MONGO HAKIMU 6:12 - KITABI HABARI MOPIOHE

¹² Malai̒kati lo Eeya boito lopo biloheo̒ batanga to olio, wau lotahuda, “Wuu, tabohulotau tamolotolo boli buheli daa̒! Eeya wolemu!”

MONGO HAKIMU 6:12 Iomraidhean Croise

PILOTIMUA̒TA 3:12

Allahu Taa̒ala lolametai, “Wau̒ mamo tulungi mai olemu. Wau wonu bangusa boito madilelomu lumualao̒ lonto Masiri, timongoli maa mamo ibaadati to ola-U̒ tohui̒dee botie. Ui-uitolo bukutiilio deu̒ Wau̒ lolao mola olemu.”

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

LUKASI 1:11

Tou̒ boito malai̒kati lo Eeya lopo bilohei lobatanga odelei Jakaria. Malai̒kati boito tilimihulo to ambahu olowala lomeja tambati hepo lapowalo alama.

LUKASI 1:28

Malai̒kati boito lonao̒ mai odeli Maria wau lotahuda mao̒, “Salamu, yio̒ tabilalakati lo Eeya wolo polu-polutuo̒! Eeya pee̒-pee̒enta wolemu!”

TINGULI 20:1

“Wonu bolo timongoli mopaatea moluwali mumuu-suuwaalo limongoli, diila mao̒ oohe moo̒onto kaleta lo popaatea wau wadala limongolio u dadaata wau suludadu limongoli u jumulaalio mongilabotao̒ jumula limongoli. Eeya Allahu Taa̒ala limongoli talo lopatai olimongoli lonto Masiri, olo mamo tulungi olimongoli.

YOSUA 1:5

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

YOSUA 1:9

Eelai mao̒, Wau̒ malo malentai olemu alihu yio̒ tio̒otutua yakini wau buheli! Diila mao̒ oohe meaalo diila botie o sumaangati, sababu Wau̒ Eeya Allahu Taa̒alamu pee̒-pee̒enta wolemu penu boli ode utoonu ponao̒wamu.”

MONGO HAKIMU 11:1

Tei Yepta yito ngotaalio lopajule tagaaga boli buheli daa. Biluloa̒lio to Gilead. Tiyamolio tailunte Gilead bo tiilolio ngotaalio lo tasuuntali.

MONGO HAKIMU 13:3

Bo todulahee tuwau malai̒kati lo Eeya lopobilohe batanga olio wau lotahuda, “Ngotilonggadu botie yio̒ diila loo̒ toduo walao̒, bo diilalo mohiheo yio̒ mao̒mbodaa̒ mai, wau mamoo̒tapu walao̒ talolai̒.

MONGO HAKIMU 2:18

Wonu bolo Eeya mongohi mai tau̒wa ngota ode bangusa lo Isirai̒lu, Eeya laito hemo tulungi mao̒ tau̒wa boito. Wau ngotilonggadu tau̒wa boito donggo tumutumulo, Eeya laito hemo lopata olimongolio monto mumuu-suuwaalo limongolio. Tio momonu olimongolio wonu bolo odungohe-Lio timongolio hiwuwaatia̒ longongoto sababu alinaya wau hedeehelio.

MONGO HAKIMU 6:11

Todulahee tuwau malai̒kati lo Eeya lonao̒ mai ode kota lo Opra, lapatao̒ lotihuhuloo̒ towalungo bungo lo terpentin, miliki lei Yoas, ngotaalio lo Kaumu Abiejer. Walai̒o tai̒lunte Gideon, donggo hemo pomolotao̒ pale totambati hepo mitodela angguru. Tio helohutu uito tuua̒ao̒-tuua̒ao̒ alihu diila oontonga taulo Midian.

MONGO HAKIMU 6:13

Tametao̒ lei Gideon, “Maa̒apu, Tuani! Wonu otutu Eeya wolo mongowatotia, yilongola totoonulalo sua̒li botie helo toduo mai ode mongowatotia? Tou̒toonu totoonulalo moo̒linggolabe u mapee̒enta hepilohutu lo Eeya muloololio mai wau heilungguli linene moya lo mongowatotia pasali woloolo mola Eeya lopolualao̒ olimongolio lonto Masiri? Botia Eeya malo lolaa olo mongowatotia wau lopoluli olo mongowatotia kiluwaasa tau-tauwalo Midian.”

RUT 2:4

Diila lohiheo lapatio mao̒ tei Boas leidungga mai lonto Betlehemu wau longohi mao̒ salamu ode tahi pongotolawa, “Pohileaala dua̒ Eeya woli mongoli,” ualio mao̒. Tahi pongotolawa helo lametao̒, “Pohileaala dua̒ Eeya mobalakati mai oli Paaa̒.”

BOHULO SEMUEL 10:7

Wonu bolo ngoa̒amilalo boito motoduo mai, pohutuwalo wolo wambai̒o u laasamu mopiohu, sababu Allahu Taa̒ala pee̒-pee̒enta wolemu.