MONGO HAKIMU 7:4 - KITABI HABARI MOPIOHE

⁴ Lapatao̒ Eeya luli lotahuda odelei Gideon, “Tahidudua̒ olemu donggo dadaata daa̒. Delowalo timongolio ode dutulaa. Mola teto Wau̒ mamo lulaotao̒ olimongolio ode olemu. Wonu Wau̒ motahuda mai olemu, ‘Tau botie musi monao̒ wolemu,’ tio musi monao̒. Bo wonu Wau̒ motahuda mai, ‘Tau botie diila mowali monao̒ wolemu,’ yi tio diila mowali monao̒.”

MONGO HAKIMU 7:4 Iomraidhean Croise

ILOOWALI 22:1

Dengolo wakutu mola lapatio mao̒ Allahu Taa̒ala lotesi otatapu wau olotolo hilao lei Abraham. Allahu Taa̒ala longiibode: “Abraham!” Tulusi tei Abraham lolametao̒, “Yaa Eeya.”

AYUBA 23:10

Bo otaawa lo Eeya totoonulalo dalaluu̒ wau olo timii̒du diambanguu̒. Wonu debo odelo hulawa wau̒ sopuolo, yi maa obukuti deu̒ hilaau̒ belesi.

JABURU 33:16

Olongia diila tamoo̒haama sababu udaa̒alio lo suludadu, pajule diila tamoa̒ahu sababu olootolio.

JABURU 66:10

Yaa Allahu Taa̒ala, Eeya malotesi mai olamiaatia debo odelo taa tamosopu talaa̒ todelomo tulu.

JABURU 7:9

Eeya momutoo̒ umati lo manusia; wohiyalo mai watotia ua̒adili, yaa Eeya, sababu watotia diila ototala.

MONGO HAKIMU 7:5

Yi tei Gideon malodelo tau-tauwala boito ode dutulaa, lapatao̒ Eeya lotahuda mai odelei Gideon, “Taa u modilatao̒ taluhee debo odelo apula, musi pohalahumu mao̒ monto taa u moti bonggohuu̒ mongilu.”

BOHULO SEMUEL 14:6

Yi maloloi̒ya tei Yonatan ode tabohulotau boito, “Dulo ito monao̒ ode posi taulo Pilistin lotaa kaapiru boito. Otanu Eeya mamotulungi mai olanto. Sababu Eeya mowali mopoo̒haama olanto, mopio wolo taa dadaata meaambo wolo taa ngoi̒di.”

BOHULO SEMUEL 16:7

Bo Eeya malo tahuda mai odelei Semuel, “Yio̒ diila mao̒ oa̒anga lolakulio u gaaga wau molanggato wawai̒o; diila tio taa kahandakiyo-U̒. Wau̒ diila momilohe debo odelo bibilohio lo manusia. Manusia bo momilohe baya, bo Wau̒ momilohe hilao.”