MONGO HAKIMU 6:22 - KITABI HABARI MOPIOHE

²² Tei Gideon lototaa mai lou̒ tau deu̒ talonao̒ mai ode olio boito yito malai̒kati lo Eeya lohihilao. Yi wolo wohewohe malo loi̒ya tei Gideon, “Matilopotala watotia, yaa Eeya Taa Laba-labaalo molanggato! Sababu watotia malo taalua baya wolo malai̒kati lo Eeya!”

MONGO HAKIMU 6:22 Iomraidhean Croise

ILOOWALI 16:13

Ti Hagar malohintu todelomo hilaalio “Wolo otutu watia maloo̒onto Allahu Taa̒ala tahelo poo̒tuoto olaatia?” Yi tio malo langgula Eeya, tamalo tahuda mai to olio, “Allahu Taa̒ala Taa Mopoo̒tuoto”.

ILOOWALI 32:30

Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel.

ILOOWALI 32:31

Tou̒ dulahee malobutu mai, tei Yako lololaa mao̒ Pniel, wau tio penggo sababu leletua lo poyonggilio malo heeide.

PILOTIMUA̒TA 33:20

Baya-U̒ diila tapo bilohu-U̒ olemu, sababu diila pongalo aakali tau moo̒onto ola-U̒, wau debo tumu-tumulo.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 12:41

Tei Yesaya loloi̒ya odito sababu tio maloo̒onto odudaa̒ li Isa, wau helo bisala tomimbihu o-Lio.

TINGULI 5:24

Uali mongolio mao̒, ‘Eeya Allahu Taa̒alanto malo pobilohei odudaa̒ wau ololama-Hio tou̒ ami loo̒dungohe helo tahuda mai lonto tulu. Todulahee botie ami malo sakusi deu̒ memangi otanu ode manusia u debo tumu-tumulo, eleponu Allahu Taa̒ala malo tahuda mao̒ olio.

TINGULI 5:26

Wolo tingga woluo manusia tadebo tumu-tumulo lapatao̒ loo̒dungohe Allahu Taa̒ala tatumu-tumulo helo tahuda mai lonto tulu?

TINGULI 5:5

Bo sababu timongoli moohe lotulu wau diila buheli motao̒de mola hui̒dee, yi watia tou̒ boito tilimihulao̒ towolota limongoli wolo Eeya u lopo tunggulao̒ tahuda lo Eeya ode limongoli. Eeya lopo malalumu mai,

MONGO HAKIMU 6:23

Bo Eeya lotahuda ma olio, “Potiduo̒tolo mola! Diila mao̒ oohe, yio̒ diila taamate.”