MONGO HAKIMU 7:8 - KITABI HABARI MOPIOHE

⁸ Sababu uito tei Gideon helo poa̒hu ngoa̒amila taulo Isirai̒lu uwewo lohualinga ngopohia utolo hetuto lota boito. Ngoa̒amila tomeu̒ wau torompeti hilamalio lonto tau-tauwalo tahe lohualinga boito. Taulo Midian woluo tolumbaya towalungo lo tambati pilo tikemawa taulo Isirai̒lu.

MONGO HAKIMU 7:8 Iomraidhean Croise

YESAYA 27:13

Tou̒ boito mapo tingohulio mola torompeti udaa̒ u muli motiangai ngoa̒amila taulo Isirai̒lu tapilo layahu ode Asyur wau Masiri. Timongolio mamonao̒ mai ode Yerusalemu u mamolubo Eeya to hulu-Dio u mantali.

IMAAMATI 25:9

Lapatao̒ todulahu opululio hulalo opitulio, deu̒yito-yito dulahee pongambungual dusa, ahuli mao̒ tau mopo tingohe mola torompeti penu boli tou̒toonu to ngoilanggubu lipu.

YIA̒APO 10:9

Wau wonu bolo timongoli mopaatea tolipu limongoli u momintengi mao̒ batanga tomusu tamoluhu mai, hiipalo mola totoo-rompetiyalo boito. Yi Wau̒, Eeya Allahu Taa̒ala limongoli, mamo tulungi wau mopoa̒ahu mai olimongoli to mumuu-suwaalo limongoli.

1 KORINTUS 15:52

Sua̒li boito debolo mamo toduwolo mola lou̒ ngoi̒ntalo mato, tou̒ torompeti potingohulo u mapulitio. Sababu tou̒ moo̒ dungohe tingohu torompeti boito, tau-tauwalo tahe lopunungo mamuli potumulo-Lio mai wolo batanga ubakaa, wau ito ngoa̒amilalo mabolio̒-Lio.

YOSUA 6:20

Lapatao̒ mongo iimamu lohiipao̒ torompetilio. Wau odito tau-tauwalo Isirai̒lu loo̒dungohe tingohu torompeti boito, timongolio malo ngiibode loo̒huu̒-huu̒ulo mao̒, lapatao̒ dingingo meeseli lokota Yerikho loloohubu. Ngoilanggubu suludadu lo Isirai̒lu lato lobotulaa mola, wau tilumuwotao̒ ode kota boito, tulusi lohama mao̒.

YOSUA 6:4

Pitu lota iimamu, ngota-ngota modelo torompeti, musi monao̒ totalu lo Bulua Daantia. Todulahee u opitulio, yio̒ wau suludadumu musi momalitao̒ kota boito poo̒opitu wau sambela uito mongo iimamu mohiipo torompetilio.

MONGO HAKIMU 3:27

Lolamemeta tou̒ leidungga mola odelipu hihui̒-hui̒dea lo Epraim, tio malohiipa torompeti u lotingai taulo Isirai̒lu motuuhua. Timongolio lonao̒ mai lapatao̒ tio malodelo olimongolio lotuhuta mola lonto madala hihui̒-hui̒dea boito.

MONGO HAKIMU 6:33

Tou̒ boito ngoa̒amila taulo Midian, Amalek wau susuu-kuwaalo bangusa wewo tohuta ohungaya u luasi daa̒ to ambahu tiimuru lo Yordan malo tia̒mbu. Timongolio helo balanga Dutulaa Yordan, wau lotikema to Lumbaya Yijreel.

MONGO HAKIMU 7:7

Lapatao̒ Eeya lotahuda odelei Gideon, “Wolo otolo hetuto lota tahe lodelita taluhee boito, Wau̒ mamopo lopata olimongoli wau mongohi u moo̒haama olemu totaulo Midian. Ahuliilo mota tawewolio mohualingo.”

MONGO HAKIMU 7:9

Tohui boito Eeya lotahuda mai odelei Gideon, “Bongulo, Gideon! Ponao̒lo moluhu pilo tikemawa taulo Midian. Wau̒ mongohi olemu u moo̒ohaama olemu toli mongolio.