MONGO HAKIMU 6:25 - KITABI HABARI MOPIOHE

²⁵ Tohui boito Eeya longohi palenta odie odelei Gideon, “Hamaawa mao̒ sapi ulai̒ lipaapamu, deu̒yito-yito, sapi u mopiohe daa̒ u ou̒umulu pitu lotaunu. Longgala mao̒ mesba u bilongu lipaapamu ode Baal, lapatao̒ loloohubelo wolihi polobayahu li Dewi Asyera u tongotuali lomesba boito.

MONGO HAKIMU 6:25 Iomraidhean Croise

ILOOWALI 35:2

Laptao̒ tei Yako loloi̒ya mao̒ ode ngaalaa̒lio wau ode ngoa̒amila taa uwoluo pee̒-pee̒enta wolio, “Ito mamo monggato monteea wau monao̒ ode Betel. Mota teto wau̒ mamopo tihulao̒ mesba duo̒lo Allahu Taa̒ala tamalo tulungi olau̒ tou̒ wau̒ ilodungga lou̒ suukali wau maloduo̒la olau̒ penu boli deu̒toonu ponao̒wau̒. Oditolio tapilaalo mao̒ bui̒ lo dedeewaalo deli uwoluo to olemu; pohutua mao̒ upacala mopobelesi batanga wau pomakea mao̒ pakeyangi u belesi.”

BOHULO MONGO OLONGIA 18:21

Lapatao̒ tei Elia lohimbide mota ode ulipu boito wau loloi̒ya mao̒, “Tunggula omolua timongoli motohilaa debo ohilao duluo? Wonu Eeya boito Allahu Taa̒ala, tubowalo Eeya! Wonu Baa̒l boito Allahu Taa̒ala, tubowalo Baal!” Ulipu tahi aambua teto malo tipoo̒oyo wambao̒.

AYUBA 22:23

Pohualingolo ode Eeya wolo dupadupapa lohilao u moleeto to belemu patutilio yinggilomu.

JABURU 101:2

Watia ohilaa mopoo̒tuoto dudelo tutumulo udiila o aibu. Omolua Eeya meidungga mai odelaatia? Watia ohilaa tumumulo mantali tobele lowatia,

PILOTIMUA̒TA 34:13

Oditolio, diila mao̒ pohutu odito, bo lolohubua mao̒ memees-bawaalo limongolio, antulua mao̒ tutuu-guwaalo aulia limongolio wau luode mao̒ wowoo-lihiyaalo Asyera, balaahala limongolio.

MATIUSI 10:37

Taa u motolia̒ngo oliyamolio meaanto oliilolio lebe mao̒ wola-U̒ diila patuti mowali muri-U̒. Odito olo taa u motolia̒ngo walai̒o talolai meaalo taabua lebe mao̒ wola-U̒.

MATIUSI 6:24

“Diaaluo penu boli ngota mao̒ tamowali mokalaja ode tuani duulota. Sababu tio maalebe motolia̒ngo ngotaalio wolo tawewo. Meaalo tio maalebe tatapu wau molotolo hilao toli tuani ngota wolo tawewo. Odito olo wolimongoli. Timongoli diila mowali mokalaja duo̒lo Allahu Taa̒ala wau duo̒lo halata upango olo.

WUNGGULI LOMONGO RASULU 4:19

Bo tei Petrus wolei Yahya lolametao̒, “Pikilangia mola lohihilao wolo u otutu totalu lo Allahu Taa̒ala: modudua̒ palenta lomongo tuani meaanto modudua̒ palenta lo Allahu Taa̒ala.

WUNGGULI LOMONGO RASULU 5:29

Tei Petrus wau mongo rasulu wewolio boito lolametao̒, “Amiaatia musi modudua̒ to Allahu Taa̒ala wau diila modudua̒ tomanusia.

TINGULI 7:5

Sababu uito, lohubuwalo memees-bawaala lo babaa-ngusawalo boito, antuluwalo wowoo-lihiyaalo botu u hea̒nggapuo limongolio aulia, wombahelo tutuuotaalo Asyera, wau pobuwalo bubuu-iyaalo lo balaahala u hetuboo limongolio.

MONGO HAKIMU 2:11

Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

MONGO HAKIMU 3:7

Umati lo Isirai̒lu ilodusa to Eeya, Allahu Taa̒ala limongolio. Timongolio helo malonga Olio, tilinggula timongolio malo ibaadati to babaa-laahalaalo Baal wau Asyera.

MONGO HAKIMU 6:26

Potihulaalo toitaato huuntua boito mesba tuwau u mairanjana lou̒ mopiohu. Lapatao̒ sapi ulai̒ boito ngoa̒amilalo, musi tumbilamu lealeaatulo mao̒ odelo bake ode Eeya. Pomakea mao̒ wolihi polobayahu li Dewi Asyera u mailoloo-hubumu boito odelo ayu podiii̒o.”