MONGO HAKIMU 6:8 - KITABI HABARI MOPIOHE

⁸ Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.

MONGO HAKIMU 6:8 Iomraidhean Croise

OLUO MONGO OLONGIA 17:13

Eeya lolao mai mongo utolia wau mongo nabi-Lio ode umati lo Isirai̒lu wau Yehuda u helopo tunggulao̒ poe̒ela botie: “Pohuhelilo mohutu u moleeto wau dungohilo totoonulalo palenta wau butoo̒ uilohi-U̒ mai ode loluuhurumu wau olemu lotimbulude to mongo nabi, mongo wato-U̒ boito.”

JABURU 106:44

Bo Eeya lodungohe wuwaatii̒ mongolio, Eeya lopoo̒ tuotai osuusa limongolio.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

MONGO HAKIMU 6:7

Lapatao̒ umati lo Isirai̒lu helo ngiibode ode Eeya lei̒ tulungi mai toli mongolio u moluwali taulo Midian.

MONGO HAKIMU 6:9

Timongoli mapiloa̒ahu-U̒ lonto taulo Masiri wau lonto tau-tauwalo lipu botie tamoluhu olimongoli. Timongolio mapilo loontulu-U̒ lonto lipu botie tou̒ timongoli loluhu olimongolio, lapatao̒ yilohi-U̒ mai huta limongolio ode olemu.

BOHULO SEMUEL 10:18

wau tio loloi̒ya mao̒ olimongolio, “Uti-utieelo upilo tahuda mai lo Eeya, Allahu Taa̒ala lo Isirai̒lu, ‘Wau̒ malodelo olimongoli yilumualao̒ lonto Masiri wau helo lopato olimongoli lonto kawasa taulo Masiri wau totoonulalo bangusa wewo tahi podeehea olimongoli.