila taulo Isirai̒lu uwewo lohualinga ngopohia utolo hetuto lota boito. Ngoa̒amila tomeu̒ wau torompeti hilamalio lonto tau-tauwalo tahe lohualinga boito. Taulo Midian woluo tolumbaya towalungo lo tambati pilo tikemawa taulo Isirai̒lu.

BOHULO SEMUEL 14:8

“Ooo̒,” ualei Yonatan. “Tou̒ mobalangao̒, ito mamopo biloheo̒ batanga totau-tauwalo Pilistin boito.

BOHULO SEMUEL 23:4

Sababu uito pee̒entapo tei Dauda helo molohone potuhata lonto Eeya, wau Eeya lolametai, “Diila mao̒ polawalo. Tuhuwalo kota lo Kehila, sababu suludadu lo Pilistin boito mawuduwo-U̒ mai olemu.”