MONGO HAKIMU 6:1 - KITABI HABARI MOPIOHE

¹ Pee̒entapo umati lo Isirai̒lu ilodusa to Eeya, tilinggula Tio lopoluli mao̒ bangusa lo Midian helo tolokawasa olimongolio pitu lotaunu mola hiheolio.

MONGO HAKIMU 6:1 Iomraidhean Croise

ILOOWALI 25:2

Dilelio boito lopotutu mai mongo walao̒ tai̒lunte; Jimran, Yoksan, Medan, Midian, Isybak wau Suah.

ILOOWALI 37:28

wau tou̒ dengolo lota dahangi lo Midian yilumaodeo̒, tei Yusu yilualio mai lomongo hulangio lonto ali boito, lapatao̒ pilotali limongolio ode tau lei Ismai̒lu boito wolo halaga dulo puulo pita doi talaa̒. Lapatao̒ tio madilelo lo tahi podahangia boito ode Masiri.

HABAKU 3:7

Iloontonga lowatotia ulipu lo Kusyan ilodungga lo woohe, wau taulo Midian hulu-huluhelio.

YIA̒APO 22:4

Lapatao̒ taulo Moab loloi̒ya mao̒ ode mongo tau̒wa taulo Midian, “Diilalo mohiheo polemboa̒ boito molamuto totoonulalo u hitua-tuawua to palitonto debo odelo sapi molamuto huo̒yoto tohuta u luasi daa̒.” Yi tei Balak

IBRANI 11:32

Naa, watia mowali wambai̒o mobisala mai mololaalaaita, bo wakutu lowatia diila moo̒tuheto. Sababu watia diipo poli longunte olei Gideon, Barak, Simson, Yepta, Dauda, Semuel, wau mongo nabi.

MONGO HAKIMU 10:7

Sababu uito Eeya lomuluka to umati lo Isirai̒lu, tunggula Tio lopoluli mao̒ bangusa lo Filistin wau bangusa lo Amon longawaasa olimongolio.

MONGO HAKIMU 2:11

Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

MONGO HAKIMU 6:13

Tametao̒ lei Gideon, “Maa̒apu, Tuani! Wonu otutu Eeya wolo mongowatotia, yilongola totoonulalo sua̒li botie helo toduo mai ode mongowatotia? Tou̒toonu totoonulalo moo̒linggolabe u mapee̒enta hepilohutu lo Eeya muloololio mai wau heilungguli linene moya lo mongowatotia pasali woloolo mola Eeya lopolualao̒ olimongolio lonto Masiri? Botia Eeya malo lolaa olo mongowatotia wau lopoluli olo mongowatotia kiluwaasa tau-tauwalo Midian.”