MONGO HAKIMU 7:20 - KITABI HABARI MOPIOHE

²⁰ Oluo lo polemboa̒ uwewolio helohutu odito olo. Lapatao̒ timongolio ngoa̒amilalo lomintaa̒a mola momoo-rongowalo limongolio wolo uluu̒ oloihi, wau helohiipa torompeti uwoluo to uluu̒ olowala limongolio. Timongolio tilonggo watio̒, “Wamilo duo̒lo Eeya wau duo̒lei Gideon!”

MONGO HAKIMU 7:20 Iomraidhean Croise

YESAYA 27:13

Tou̒ boito mapo tingohulio mola torompeti udaa̒ u muli motiangai ngoa̒amila taulo Isirai̒lu tapilo layahu ode Asyur wau Masiri. Timongolio mamonao̒ mai ode Yerusalemu u mamolubo Eeya to hulu-Dio u mantali.

YEREMIA 47:6

Timongoli monguatio̒, ‘Tunggula omolua yio̒ moluhu, wuu wamilo Eeya? Muli pohualingolo ode tau̒pumu wau potitolaalo mola teto wolo duo̒duo̒oto!’

1 KORINTUS 15:52

Sua̒li boito debolo mamo toduwolo mola lou̒ ngoi̒ntalo mato, tou̒ torompeti potingohulo u mapulitio. Sababu tou̒ moo̒ dungohe tingohu torompeti boito, tau-tauwalo tahe lopunungo mamuli potumulo-Lio mai wolo batanga ubakaa, wau ito ngoa̒amilalo mabolio̒-Lio.

2 KORINTUS 4:7

Bo halata rohu u gaaga daa̒ boito dilelo lamiaatia tobatanga lamiaatia udiila ohalaga botie upilohutu lonto huta. Lou̒ odito loilaalo mai deu̒ odudaa̒ lokawasa boito dudutuulio to Allahu Taa̒ala wau diila to lamiaatia.

1 TESALONIKA 4:16

De malai̒kati udaa̒ mamo ngibode mola wolo suala u moo̒ohuu̒ wau torompeti lo Allahu Taa̒ala potingohulo odelo tuoto lopalenta. Lapatao̒ ti Isa Eeya lohihilao mamo tuhutai monto sologa, wau tau-tauwalo Nasara tamailate mapo tumulo-Lio mai meimulo.

IBRANI 11:4

Sababu o iimani, yi tei Habel lopodewo ode Allahu Taa̒ala bake ulebe mopioheo̒ wolo bake lei Kain. Sababu iimanilio boito, tei Habel tilolimo lo Allahu Taa̒ala odelo taa u mopiohe, sababu malo ilaalo deu̒ Allahu Taa̒ala lololimo pilodewolio. Tei Habel mailate, bo sababu iimanilio boito, yi tio donggo bisabisala dilumutu botia.

YOSUA 6:16

Tou̒ opitulio, odito mongo iimamu helohiipa torompetilio, tei Yosua longohi mao̒ palenta ode ngoilanggubu pasuukani u longiibode. Ualei Yosua, “Eeya malohudu mai kota botie ode limongoli!

YOSUA 6:20

Lapatao̒ mongo iimamu lohiipao̒ torompetilio. Wau odito tau-tauwalo Isirai̒lu loo̒dungohe tingohu torompeti boito, timongolio malo ngiibode loo̒huu̒-huu̒ulo mao̒, lapatao̒ dingingo meeseli lokota Yerikho loloohubu. Ngoilanggubu suludadu lo Isirai̒lu lato lobotulaa mola, wau tilumuwotao̒ ode kota boito, tulusi lohama mao̒.

YOSUA 6:4

Pitu lota iimamu, ngota-ngota modelo torompeti, musi monao̒ totalu lo Bulua Daantia. Todulahee u opitulio, yio̒ wau suludadumu musi momalitao̒ kota boito poo̒opitu wau sambela uito mongo iimamu mohiipo torompetilio.

2 PETRUS 1:15

Yi watia mamo tolopani alihu lapatao̒ watia mate mao̒, timongoli laita muli moe̒ela mola susuu-aliyaalo botie.

MONGO HAKIMU 7:19

Tou̒ leidungga mai tomutaa̒ lou̒ hui, tei Gideon wau tahidudua̒ olio leidungga mola ode sipatana pilo tikemawa lomusu. Tou̒ boito taa u mokawali pilo tikemawa boito, boheli lotuuloa̒ lodaha. Lapatao̒ tei Gideon wau polemboa̒lio helohiipa mola torompeti wau lomoo̒ gigii-ntiyaalo limongolio.

MONGO HAKIMU 7:21

Timongolio ngoa̒amilalo ngota-ngota debo hitihula to tambatilio topalito piloti kemawa boito. Yi ngoilanggubu diti popaatea lomusu boito tilumeteo̒ lopapaa-mbelenga sambela hiwuwa-wuwaatia̒.

BOHULO SEMUEL 11:11

Loombulio mola, didimodupo, tei Saul helo layadeo̒ tahidudua̒ olio lowali tolo pasuukani. Wau tou̒ madulahei timongolio loluhu ode huungo pilo tikemawa taulo Amon boito wau heloluhu olimongolio. Tou̒ dulahee diipo totau̒, suludadu lei Saul malo poo̒laaheo̒ musu. Tau-tauwalo Amon taloo̒lahi, helo bubuua̒yawa tilinggula diaaluo taloo̒lahi duduulota pee̒-pee̒enta.