MONGO HAKIMU 6:21 - KITABI HABARI MOPIOHE

²¹ Lapatao̒ malai̒kati lo Eeya boito lohudu mao̒ uluu̒lio lapatao̒ wolo huudu ayu u donggo dihudihu olio tilenggulio tapu wau roti boito. Botu boito yilumai̒ta tulusi lopobu yilaahu lomola tapu wau roti boito. Lapatao̒ yilooli lomola malai̒kati boito.

MONGO HAKIMU 6:21 Iomraidhean Croise

BOHULO MONGO OLONGIA 18:38

Lapatao̒ Eeya lolao mai tulu lonto hulungo wau lolumbila tunggula lopobu bake boito wolo ayu podiii̒o, bobootulio boli hutalio wau helo dilatao̒ tunggula lopulito taluhu uwoluo todelomo tanggi boito.

BOHULO TAWARI 21:26

Lapatao̒ tei Dauda lomangu mesba tuwau teto ode Eeya, wau helo podewo bake yilalango wau bake lo polodame. Lapatao̒ tio lodua̒ mola wau tilametai lo Eeya dua̒lio boito wolo lopolaahei tulu lonto hulungo u lomobu babaa-keyaalo toitaato mesba boito.

OLUO TAWARI 7:1

Tou̒ ti Olongia Salomo mailapato lodua̒ mola, tulu lotuhutai lonto hulungo helomobu babaa-keyaalo u pilodewo ode Eeya. Lapatao̒ tinelo owoluo lo Eeya lopolu lomola tobele lo Eeya boito,

YESAYA 38:7

Tei Yesaya lolametao̒, “Utieelo tuotio u yilohi mai lo Eeya odeli Baginda deu̒ Eeya loe̒elai danti-Lio.

IMAAMATI 9:24

Debolo Eeya lopo tuhutai tulu ulomobu tunggula yilaahu bake yilalango wau wimbi-wimbihio u otabo toitaato mesba. Tou̒ umati lo Isirai̒lu loo̒onto mao̒ uito, timongolio helo ngibo-ngiibode meengahe tulusi helo sujudu wau lolubo.

MONGO HAKIMU 13:19

Yi tei Manoah malohama batade buboto tuwau wolo pale ngoi̒di, lapatao̒ pilodutulio toitaato botu wau lopodewo mao̒ ode Eeya, deu̒yito-yito Eeya tahelohutu susuu-aliyaalo u moo̒linggolabu.

MONGO HAKIMU 13:20

Tou̒ tulu donggo lei̒lei̒ita ode yitaato lonto mesba boito, tei Manoah wolo dilelio loo̒onto malai̒kati lo Eeya boito lobotula mola ode yitaato todelomo lei̒ito tulu boito, ode hulungo. Deu̒ito tei Manoah longalati deu̒ tio boito malai̒kati lo Eeya; yi tio wau dilelio olo losujudu lomola wau lolubo. Diila pee̒enta mao̒ timongolio heloo̒onto malai̒kati boito poli.

MONGO HAKIMU 6:20

Malai̒kati lo Eeya boito lotahuda mao̒, “Podutua mao̒ tapu wau roti boito toitaato botu botie lapatao̒ tuwata mola tabulo tapu boito ode yitaatio.” Tei Gideon malo pohutu wolo upilo malenta olio.