MONGO HAKIMU 6:16 - KITABI HABARI MOPIOHE

¹⁶ “Tantuulo yio̒ mowali!” tahuda lo Eeya, “Sababu Wau̒lo tamaa momantumu. Tau-tauwalo Midian mamowali antuluwomu mao̒ wolo gambangi, debo odelo yio̒ bo motaalua wolo ngotaalio wambao̒.”

MONGO HAKIMU 6:16 Iomraidhean Croise

PILOTIMUA̒TA 3:12

Allahu Taa̒ala lolametai, “Wau̒ mamo tulungi mai olemu. Wau wonu bangusa boito madilelomu lumualao̒ lonto Masiri, timongoli maa mamo ibaadati to ola-U̒ tohui̒dee botie. Ui-uitolo bukutiilio deu̒ Wau̒ lolao mola olemu.”

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

MARKUSI 16:20

Yi tahidudua̒ o-Lio malonao̒ wau lopo loladu habari lonto Allahu Taa̒ala penu boli tou̒toonu. Wau Eeya olo lodudua̒ lokalaja pee̒-pee̒enta woli mongolio wau lopo bukuti mao̒ lotimbulude to momoo̒o-linggolabeyalo deu̒ polo habari limongolio otutu.] [

WUNGGULI LOMONGO RASULU 11:21

Kawasa lo Eeya woluo toli mongolio tilinggula dadaata talowali palacaya wau helohudu batangalio ode Eeya.

TINGULI 20:1

“Wonu bolo timongoli mopaatea moluwali mumuu-suuwaalo limongoli, diila mao̒ oohe moo̒onto kaleta lo popaatea wau wadala limongolio u dadaata wau suludadu limongoli u jumulaalio mongilabotao̒ jumula limongoli. Eeya Allahu Taa̒ala limongoli talo lopatai olimongoli lonto Masiri, olo mamo tulungi olimongoli.

YOSUA 1:5

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

YOSUA 10:8

Eeya lotahuda mai odelei Yosua, “Diila mao̒ oohe toli mongolio. Ohohaama mailohi-U̒ mai olemu, masababu uito diaaluo penu boli ngotaa mao̒ limongolio tamoo̒ taahangi molaawani olemu.”

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

MONGO HAKIMU 6:12

Malai̒kati lo Eeya boito lopo biloheo̒ batanga to olio, wau lotahuda, “Wuu, tabohulotau tamolotolo boli buheli daa̒! Eeya wolemu!”

MONGO HAKIMU 6:36

Lapatao̒ tei Gideon loloi̒ya ode Allahu Taa̒ala, “Yaa Eeya, Eeya malo tahuda mai deu̒ Eeya ohilaa momake olo watotia mopo lopato umati lo Isirai̒lu.

RUT 2:4

Diila lohiheo lapatio mao̒ tei Boas leidungga mai lonto Betlehemu wau longohi mao̒ salamu ode tahi pongotolawa, “Pohileaala dua̒ Eeya woli mongoli,” ualio mao̒. Tahi pongotolawa helo lametao̒, “Pohileaala dua̒ Eeya mobalakati mai oli Paaa̒.”