MONGO HAKIMU 6:34 - KITABI HABARI MOPIOHE

³⁴ Bo tei Gideon kiluwaasa Rohullah, tilinggula tio malohiipa mola torompeti u lotiangai tau-tauwalo kaumu Abiejer alihu mopanggala wolio.

MONGO HAKIMU 6:34 Iomraidhean Croise

BOHULO TAWARI 12:18

Tala ngotaa limongolio, deu̒yito-yito, tei Amasai, talapatio mao̒ lowali tau̒wa lo polemboa̒ u ilunte “Tolopulu Polowila”, kiluwaasa mai lo Rohullah tulusi loloi̒ya mao̒, “Dauda, walae̒e Isai! Ami momantu olemu! Pohileaala dua̒ yio̒ wau timongolio tahi pomaantua olemu ohaasili. Allahu Taa̒ala woluo to wimbihu olemu!” Yi tei Dauda malo lolimo olimongolio wau helo mudua̒a olimongolio lowali polowila todelomo hilaide lo popaatealio.

BOHULO TAWARI 12:19

Tou̒ tei Dauda wolo taulo Pilistin heloluhu oli Olongia Saul, ngotayadu lopajule suku Manasye lotiwambao̒ odelei Dauda. Otutuulio mao̒ tei Dauda diila momantu totau-tauwalo Pilistin boito. Mongo tau̒wa lo Pilistin helo poa̒hu olio lohualinga mota ode Jiklag sababu timongolio moohe deu̒ tio mamo tiwambao̒ odeli Olongia Saul wau mamo hiyanati olimongolio.

OLUO TAWARI 24:20

Lapatao̒ Rohullah longaawasa mai olei Jakaria walai̒ Iimamu Yoyada. Tei Jakaria helo tibiloheo̒ totalu lo ulipu, tulusi longiibode, “Eeya Allahu Taa̒ala lotahuda mai, ‘Yilongola timongoli diila helo dungohe totoonulalo palentaa-U̒ bo heloo̒ topotala batangamu lohihilao. Timongoli diila helo mandungi ola-U̒, yi timongoli olo diila pandungoyo-U̒ mai!’ ”

JABURU 51:11

Palingaalo mai baya lo Eeya monto duduu-sawaalo watotia, wau lulutaalo mai totoonulalo totala lowatotia.

YIA̒APO 10:3

Wonu duduuluolo hiipalo haya-haya, boliilio mao̒ ngoilanggubu umati musi motia̒mbu mai to palitumu totalu huhebu lo Kema-U̒.

ROMA 13:14

Hulii mao̒ Eeya Isa Almasi tamolantu mai wolo umusi pohutuo limongoli. Wau diila mao̒ podudua̒ pii̒li lomanusia odusa u bo wambao̒ mopoluli hilao to napusuulio.

GALATIA 3:27

Timongoli ngoa̒amilalo mapilo lihulio to tangguli Almasi, oditolio timongoli malo lolimo tobatanga limongoli pipii-iliyaalo li Almasi lohihilao.

YOSUA 17:2

Madala ambahu otolopa lo Dutulaa Yordan yilohilio ode ngangaa-laa̒awaalo wewlio lonto wali mai lei Manasye, deu̒yito-yito ngaalaa̒ lei: Abiejer, Helek, Asriel, Sekhem, Heper wau Semida; ngoa̒amilalo boito wali talolai̒ lonto olei Manasye walae̒e Yusu. Timongolio yito mongo tau̒wa lou̒ ngaalaa̒.

MONGO HAKIMU 13:25

wau tou̒ tio woluo tokema suku Dan, u dudutuulio to wolota lo Zora wau Esytaol, Rohullah malongohi lotolo to olio.

MONGO HAKIMU 14:19

Debolo tei Simson malo lotolo lomola wolo kawasa lo Eeya, lapatao̒ tio lonao̒ ode Askelon. Mola teto tio helomate yila-yilateelo mao̒ tolo pulu lota mongo lolai̒ tahipakea u mopiohu. Tio helohama pakeyangi limongolio boito wau longohi mao̒ ode tatolo pulu lota tamaa helolapu tokaa tokiilio boito. Lapatao̒ uito, tio lohualinga ode bele wolo hilao ulee̒lee̒e.

MONGO HAKIMU 15:14

Tou̒ tei Simson dilelolio demola Lehi, tau-tauwalo Pilistin tilumetea̒i ode olio wau helo hantia̒a olio. Debolo tio malowali lolotoolai wolo kawasa lo Eeya. Tataa-liyaalo u lomungu uluu̒lio hebiluntolio odito wambai̒o debo odelo tali boito tali u malopobu.

MONGO HAKIMU 3:10

Rohu lo Eeya helo ngawaasa olei Otniel tilinggula tio lowali tau̒wa umati lo Isirai̒lu. Tio mota lopaatea, tulusi Eeya helo poo̒haama olio toli olongia lo Mesopotamia.

MONGO HAKIMU 3:27

Lolamemeta tou̒ leidungga mola odelipu hihui̒-hui̒dea lo Epraim, tio malohiipa torompeti u lotingai taulo Isirai̒lu motuuhua. Timongolio lonao̒ mai lapatao̒ tio malodelo olimongolio lotuhuta mola lonto madala hihui̒-hui̒dea boito.

MONGO HAKIMU 6:11

Todulahee tuwau malai̒kati lo Eeya lonao̒ mai ode kota lo Opra, lapatao̒ lotihuhuloo̒ towalungo bungo lo terpentin, miliki lei Yoas, ngotaalio lo Kaumu Abiejer. Walai̒o tai̒lunte Gideon, donggo hemo pomolotao̒ pale totambati hepo mitodela angguru. Tio helohutu uito tuua̒ao̒-tuua̒ao̒ alihu diila oontonga taulo Midian.

MONGO HAKIMU 8:2

Bo tei Gideon lolametao̒, “Wolo u pilohutu lowatia diila boti oboliilio wonu pobandingio mola lou̒ wolo u mapilohutu limongoli. Eleponu u hepilohutu limongoli boito bo ngoi̒di, bo ungoi̒di boito lebe ohalaga daa̒ wolo ngoa̒amila u mapilohutu lo ngoilanggubu kaumu laatia.

BOHULO SEMUEL 10:6

Tou boito olo yio̒ makaawasa mai Rohu lo Eeya wau yio̒ mamodudua̒ mongelu-ngelungo wau wuwaatii̒ mongolio boito, lapatao̒ yio̒ wohialio watade bohu tilinggula mowali manusia wewo.

BOHULO SEMUEL 11:6

Loo̒dungohe uito, tei Saul kiluwasa mao̒ lo Rohullah.

BOHULO SEMUEL 13:3

Lapatao̒ tei Yonatan lomate yila-yilateelo mao̒ eyaanggu lo Pilistin tato Gibea, wau bangusa lo Pilistin loo̒dungohe pasali losua̒li boito. Lapatao̒ tei Saul lei̒ potingohe mola torompeti to ngoilanggubu lipu u lotianga taulo Ibrani alihu momaju mopaatea.

BOHULO SEMUEL 16:14

Tutuulio tutu tei Saul matilolaa Rohullah, wau botia tio he silikisa lorohu u moleeto tailao mai lo Eeya.