MONGO HAKIMU 6:39 - KITABI HABARI MOPIOHE

³⁹ Lapatao̒ tio loloi̒ya ode Allahu Taa̒ala, “Yaa Eeya, ambunguolo diila bolo pomuluka mai wonu watotia muli mobisala mai. Ambunguolo poluliyalo mai watotia muli mohutu mao̒ tuwaulio polo wimontala wolo huhuntingo lambuto himba botie. Bo pee̒enta botie musiilio lambuto himba wambao̒ u debo mohengu.”

MONGO HAKIMU 6:39 Iomraidhean Croise

ILOOWALI 18:30

Tei Abraham loloi̒ya, “Ambunguolo, diila bolo pomuluka, ya Eeya, wonu watotia muli mobisala mai. Wolo mola humayaalio bo woluo tolopulu lota wambao̒?” Eeya lotahuda, “Wonu odunggaa-U̒ tolo pulu lota malohuduwo-U̒ niyati-U̒.”

ILOOWALI 18:32

Pulitio mao̒ tei Abraham loloi̒ya, “Ambunguolo diila bolo pomuluka, yaa Eeya, watotia bo mamo bisala mai pee̒entapo. Woloolo mola wonu bo woluo mopulu lota wambai̒o?” Eeya lotahuda, “Wonu woluo mopulu lota tadiila ototala, Wau̒ diila tamopo binasa kota boito.”

YESAYA 50:2

Yilongola lonto umati-U̒ diaaluo penu boli ngotaa mao̒ talolameto, tou̒ Wau̒ leidungga mai helo tiango olimongolio? Wolo timongolio hipoo̒yonga wambai̒o sababu hemolantobu Wau̒ diila mambo molopato wau mopoa̒ahu olimongolio? Tutuulio tutu, to palentaa-U̒ deheto lowali lohengu, duduu-tulaalo pilowali-U̒ huta datahu wau luasi daa̒ udelita, tilinggula totoo-lawaalo mate moboolo mobunuto.

MATIUSI 21:43

“Oditolio poo̒toloma mao̒,” tahuda li Isa, “ngoa̒mila haku odelo umati lo Allahu Taa̒ala mapahuto-Lio monto olemu wau wohi-Lio ode bangusa tuwau tamaa moponao̒ ngoa̒amila palenta lo Allahu Taa̒ala. [

MATIUSI 8:12

Lebe-lebe pomao̒ tau-tauwalo tawajibulio mowali umati lo Allahu Taa̒ala mapomahulo ode u modio̒lomo to bulemengio. Mota teto timongolio mahumoyongo wau modutolo.”

WUNGGULI LOMONGO RASULU 13:46

Tumbao̒ bo lebe buheli tei Paulus wolei Barnabas helo bisala lou̒ juujulu. Timongolio loloi̒ya, “Tahuda lo Allahu Taa̒ala memangi wajibu potunggulopo ode limongoli. Bo sababu timongoli diila mohuto mololimo uito, timongoli malolantu lohihilao deu̒ timongoli diila paatuti mololimo tutumulo utuutu wau ohiheo-hiheolo mao̒. Wau botia ami mamololaa mao̒ olimongoli wau monao̒ ode bangusa wewo.

WUNGGULI LOMONGO RASULU 22:21

Bo Eeya luli lotahuda mai olaatia, ‘Bolo ponao̒olo, sababu wau̒ mamopoa̒hu olemu monao̒ ode tambati u molamingo ode tau-tauwala tadiila Yahudi.’ ”

WUNGGULI LOMONGO RASULU 28:28

Mapulitio tei Paulus loloi̒ya, “Musi otaawa mao̒ lo Mongo wutato deu̒ habari pasali lou̒ moa̒ahu umonto Allahu Taa̒ala botia mapilopo habari ode babaa-ngusawalo wewo tadiila Yahudi. Timongolio mamo dudua̒ao̒!” [

MONGO HAKIMU 6:38

Yi lowaliilo mola odito: Tou̒ tei Gideon lobongu loombu mola dimodupio wau lomitodeo̒ lambuto himba boito, yi lotapulio taluhu wambulo ngomanggo.

MONGO HAKIMU 6:40

Tohui boito Allahu Taa̒ala lohutu mao̒ wolo upilohile lei Gideon boito, tilinggula loombu mola dimodupio lambuto himba boito lopatatai lohengu, bo hutalio malobata sababu wambulo.