MONGO HAKIMU 6:5 - KITABI HABARI MOPIOHE

⁵ Tau-tauwalo boito hemonao̒ mai hipole-polemboa̒ totoyunuta wolo bibiahu wau kema limongolio todelomo udadaata daa̒. Timongolio wau untalio mailaba daatalio diilalo oyia̒apa. Timongolio hemonao̒ mai mongantulu lipu boito,

MONGO HAKIMU 6:5 Iomraidhean Croise

LAHU MOLAMAHU 1:5

Penu boli moitomo, wau̒ gaaga, wuu mongo puusili lo Yerusalemu; moitomo debo odelo kekee-mawaalo lo Kedar, bo gaaga debo odelo popoo-dehuwaalo tobele biluloa̒ saaha li olongia Salomo!

YESAYA 13:20

Diaaluo penu boli ngotaa mao̒ tamei tolaa mola teto. Diaaluo taulo Arabi tamoonao̒wa ode utoonulalo mao̒ tamamo pohuli kemalio to tambati boito, wau diaaluo diiti tamamodelo himba wau batadelio u mongaa huo̒yoto mota teto.

YESAYA 60:6

Lipumu poyiimooa̒ lo unta dadaata daa̒, uu̒u-ntawaalo boito meidungga monto Midian wau Epa. Monto Syeba tau modelo mai hulawa wau alama, sambela hipomujia huhutu lo Eeya.

YEREMIA 46:23

wau mopodayato oa̒ayua polodu u diila mowali potuwotalo. Suludadu lomusu diila oyia̒apa, lebe dadaata wolo bulita. Wau̒, Eeya, motahuda mai.

YEREMIA 49:29

Wahuwaalo bibiahu himba, unta, wau kekee-mawaalo limongolio wolo totoonulalo tuangio, wau ponguatio̒olo toli mongolio, ‘Tolopani mopowali mai owowohe lohenggubei olimongoli!’

YEREMIA 49:32

Eeya luli lotahuda mai odelei Nebukadnejar, “Wahuwaalo uu̒u-ntawaalo limongolio wau ngoa̒amila bibiahu limongolio! Tau-tauwalo tahi huntinga limbu-limbu huwoi̒o boito mawuduwo-U̒ ode utoonulalo mao̒. Wau̒ mamopo dungga mai baala ode yitaati mongolio monto totoonulalo tutulio.

YEREMIA 51:14

Eeya Taa Laba-labaalo kawasa lotadia mai domi batanga-Lio lohihilao deu̒ Eeya mamolao mai tau debo odelo daata lobulita u moluhu Babel, wau timongolio mamopo watio̒ tingalao̒ moo̒haama.

TINGULI 28:33

Bangusa deli mamohama mao̒ ngoa̒amila tilapulo huta u motapu mai limongoli wolo tio̒opatea, bo timongoli lohihilao diila moo̒tapu wolo-wolo ngopohia polodeehe mololalaaita wau huhutu udiila omanusia.

MONGO HAKIMU 7:12

Taulo Midian, Amalek wau tau-tauwalo wewolio lonto huta ohungaya u luasi daa̒, loloo̒polo mola penu boli tou̒toonu tolumbaya boito. Oontonga mao̒ debo odelo bulita u uu̒upa. Uu̒u-ntawaalo limongolio mailaba daatalio debo odelo hungayo tobiihu pentadu.

MONGO HAKIMU 8:10

Tou̒ boito tei Jebah wolei Salmuna wolo ngoilanggubu pasuukani limongolio donggo woluo to Karkor. Monto ngoilanggubu pasuukani lotau-tauwala lohuta ohungayo u luasi daa̒, bo woluo tanu mopulaa limo lolihu lota wambai̒o tai̒lo lobita; ngohetuto dulo pulu lolihu lota suludadulio mailate.

MONGO HAKIMU 8:21

Ualei Zebah wolei Salmuna odelei Gideon, “Ntali, wonu yio̒ talolai̒, pateaalo mate-mateelo mao̒ ami wolo uluu̒mu lohihilao!” Yi tei Gideon olo lomate yila-yilateelo mao̒ olimongolio lapatao̒ lohama ngoa̒amila pake u woluo tobuloo̒ unta limongolio.

BOHULO SEMUEL 30:17

Tou̒ dulahee mamo baangai loloombulio mola, timongolio tiluhu lei Dauda, popaatea boito pohupohutu demola hui. Ngopohia lou̒ wopato hetuto lota tahi muudawa u lolahi wolo lotitae̒ to unta, diaaluo penu boli ngotaa mao̒ lonto musu taloo̒lahi.