MONGO HAKIMU 7:14 - KITABI HABARI MOPIOHE

¹⁴ Sahabatilio lolametao̒, “Waa, uito tantuulo mao̒ wamilo lei Gideon walae̒e Yoas, taulo Isirai̒lu boito! Boliilio mao̒ Allahu Taa̒ala malongohi olio loo̒haama to taulo Midian wau ngoilanggubu diti lo popaa-teaanto!”

MONGO HAKIMU 7:14 Iomraidhean Croise

AYUBA 1:10

Tio, ngaalaa̒lio wau totoonulalo okokayalio laito heduo̒la lo Eeya. Kalajaalio he bilarakatia lo Eeya wau heilohia lo Eeya dadaata bibiahu to olio, tutuuheta u lopoo̒polu ngoilanggubu lipu.

YIA̒APO 22:38

Tei Bileam lolametao̒, “Naa, botia watia, malonao̒ mai. Bo watia diila ohaku penu boli moloi̒ya mai wolo ngopohia u pei̒ polele mao̒ lo Allahu Taa̒ala.”

YIA̒APO 23:20

Wau̒ pei̒ balakatialio; wau wonu Allahu Taa̒ala mobalakati, diila mowali muli hiiduu̒ mai.

YIA̒APO 23:5

Lapatao̒ Eeya lopoo̒taa odelei Bileam wolo u musi loi̒yaalio, wau luli lei̒ walinga olio odelei Balak u mopoo̒taa mao̒ tahuli lo Eeya olio.

YOSUA 2:24

Lapatao̒ timongolio maloloi̒ya, “Tantuulo mao̒ Eeya mongohi mai ngoilanggubu lipu boito ode olanto; ngoa̒amila taa mola teto moohe olanto.”

YOSUA 2:9

wau loloi̒ya mao̒ olimongolio, “Otaawa lowatia deu̒ Eeya malohudu mai lipu botie ode limongoli. Ngoa̒amila taatewe moohe olimongoli.

YOSUA 5:1

Ngoa̒amila olongia lo Amori to ambahu otolopa lo Dutulaa Yordan, wau ngoa̒amila olongia lo Kanaa̒n tobiihu Lau Tenga loo̒dungohe deu̒ Dutulaa Yordan mpilohengu lo Eeya ngotilonggadu umati lo Isirai̒lu helo balangao̒ dutulaa boito. Yi timongolio mailoohe wau hulu-huluhelio sababu taulo Isirai̒lu.

MONGO HAKIMU 3:28

“Dudui̒ mai watia,” ualio mao̒ olimongolio, “Eeya malo poo̒laaheo̒ tau-tauwalo Moab, musu limongoli boito ode limongoli.” Yi to tau̒wa lei Ehud, malo tuhuta mola tau-tauwalo Isirai̒lu boito lonto hihui̒-hui̒dea. Timongolio malohama tambati pobalanga taulo Moab to Dutulaa Yordan. Diaaluo penu boli ngotaa mao̒ lomusu boito yilulialio loa̒ahu lobalango.

MONGO HAKIMU 7:13

Tou̒ tei Gideon leidungga mola odito, tio loo̒dungohe tahingota-ngotaawa donggo hemo hungguli tohiilopio ode sahabatilio. Tau boito loloi̒ya odie, “Watia loo̒ tohiilopo woluo roti ngobotu liliideo̒-liliideo̒ tilumuwotai ode kemaanto lapatao̒ lodehito kema ngowale. Kema boito loloohubu tilinggula lowali payadu wolo huta.”

MONGO HAKIMU 7:15

Tou̒ tei Gideon loo̒dungohe pasali tohiilopo lotau boito wau boliilio, yi tio olo losujudulo mola lolubo to Allahu Taa̒ala. Lapatao̒ tio luli lohualinga ode kema lo Isirai̒lu wau loloi̒ya mao̒, “Potidapa-dapatolo! Eeya mamongohi mai olemu u moo̒haama toditi lopopaatea lo Midian.”

BOHULO SEMUEL 14:12

Lapatao̒ timongolio malo ngiibode odelei Yonatan wau watolio, “Pobotulolo mai odia alihu pobilohu mai lamiaatia u hitua-tuawua ode limongoli!” Lapatao̒ malo loi̒ya tei Yonatan ode tabohulotau boito, “Dudui̒lo mai wau̒, sababu timongoli mailudu mai lo Eeya ode Isirai̒lu.”