MONGO HAKIMU 6:2 - KITABI HABARI MOPIOHE

² Taulo Isirai̒lu odito wohelio totaulo Midian, tilinggula timongolio helo tituuo̒ todelomo gowa wau to tataa-mbatiyaalo wewo u aamani to huhuu-iduwaalo.

MONGO HAKIMU 6:2 Iomraidhean Croise

AYUBA 30:6

Timongolio lotibiluloa̒ todelomo gogoowalo; huhuu-wangowaalo to dingingo hui̒dee lowali bele limongolio.

YEREMIA 41:9

Ali boito yito ali damango u pilohutu li Olongia Asa tou̒ tio tiluhu lei Baesa olongia lo Isirai̒lu.

YEREMIA 48:28

Timongoli ulipu lo Moab, tolailo kokootaamu wau potipoo̒yolo tohuludu botu debo odelo bulungi pombo mohutu beleaalio tobinggi lopangato.

IMAAMATI 26:17

Timongoli mahukuu-maniyo-U̒, tilinggula timongoli olaahe lo mumuu-suwaalo limongoli wau kawasaalio lotau-tauwalo tamolonui̒ mongoli. Timongoli mamowali moohe daa̒ tilinggula tumeteo̒, penu boli diaaluo tamo henelo.

IBRANI 11:38

Dunia botie diila tambati u tuu̒dio ode limongolio. Timongolio helonao̒ ode utoonulalo mao̒ tohuta datahu wau luasi udelita wau to huhuu luduwaalo, wau helo tibiluloa̒ todelomo gogoowaalo wau todelomo huhuu-wangowalo huta.

WAHI 6:15

Lapatao̒ mongo olongia todunia, taduduulaa̒ lolipu, mongo eyaanggu, tahi okawasawa, tahi kayawa, wau tau-tauwalo wewolio, mopio wato meaalo talo lopato, ngoa̒amilalo lotituuo̒ todelomo gogoowaalo wau tohiyango botu lohui̒du.

MONGO HAKIMU 10:8

Mopulu lotaunu mola hiheolio oluo bangusa boito helodeehe ngoa̒amila taulo Isirai̒lu tahi biluloa̒wa to Gilead, deu̒yito-yito madala taulo Amori to ambahu tiimuru lo Dutulaa Yordan. Timongolio helo pohutu tau-tauwalo Isirai̒lu wolo diila omanusia.

MONGO HAKIMU 10:9

Taulo Amon tumbao̒ helo balango Dutula Yordan u lonao̒ loluhu suku Yehuda, Benyamin wau Efraim tunggula umati lo Isirai̒lu helo dutolaa daa̒.

MONGO HAKIMU 6:3

Iloduhenga olo deu̒ timii̒du tamomeengia lo Isirai̒lu motolo kelakela mao̒ huta, hiponao̒wa mai taulo Midian pee̒-pee̒enta wolo taulo Amalek wau tau-tauwalo wewolio monto huta ohungayo u luasi daa̒ hemoluhu taulo Isirai̒lu.

BOHULO SEMUEL 13:6

Lapatao̒ timongolio tutuuyuta heloluhu lou̒ laba-labaalo to taulo Isirai̒lu, tilinggula taulo Isirai̒lu owowoluwoalio malei hupeta daa̒. Ngojumula tau-tauwalo Isirai̒lu helo tituuo̒ todelomo gowa wau to liango hui̒dee meaalo todelomo hiango lo patihu, meaalo todelomo ali wau huango tohuta,

BOHULO SEMUEL 14:11

Tou̒ timongolio duulota lopo biloheo̒ batanga ode taulo Pilistin to posi podahaalo boito, yi malo loi̒ya tau-tauwala Pilistin boito, “Bilohilo, woluo tau-tauwalo Ibrani tailumualai lonto huhuu-wangowalo tambati pilotituua̒ limongolio!”