MONGO HAKIMU 6:26 - KITABI HABARI MOPIOHE

²⁶ Potihulaalo toitaato huuntua boito mesba tuwau u mairanjana lou̒ mopiohu. Lapatao̒ sapi ulai̒ boito ngoa̒amilalo, musi tumbilamu lealeaatulo mao̒ odelo bake ode Eeya. Pomakea mao̒ wolihi polobayahu li Dewi Asyera u mailoloo-hubumu boito odelo ayu podiii̒o.”

MONGO HAKIMU 6:26 Iomraidhean Croise

OLUO LO SAMUEL 24:18

To duhahulo boito tei Gad lonao̒ mai lotaalua wolei Dauda wau loloi̒ya mao̒ olio, “Patutilio ti Baginda mobotula mola ode uhepo lumbetaa̒lo pale haku lei Arauna wau mopo tihulao̒ mesba ode Eeya.”

OLUO LO SAMUEL 24:22

Loi̒ya mao̒ lei Arauna, “Hamaalo mao̒ li Baaginda, wau podewowalo ode Eeya wolo ulaasa li Baginda mopiohu. Utie sasaa-piyaalo ode bake yilalango wau duo̒lo ayu podiii̒o ti Baginda mowali mohama mao̒ pantungo popadeo̒ wau duduu-piyaalo polumbetaa̒lo pale.”

PILOTIMUA̒TA 34:13

Oditolio, diila mao̒ pohutu odito, bo lolohubua mao̒ memees-bawaalo limongolio, antulua mao̒ tutuu-guwaalo aulia limongolio wau luode mao̒ wowoo-lihiyaalo Asyera, balaahala limongolio.

1 KORINTUS 14:33

Allahu Taa̒ala yito Allahu Taa̒ala tamo tohilaa lou̒ talatibu; Tio diila Allahu Taa̒ala tamo tohilaa u mopuyoo̒to. Debo odelo upohu-pohutu todelomo ngoa̒amila jamaa̒ lo Allahu Taa̒ala,

1 KORINTUS 14:40

Bo ngoa̒amilalo musi pohutuwola wolo mopiohu wau aa̒atulu.

MONGO HAKIMU 6:25

Tohui boito Eeya longohi palenta odie odelei Gideon, “Hamaawa mao̒ sapi ulai̒ lipaapamu, deu̒yito-yito, sapi u mopiohe daa̒ u ou̒umulu pitu lotaunu. Longgala mao̒ mesba u bilongu lipaapamu ode Baal, lapatao̒ loloohubelo wolihi polobayahu li Dewi Asyera u tongotuali lomesba boito.

MONGO HAKIMU 6:27

Yi tei Gideon loluaotao̒ mopulu lota watolio tulusi lonao̒ helo ponao̒ wolo upilo malentao̒ lo Eeya olio. Bo kalana mailaba wohelio to ngaalaa̒lio wau totau-tauwala to kambungulio boito, yi tio diila buheli mohutu mao̒ sua̒li boito tou̒ dulahu. Oditolio tio lopohutu mao̒ tou̒ hui.

BOHULO SEMUEL 6:14

Goloba boito lohuheli totili lobotu leidaa̒ tuwau to halabolu lei Yosua, ngotaalio lo ulipu lo Bet-Semes. Ulipu lokota boito helo mutamutao̒ ayu logoloba boito tulusi longolotao̒ sapi mohelu duluo boito duo̒lo bake yilalango ode Eeya.