MONGO HAKIMU 5:9 - KITABI HABARI MOPIOHE

⁹ Tomongo eyanggu lo Isirai̒lu tamongohi batanga wolo iloheela lohilao, pilopo tunggulomu polo hulumatiu̒ u lodelo-delomolo mao̒. Pujiaalo mola Eeya!

MONGO HAKIMU 5:9 Iomraidhean Croise

BOHULO TAWARI 29:9

Ulipu helongohi wolo iloheela lohilao ode Eeya wau timongolio meengahe sababu madilaata u hepilodewo limongolio. Tei Olongia Dauda olo meengahe daa̒.

OLUO TAWARI 17:16

Taa otolulio yito tei Amasia walae̒e Jikhri; tio lotitau̒wa to tadulo hetuto lolihu lota pajule. (Tei Amasia yito ngotaalio lo tamohutu u hitua-tuawua wolo iloheela lohilao tahe motiwato to Eeya.)

OLUO TAWARI 31:8

Loo̒onto sadaka u debo odelo odaata leeto ti Olongia Hiskia wau mongo pogaweelio helo polamahu mola to Eeya wau helomuji ulipu lo Isirai̒lu, umati lo Eeya.

NEHEMIA 11:2

To wolota limongolio woluo ta iloheela lohilao motitatapu to Yerusalemu wau timongolio hepiluji lo ulipu.

JABURU 103:2

Pujiaalo mola Eeya, wuu jiwa laatia, diila mao̒ lipata totoonulalo opopiohu Eeya!

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

2 KORINTUS 8:12

Wonu timongoli iloheela lohilao mongohi, yi Allahu Taa̒ala mamololimo uilohi limongoli boito patopatoa̒ tou̒ wolo udiaaluo toli mongoli.

2 KORINTUS 8:17

Sababu tei Titusi diila bo iloheela lohilao mopoo̒polu hihile lamiaatia, bo tio olo odito olohio ohilaa motulungi olimongoli tunggula to ilohilaalio lohihilao olo tio lolantu u lonao̒ mola ode limongoli.

2 KORINTUS 9:5

Uitolo sababuulio watia molaasa palalu molao mai olimongolio boito ode limongoli meimulo u mongulusipo dembulo u pilodanti limongoli boito. Watia lohutu mao̒ uito alihu de wonu watia monao̒ mai, u wohi limongoli boito mapilo dapato. Lou̒ odito, malo ilaalo deu̒ uwohi limongoli boito yilohi wolo hilaa sanangi, wau diila kalana pakusa.

MONGO HAKIMU 5:2

Pujiaalo mola Eeya, sababu papaa-halawaniyalo Isirai̒lu mai̒lo teekati u mohipate, wau ulipu wolo ihilasi monao̒ u mopaatea.