MONGO HAKIMU 6:31 - KITABI HABARI MOPIOHE

³¹ Bo tei Yoasi lolametao̒ ode ngoa̒amila tahipo tehengia olio boito, “Wolo timongoli motiwambao̒ ode Baal wau ohilaa mopoduulua olio? Tatoonu tamoti wambao̒ to olio, mapateelo mate-mateelo mao̒ todulahee botie! Wonu Baal memangi Allahu Taa̒ala, huliyalo mao̒ tio lohihilao mopoduulua batangalio, sababu u yilonggala boito yito mesbaalio.”

MONGO HAKIMU 6:31 Iomraidhean Croise

BOHULO MONGO OLONGIA 18:27

To ngoputu lo dulahei tei Elia malo lumula hemo hanti-hantia̒ olimongolio. “Podua̒alo mola lebe moo̒ohuu̒! Diila matiolo ila? Otanu tio donggo hemo mikiilangi, meaalo donggo ode huali kikiio̒. Mowaliilio olo tio donggo pasi-pasiyari! Meaalo otanu tio donggo tuutuluhu, wau timongoli musi mopobongu mao̒ olio!”

BOHULO MONGO OLONGIA 18:29

Odi-odieelo mola timongolio mololaalaaita tunggula lolaangio debo odelo tai̒lo tuanga lolati. Bo diaaluo talo lametai, diaaluo talo poo̒tuotao̒.

BOHULO MONGO OLONGIA 18:40

Yi maloloi̒ya tei Elia, “Wau̒upa mao̒ mongo nabi lo Baal boito! Diila mao̒ polulia penu boli ngotaa mao̒ tamoo̒lahi!” Lapatao̒ tau-tauwalo helo heu̒upa mongo nabi lo Baal boito, tulusi tei Elia malodelo mola olimongolio ode Dutulaa Kison wau mola teto tio helomate olimongolio yila-yilateelo mao̒ ngoa̒amilalo.

PILOTIMUA̒TA 23:2

Diila mao̒ poduduo̒ wolo odaa̒a lotau wonu timongolio mohutu mao̒ totala meaalo molambanga butoo̒ lou̒ mongohi sakusi udiila otutu.

YESAYA 41:23

Poleleaalo mai wolo u mamotoduo, alihu otaawa lami deu̒ timongoli otutu ilahi. Pohutuwalo u ohuna meaambo u moo̒luhi, alihu ami molinggolabu moo̒onto mao̒.

YESAYA 46:1

Uti-utieelo pulito dedeewaalo Babel; muloololio mai bui̒ Bel wau Nebo hetuboolo, bo botia diletohio toitaato binatangi, lowali banta ode binatangi u loongolo.

YESAYA 46:7

Bui̒ boito pilakua wau pilopodutu to tambatilio, tio tihutihula teto wau diila mowali molimbato. Wonu tau odusa to olio, tio diila molameto, wau diila mopoa̒ahu olio monto osusaalio.

YEREMIA 10:11

Timongoli, wuu umati, musi mopoo̒taa mao̒ olimongolio deu̒ dedeewaalo u diila lopowali hulungo wau dunia boito mopobinasaalo. Timongolio mamooli monto dunia.)

YEREMIA 10:5

Bubuu-iyaalo balaahala boito debo odelo wolilu tau to ilengi lo katimu. Timongolio diila mowali mobisala, diila mowali modiambango, wau musi bintao̒olo. Diila mao̒ oohe toli mongolio, sababu timongolio diila mowali mohutu u moleeto olemu; mohutu u mopiohe olo timongolio diila mambo.”

YIA̒APO 14:6

Tei Yosua walae̒e Nun wolei Kale walae̒e Yepune, duulota towolota lo taa u tiluugasia motulete lou̒ poo̒-poo̒oyo boito, malo ngaidinga pakeyangi limongolio tuotio ilopatea.

1 KORINTUS 8:4

Pasali sua̒li lou̒ molamelo ua̒alo umapilo dewo ode balaahala, otaawanto deu̒ balaahala mopobayahei hitua-tuawua u otutuulio mao̒ diaaluo. Wau otaawanto olo deu̒ Allahu Taa̒ala bo tuwau; diaaluo tawewo.

EPESUS 5:11

Diila mao̒ pohutua totoonulalo huhutu udiila ohuna u hepohutuo lotau-tauwalo tahitumula todelomo dio̒lomo. Bolii̒o mao̒ mamusi tio̒otutua yinggila mao̒ limongoli susuu-aliyaalo debo odelo uito. (

MONGO HAKIMU 6:30

Lapatao̒ uali mongolio odelei Yoas, “Walau̒mu tamalo longgaala mesba Baal wau lopoloohubu wolihi polobayahu li Dewi Asyera u tongotuali lomesba boito. Sababu uito, delowalo walau̒mu boito lumuala odia mai. Tio musi mate!”

MONGO HAKIMU 6:32

Sababu tei Yoas loloi̒ya, “Lulia mao̒ Baal lohihilao moluwali olei Gideon, sababu tio malo longgaala mesbaalio,” yi anggadulo mai uito tau helo langgulao̒ olei Gideon “Yerubaa̒l”.

BOHULO SEMUEL 12:11

Lapatao̒ Eeya malolao mai olei Gideon, lapatao̒ olei Barak, lapatao̒ uito olei Yepta, wau pulitio wau̒. Ami ngota-ngota malo polopato olimongoli lonto musu limongoli, tilinggula timongoli loo̒ tumulo wolo aamani.