MONGO HAKIMU 7:2 - KITABI HABARI MOPIOHE

² Eeya lotahuda odelei Gideon, “Tahidudua̒ olemu mailaba daatalio. Wau̒ diila mohuto mongohi olimongolio u moo̒haama to taulo Midian, sababu de pikiilangio mola limongolio deu̒ timongolio moo̒haama sababu lotoli mongolio lohihilao, tilinggula timongolio diilalo momuji ola-U̒.

MONGO HAKIMU 7:2 Iomraidhean Croise

ILOOWALI 46:2

To delomo bibilohe tuwau tou̒ hui, Allahu Taa̒ala lotahuda mai ode olio, “Yako, Yako!” “Yaa Eeya, ” tuahio mao̒.

OLUO TAWARI 14:11

Lapatao̒ tei Asa lodua̒ mola ode Eeya Allahu Taa̒alaalio, “Yaa Eeya, bo Eeyaalo tamowali momantu mai tahi luupuhe to tahilootola. Tulungia mai mongowatotia botia, yaa Eeya Allahu Taa̒ala lo mongowatotia! To Eeyaalo mongowatotia motibonelo wau to tanggulo Eeya mongowatotia lumualao̒ mopaatea moluwali pasuukani umailaba udaa̒ botie. Yaa Eeya, Eeyaalo Allahu Taa̒ala lo mongowatotia. Diila mao̒ polulia batanga lo Eeya olaahe lo manusia ngota.”

YESAYA 10:13

Ti Olongia lo Asyur helo latabu, ualio mao̒, “Ngoa̒amila boito pilohutuu̒ wolo kawasaau̒ lohihilao. Wau̒ molinepo wau motoloo̒. Yilinggiu̒ sisii-patanawalo towolota lo babaa-ngusawalo, wau lambatou̒ polodapato limongolio. Debo odelo biintengi wau̒ helo duta-dutaa̒a tau-tauwalo tahemo marenta.

YESAYA 2:11

Taa sombongi mapo dupapaalo wau taa botingga potaa̒a-lukuwolo. Bo Eeya wambao̒ tapou̒daa̒alo.

YESAYA 2:17

Taa sombongi mapo dupapaalo, wau tabatingga mapo taa̒alukuwolo. Bo Eeya wambao̒ tapou̒daa̒alo.

YEREMIA 9:23

Eeya lotahuda mai, “Taa aaripu diila mowali meengahu sababu otinepio, taa molotolo sababu olootololio, wau taa kaya sababu okokayalio.

YEHESKIEL 28:17

Bayamu ugaaga heloo̒ sombongi olemu wau omasaahulu loo̒sababu olemu helohutu mohulodu. Sababu uito yio̒ pobanti-U̒ ode huta wa powaliyo-U̒ poe̒ela ode mongo olongia wewo.’ ”

YEHESKIEL 28:2

“Wuu manusia panaa, potunggula mao̒ odeli olongia Tirus, wolo u Wau̒ Eeya Taa Laba-labaalo molanggato lotahuda ode olio, ‘Wolo sombongi yio̒ hemolantobu batangamu dewa u tataambati to huhuloa̒ li olongia tohuungo deheto. Mowali olo wambai̒o yio̒ motihutu debo odelo dewa, bo eelai mao̒, yio̒ bo manusia biaasa.

DANIALI 4:30

wau̒ loloi̒ya, “Bilohi, donggo boli polutui̒o kota lo Babel! Wau̒ulo talomongu mao̒ lowali tiilo lokota u mopobukuti mao̒ okokawasa wau olotolu̒, ololamahu wau odudaa̒au̒!”

HABAKU 1:16

Lapatao̒ pajala boito hetilubo limongolio wau yilohia limongolio dewo lobake, sababu wolo pajala boito timongolio maloo̒tapu lijiki u dadaata daa̒ wau lowali maa̒amulu.

JAKARIA 12:7

Wau̒, Eeya, tabohu-bohulio mamongohi moo̒haama to suludadu lo Yehuda, alihu ohulumati u tilolimo lonto wali mai lei Dauda wau ulipu lo Yerusalemu diila mongilabota ohulumati utilolimo lo ulipu lo Yehuda wewolio.

JAKARIA 4:6

Malai̒kati boito lopoa̒hu olaatia lopo tunggulao̒ odelei Jerubabel tahuli botie, “Diila wolo olootolo suludadu wau diila olo wolo olootolumu lohihilao yio̒ mao̒tilapulo, bo wolo rohu-U̒.

YIA̒APO 31:4

Monto timii̒du suku bangusa lo Isirai̒lu, musi podapata mao̒ limongoli ngolihu lota pajule u momaju mopaatea.”

ROMA 11:18

Masababu uito timongoli diila mao̒ ponganggapu moheelo olimongolio tamaa iloyodio debo odelo tango boito. Musi eela mao̒ limongoli deu̒ timongoli bo tango wambao̒. Wau diila tango u mongohi ua̒alo towaa̒ato, bo waa̒ato u mongohi ua̒alo ode tango.

ROMA 3:27

Masababu uito ito didu o alasani umopo mangga-mangga lohilao. Yilongola odito? Wolo sababu ito helo ponao̒ u tulatulade todelomo butoo̒ agama lo Yahudi? Diila. Bo sababu ito palacaya.

2 KORINTUS 4:7

Bo halata rohu u gaaga daa̒ boito dilelo lamiaatia tobatanga lamiaatia udiila ohalaga botie upilohutu lonto huta. Lou̒ odito loilaalo mai deu̒ odudaa̒ lokawasa boito dudutuulio to Allahu Taa̒ala wau diila to lamiaatia.

TINGULI 32:27

Bo wau̒ diila motohilaa musu lo Isirai̒lu mopou̒daa̒ hilao; diila bolo timongolio tala molantobu wau moloi̒ya deu̒ timongolio mopoo̒laaheo̒ umati-U̒,’ lebe-lebe pomao̒ Wau̒lo talohutu mai uito.

TINGULI 8:17

Oditolio, sama-samaata diila mao̒ pomikiilangi deu̒ wolo tolopani wau olootoli mongoli lohihilao timongoli mowali kaya.

TINGULI 8:18

Eelai mao̒ deu̒ Eeya Allahu Taa̒ala limongolilo tamongohi mai okokaya boito ode limongoli. Sua̒li boito pilohutu-Lio sababu tunggula todulahee botie Tio donggo tatapu wau molotolo hilao todaantia u pilohutu-Lio woli nenemoya limongoli.

YAKOBUS 4:6

Eleponu odito, odehu hilaa lo Allahu Taa̒ala uilohi-Lio mai olanto lebe molotolo lou̒ ilohilaa lo rohunto boito. Uitolo sababuulio todelomo Kitabi tulatulade olo, “Allahu Taa̒ala motehengi taa sombongi, bo bolii̒o mao̒ Tio momonu taa udupa-dupapa lohilao.”

BOHULO SEMUEL 14:6

Yi maloloi̒ya tei Yonatan ode tabohulotau boito, “Dulo ito monao̒ ode posi taulo Pilistin lotaa kaapiru boito. Otanu Eeya mamotulungi mai olanto. Sababu Eeya mowali mopoo̒haama olanto, mopio wolo taa dadaata meaambo wolo taa ngoi̒di.”